ஏய்..! நீ ரொம்ப அழகா இருக்க..!! #ஸ்பெக்ஸ் மனிதர்கள்...!!!

#1 .சதுர முகம்

இந்த சதுர முகம் கொண்டவர்களின் முக அமைப்பானது, பரந்த, ஆழமான நெற்றிகளை கொண்டதாக இருக்கும்.அத்துடன் தாடையும் பரந்து காணப்படும்.எனவே இவர்களுக்கு சற்று வித்தியாசமான ஃபிரமேஸ்களே சரியாக இருக்கும். முட்டை வடிவ கண்ணாடிகள் இவர்களுக்கு மிக எடுப்பாக இருக்கும்.மேலும் இது அவர்களை நீண்ட மென்மையான முகம் கொண்டவராக பிரதிபலிக்கும்.

மிகவும் தட்டையான முனைகளுடன், மென்மையாக இருக்கும் கண்ணாடிகளை அணிந்தால் அது அவர்களின் மூக்கு பகுதியை அழகாக எடுத்து காட்டும்.

#2 நீண்ட முகம்

நீண்ட முகம் உடையவர்கள் பொதுவாகவே நீண்ட தாடை அமைப்பை கொண்டவர்களாக இருப்பர். மிகவும் மெல்லிய ஃபிரேம்களை கொண்ட தட்டையான கண்ணாடிகளை அணிந்தால் அழகோ அழகுதான்..!! இந்த தட்டையான கண்ணாடிகள், அவர்கள் முகத்தை பார்ப்பதற்கு குறுகிய மற்றும் சின்ன முகமாக தோன்றக்கூடிய பிம்பத்தை கொடுக்கும். மேலும் ஸ்பெக்ஸ் பார்ப்பதற்கு சிறிய அளவில்,அதிக டிசைன்களுடன் இருந்தால் இன்னும் அழகை கூட்டி கொடுக்கும்.

#3 வட்ட வடிவ முகம்

மிக அழகான கன்னங்களை கொண்டவர்கள் இந்த வட்ட வடிவத்து முகம் உள்ளவர்கள்.பார்ப்பதற்கு சாந்தமான முக பாவனைகளை இவர்கள் வைத்திருப்பார்கள். மேலும் பரந்த நெற்றியும் அழகான தாடை அமைப்பையும் கொண்டவர்கள் இவர்கள்.எனவே, இவர்களுக்கு மிக தட்டையான மெல்லிய வட்டமற்ற வடிவ கண்ணாடிகள் அட்டகாசமாக இருக்கும். செவ்வக வடிவ ஃபிரேம்ஸ் மேலும் இவர்களுக்கு அழகை கூட்டி கொடுக்கும்.

#4 ஹார்ட் வடிவ முகம்

ஹார்ட் வடிவ முகம் உடையவர்கள் பரந்த நெற்றியுடனும்,அகண்ட கன்னத்துடனும்,குறுகிய தாடையுடனும் இருப்பார்கள். இவர்களுக்கு மெல்லிய ஒளி வண்ண கண்ணாடிகள் பார்க்க அழகாக இருக்கும்.ஏனென்றால் அவை அவர்களின் குறுகிய தடையை சிறிது நீட்டமாக எடுத்துக்காட்டும். மேலும் செமி-ரும்டு கண்ணாடிகளும் இவர்களின் முகங்களுக்கு பொருத்தமாக இருக்கும்.

#5 முட்டை வடிவ முகம்

இந்த முட்டை வடிவ முக அமைப்பை கொண்டவர்கள் இயல்பாகவே அனைத்து வகையான கண்ணாடிகளும் பொருந்துபவராக இருப்பார்கள். இவர்களின் முகமானது முட்டை வடிவத்தில் நீண்ட தாடை கொண்டவராக இருப்பார்கள். கன்னமும் புசு புசுவென்று காணப்படும். இவர்களுக்கு ' கேட் ஐ " வடிவ கண்ணாடிகள் மிக கச்சிதமாக இருக்கும்.ஏற்கனவே அழகாக இருந்த அவர்களின் முகத்தை இன்னும் அழகாக மாற்றிவிடுகிறது இந்த வகை கண்ணாடிகள்.

