உங்க முடி கருகருன்னும் கிடுகிடுன்னும் வளரணுமா? அப்ப இந்த 3 வெங்காய ஹேர் மாஸ்க் மட்டும் யூஸ் பண்ணங்க!

வெங்காயம் முடிக்கு நல்லதா?

வெங்காயத்தில் துத்தநாகம், சல்பர், என்சைம் கேடலேஸ் (ஆன்டிஆக்ஸிடன்ட்), ஃபோலிக் அமிலம், வைட்டமின் சி, ஈ, பி, பாஸ்பரஸ், பொட்டாசியம் மற்றும் பிற அத்தியாவசிய ஊட்டச்சத்துக்கள் நிறைந்துள்ளன. இது முடி வளர்ச்சியை அதிகரிக்கவும், முடி ஆரோக்கியத்தை மேம்படுத்துவதற்கும் மற்றும் உச்சந்தலையை சுத்தமாகவும் ஆரோக்கியமாகவும் வைத்திருக்கவும் உதவுகிறது.

வெங்காய ஹேர் மாஸ்க்

சில சமீபத்திய ஆண்டுகளில், வெங்காயம் ஒரு முடி பராமரிப்பு மூலப்பொருளாக மிகவும் பிரபலமாகிவிட்டது. முடி பராமரிப்பு பொருட்களை கொண்ட சந்தைகள் கூட வெங்காய சாறு கொண்ட தயாரிப்புகளால் நிரம்பி வழிகின்றன. இந்த இயற்கையான, பாதுகாப்பான, மலிவு மற்றும் எளிமையான முடி பராமரிப்பு மூலப்பொருளைப் பயன்படுத்துவதற்கான சிறந்த வழி, வீட்டிலேயே வெங்காய ஹேர் மாஸ்க் தயாரிப்பதாகும்.

தேன் மற்றும் வெங்காய சாறு மாஸ்க்

தேன் மற்றும் வெங்காய சாறு ஹேர் மாஸ்க் முடியின் ஈரப்பதத்தைத் தக்கவைத்து, இயற்கையான கண்டிஷனராக செயல்பட்டு, மயிர்க்கால்களை பலப்படுத்துகிறது. எனவே இது முடி சேதம் மற்றும் வறட்சியைத் தடுக்கும். ஒரு தேக்கரண்டி நல்ல தரமான தேனை அரை கப் புதிய வெங்காய சாறுடன் கலந்து ஹேர் மாஸ்க்கை உருவாக்கவும். உச்சந்தலையிலும் முடியின் நீளத்திலும் தடவி மெதுவாக மசாஜ் செய்யவும். அதை 15 நிமிடங்கள் அப்படியே விடவும். லேசான ஷாம்பு மற்றும் கண்டிஷனரை கொண்டு தலைமுடியை அலசவும். இதை நீங்கள் வாரம் ஒரு முறை பயன்படுத்தலாம்.

வெங்காய சாறு மற்றும் இஞ்சி மாஸ்க்

இந்த பேக் அழற்சி எதிர்ப்பு மற்றும் இரத்த ஓட்டத்தை மேம்படுத்துகிறது. அதனால்தான் இது முடி வளர்ச்சிக்கு சிறந்தது. உங்கள் தலைமுடியின் நீளத்திற்கு ஏற்ப, இஞ்சி மற்றும் வெங்காயச் சாற்றை சம அளவு எடுத்து நன்கு கலக்கவும். இந்த கலவையை உங்கள் உச்சந்தலையில் தடவி நன்றாக மசாஜ் செய்யவும். மிதமான ஷாம்பு மற்றும் கண்டிஷனரை கொண்டு கழுவுவதற்கு முன் சுமார் ஒரு மணி நேரம் அப்படியே விடவும். ஒவ்வொரு நாளும் இந்த ஹேர் பேக்கை பயன்படுத்தலாம்.

தேங்காய் எண்ணெய் மற்றும் வெங்காய சாறு

தலைமுடிக்கு தேங்காய் எண்ணெயின் செயல்திறன் பற்றி கேள்விக்கு இடமே இல்லை. இந்த ஹேர் மாஸ்க் நுண்ணறைகளை சரிசெய்ய உதவுகிறது. மேலும் உச்சந்தலையை உள்ளே இருந்து குணப்படுத்துகிறது. ஒட்டுமொத்த முடி ஆரோக்கியத்திற்கு, இந்த ஹேர் மாஸ்க் நல்லது. தேங்காய் எண்ணெய் மற்றும் வெங்காயச் சாற்றை 1:1 என்ற விகிதத்தில் கலக்கவும். உச்சந்தலையில் மற்றும் முடி நீளம் வரை நன்றாக தடவி மசாஜ் செய்யவும். 30 நிமிடங்கள் அப்படியே விடவும். பின்னர், மென்மையான ஷாம்பு மற்றும் கண்டிஷனரை கொண்டு கழுவவும். இந்த ஹேர் மாஸ்க்கை வாரத்திற்கு ஒரு முறை அல்லது இரண்டு முறை பயன்படுத்தவும்.

இறுதி குறிப்பு

வெங்காயச் சாறு வடியும் என்பதால், துணிகளைப் பாதுகாக்க உங்கள் தோள்களில் ஒரு டவலை வைக்க மறக்காதீர்கள் அல்லது உங்கள் தலைமுடியை மறைக்க ஷவர் கேப்பையும் போடலாம். வெங்காய சாற்றை உங்கள் உச்சந்தலையில் பயன்படுத்துவதற்கு முன்பு ஒவ்வாமை உள்ளதா என சரிபார்க்கவும். பின்னர், பயன்படுத்தவும்.