மேக்-கப் தவறுகள், முதுமைத் தோற்றத்தை தரும்!!!

ஃபௌண்டேஷன்

அளவுக்கு அதிகமானால் பாதிப்பு என்பது தெரியும். அப்படி தான் மேக்-கப்பில் போடும் ஃபௌண்டேஷன் அதிகமானாலோ அல்லது பயன்படுத்தாமல் இருந்தாலும், அது பார்ப்பதற்கு ஒருவித முதுமைத் தோற்றத்தை தரும். ஆகவே இந்த ஃபௌண்டேஷனை சரியான அளவில் பயன்படுத்தினால், முகம் நன்கு அழகாக காண்பதோடு, பொலிவோடும் காணப்படும்.

சரும வறட்சி

சருமம் வறட்சியாக இருந்தால், முதுமைத் தோற்றத்தை அளிக்கும். ஆகவே சருமம் வறட்சி உள்ளவர்கள், தினமும் மாய்ச்சுரைசரை தடவி வர வேண்டும். அதிலும் இரவில் படுக்கும் முன் சருமத்திற்கு கோல்டு க்ரீம்களை தடவி படுத்தால், சருமம் எப்போதும் வறட்சியின்றி ஈரப்பசையுடன் இருக்கும்.

பவுடர்

ஃபௌண்டேஷன் பயன்படுத்தியப் பின் முகத்திற்கு பவுடரை போட்டால் தான், மேக்-கப்பானது நன்கு முகத்தில் தங்கி, மேக்-கப் முழுமையடைந்து போன்று அழகாக இருக்கும். அதற்காக நிறைய பவுடரை முகத்திற்கு போடக்கூடாது, அதிலும் கண்களுக்கு அருகில் அதிகம் பயன்படுத்தவே கூடாது. ஏனென்றால், அவை கண்களைச் சுற்றி ஒருவித சுருக்கம் போன்ற தோற்றத்தைத் தரும். பின்னர் பார்த்தால், பாட்டி போன்று தான் காணப்படுவீர்கள்.

கண் மேக்-கப்

முகத்திற்கு மேக்-கப் போடும் போது முக்கியமாக கண்களுக்குத் தான் அதிகமான மேக்-கப் போடுவோம். ஏனெனில் முகத்தை அழகாக வெளிப்படுத்துவது கண்கள் தான். ஆகவே அவ்வாறு கண்களுக்கு கிளிட்டர் வகையான மேக்-கப்களை பயன்படுத்தும் போது, அதிகமாக பயன்படுத்திவிடாமல், லேசாக உபயோகித்தால் தான், கண்கள் அழகாக வெளிப்படும். இல்லையெனில் கண்கள் பொலிவற்று, சுருக்கங்கள் உள்ளது போல் வெளிப்படுத்தும்.

டார்க் லிப்ஸ்டிக்

எப்படி கண்கள் முகத்தை அழகாக வெளிப்படுத்துகிறதோ, அதேப்போல் தான் உதடுகளும் அழகாக காண்பிக்கிறது. ஆகவே அத்தகைய உதடுகளுக்கு மிகவும் அடர்ந்த நிறமுள்ள லிப்ஸ்டிக் போட்டால், அவை உதடுகளில் கோடுகள் போன்று வெளிப்படுத்தி, மேக்-கப்பிற்கான அழகையே கெடுத்துவிடும். எனவே லிப்ஸ்டிக் போடும் போது, மிகவும் மென்மையான நிறத்தை பயன்படுத்தி, லிப் கிளாஸ் போட்டால், அதன் அழகே தனி தான்.