#6 வைர வடிவ முகம்

கண்கள் பொதுவாகவே இந்த வைர வடிவ முகம் உடையவர்களுக்கு குறுகிய அமைப்பாகவே இருக்கும். மேலும் அகண்ட கன்னமும் குறுகிய தாடையும் இவர்களின் முக அமைப்பாகும். டீடைல்ட்டு ஃபிரேம்ஸ்,ரிம்லெஸ் ஃபிரேம்ஸ்,கேட் ஐ ஃபிரேம்ஸ் போன்றவை இந்த முக அமைப்பு கொண்டவர்களுக்கு எடுப்பாக இருக்கும்.

#7 முக்கோண வடிவ கண்ணாடிகள்

இவர்களின் முக அமைப்பும் ஹார்ட் வடிவ முகம் கொண்டவர் போல் தான் இருக்கும். ஆனால் சிறிய கன்னங்கள் கொண்டவர்களாக இருப்பார்கள். இவர்களின் நெற்றியானது நீண்டு காணப்படும்.மேல் புற முகமானது சின்னதாக தெரியும்.இவர்களுக்கு நீண்ட ஃபிரேம்களை உடைய கண்ணாடிகள் மிக அற்புதமாக இருக்கும். அத்துடன் லைட் கலர் ஃபிரேம்களும்,ரிம்லெஸ் ஃபிரேம்களும் முக்கோண வடிவ முகம் உடையவர்களுக்கு அட்டகாசமாக இருக்கும்.

#8 செவ்வக வடிவ முகம்

அகன்ற நெற்றியும், நீண்ட கன்னத்தையும் வட்டமான தாடை அமைப்பையும் கொண்டவர்கள் இவர்கள். மேலும் முகம் பார்ப்பதற்கு நீட்டமாக இருக்கும். இந்த முக அமைப்பை கொண்டவர்களுக்கு நீண்ட ஃபிரேம்ஸ்களை உடைய கண்ணாடிகளை அணிந்தால் பிரமாதமாக இருக்கும்.இந்த ஃபிரேம்ஸ் அவர்களில் நீண்ட முகத்தை சீரானதாக எடுத்து காட்டும்.

செய்யகூடாதவை:-

# வட்ட வடிவ முகத்துக்காரர்களா நீங்கள்...? நிச்சயம் வட்டவடிவ ஃபிரேம்ஸ்கள் கொண்ட கண்ணாடிகளை நீங்கள் அணிய வேண்டாம்.

# சதுரவடிவ முகம் கொண்டவர்கள், தட்டையான கூர்மையான முனைகள் கொண்ட ஃபிரேம்ஸ்கள் அணிந்தால் இவர்களின் தோற்றத்தை கெடுத்துவிடும்.

#முட்டை வடிவ முகத்தவர்களுக்கு கிட்டத்தட்ட அனைத்து விதமான ஃபிரேம்ஸ்களும் பொருந்தும். இருப்பினும் இவர்கள் மிக சிறிய அல்லது மிக பெரிய ஃபிரேம்ஸ்களை அணிவதை தவிர்க்க வேண்டும்.

# செவ்வக வடிவ முகம் உள்ளவர்கள் சிறிய செவ்வக வடிவ ஃபிரேம்ஸ்களை அணிவதை தவிர்க்க வேண்டும்.இஃது அவர்களின் முகத்துக்கு எடுப்பாக இருக்காது.

# ஹார்ட் அல்லது முக்கோண வடிவ முகம் உள்ளவர்கள் ,நீண்ட முனைகள் கொண்ட ஃபிரேம்ஸ்களை அணிந்தால் அவர்கள் முக அமைப்பிற்கு அது ஏற்றதாக இருக்காது.