For Quick Alerts
ALLOW NOTIFICATIONS  
For Daily Alerts

இந்த இரண்டு ஆயில் சேர்ந்த கலவையை உங்க தலையில யூஸ் பண்ணுனீங்கனா... முடி வேகமாக அடர்த்தியா வளருமாம்!

|

முடி உதிர்தல் என்பது இன்றைய இளைஞர்களின் முக்கிய பிரச்சனையாக உள்ளது. பொதுவாக இது வாழ்க்கையில் ஒரு கட்டத்தில் அனைவரையும் பாதிக்கிறது. இந்த நிலை அதிகப்படியான முடி உதிர்வை ஏற்படுத்துகிறது. மேலும் முடி உதிர்வை கட்டுப்படுத்தப்படாவிட்டால், இன்னும் அதிக முடி உதிர்வதற்கும் வழிவகுக்கும். முடி உதிர்தல் பிரச்சனைக்கு பங்களிக்கும் பல காரணிகள் இருந்தாலும், மன அழுத்தம், ஹார்மோன் மாற்றங்கள் போன்றவை உடல்நலம் தொடர்பானவை. இவை தவிர, சூரிய பாதிப்பு, ரசாயனம் கலந்த பொருட்களின் அதிகப்படியான பயன்பாடு அல்லது வெப்ப ஸ்டைலிங் கருவிகள் இந்த மோசமான முடி நிலையை ஏற்படுத்தலாம். அதிர்ஷ்டவசமாக, முடி உதிர்வைக் கட்டுப்படுத்தும் இயற்க்கை வழிகள் உள்ளன.

முடி உதிர்வை எதிர்த்துப் போராடவும், ஆரோக்கியமான முடியின் வளர்ச்சியை அதிகரிக்கவும், பிளவுபட்ட முடிகள் மற்றும் மெல்லிய கூந்தலைத் தடுக்கவும் உதவும் எளிய இயற்கை முறைகள் உள்ளன. இந்த பாரம்பரிய முறைக்கு நீங்கள் இரண்டு இயற்கை எண்ணெய்களைக் கலக்க வேண்டும் மற்றும் அதன் விளைவாக வரும் கலவையுடன் உங்கள் விலைமதிப்பற்ற முடிக்கு சிகிச்சையளிக்க வேண்டும். முடி உதிர்தல் பிரச்சனையை எதிர்த்துப் போராட நீங்கள் முயற்சி செய்யக்கூடிய 6 வெவ்வேறு முடி எண்ணெய் கலவைகளின் பட்டியல் பற்றி இக்கட்டுரையில் காணலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
நெல்லிக்காய் எண்ணெய் மற்றும் ரோஸ்மேரி எண்ணெய்

நெல்லிக்காய் எண்ணெய் மற்றும் ரோஸ்மேரி எண்ணெய்

நெல்லிக்காய் எண்ணெய் மற்றும் ரோஸ்மேரி எண்ணெய் இரண்டும் அவற்றின் வளர்ச்சியை அதிகரிக்கும் திறன்களுக்கு பிரபலமானது. உண்மையில், அவற்றின் கலவை முடி வளர்ச்சியை ஊக்குவிப்பது மட்டுமல்லாமல், முடி உதிர்தலையும் ஒரே நேரத்தில் கட்டுப்படுத்துகிறது.

எப்படி பயன்படுத்துவது?

எப்படி பயன்படுத்துவது?

2 தேக்கரண்டி நெல்லிக்காய் எண்ணெய், ½ தேக்கரண்டி ரோஸ்மேரி எண்ணெயை சேர்த்து ஒன்றாக கலக்கவும். இந்த கலவையை உச்சந்தலைப் பகுதி முழுவதும் மசாஜ் செய்யவும். அதை 20-25 நிமிடங்கள் அப்படியே விட்டு விடவும். வெதுவெதுப்பான நீர் மற்றும் உங்கள் வழக்கமான ஷாம்பு கொண்டு தலைமுடியை கழுவவும். முடி உதிர்வைக் கட்டுப்படுத்த வாரத்திற்கு இரண்டு முறை, இந்த எண்ணெய் கலவையைப் பயன்படுத்தவும்.

வைட்டமின் ஈ எண்ணெய் மற்றும் தைம் எண்ணெய்

வைட்டமின் ஈ எண்ணெய் மற்றும் தைம் எண்ணெய்

வைட்டமின் ஈ எண்ணெய் மற்றும் தைம் அத்தியாவசிய எண்ணெய் ஆகியவற்றின் கலவை முடி உதிர்தலை எதிர்த்துப் போராடுவதோடு, முடியை வேர்களில் இருந்து வலுப்படுத்தும்.

எப்படி பயன்படுத்துவது?

எப்படி பயன்படுத்துவது?

வைட்டமின் ஈ காப்ஸ்யூலில் இருந்து எண்ணெயை வெளியே எடுத்து ½ டீஸ்பூன் தைம் அத்தியாவசிய எண்ணெயுடன் கலக்கவும். இந்த கலவையை உச்சந்தலையில் தடவி சில நிமிடங்கள் மசாஜ் செய்யவும். 15 நிமிடங்களுக்கு அப்படியே அதை விடவும். பின்னர், உங்கள் தலைமுடியை நன்கு அலசவும். சிறந்த முடிவுகளுக்கு வாரத்திற்கு ஒருமுறை இந்தக் கலவையைப் பயன்படுத்தவும்.

பாதாம் எண்ணெய் மற்றும் கிளாரி சேஜ் எண்ணெய்

பாதாம் எண்ணெய் மற்றும் கிளாரி சேஜ் எண்ணெய்

பாதாம் எண்ணெய் மற்றும் கிளாரி சேஜ் அத்தியாவசிய எண்ணெய் ஆகியவற்றின் கலவையானது உங்கள் முடியின் வேர்களை அடைந்து ஆரோக்கியமான முடியின் வளர்ச்சியை அதிகரிக்கிறது.

எப்படி பயன்படுத்துவது?

எப்படி பயன்படுத்துவது?

2 தேக்கரண்டி பாதாம் எண்ணெய் மற்றும் ½ டீஸ்பூன் கிளாரி சேஜ் அத்தியாவசிய எண்ணெயை ஒன்றாக கலக்கவும். இந்த கலவையை உச்சந்தலையில் மற்றும் உங்கள் தலைமுடியில் நன்கு தடவவும். 30 நிமிடங்கள் அப்படியே விட்டுவிடவும். தலைமுடியை கழுவுவதற்கு வெதுவெதுப்பான நீர் மற்றும் உங்கள் வழக்கமான ஷாம்பூவைப் பயன்படுத்தவும். ஒரு மாதத்தில், முடி உதிர்தலில் இருந்து நிவாரணம் பெற குறைந்தபட்சம் 3-4 முறை இந்த கலவையைப் பயன்படுத்த முயற்சிக்கவும்.

ஆலிவ் எண்ணெய் மற்றும் சிடார்வுட் அத்தியாவசிய எண்ணெய்

ஆலிவ் எண்ணெய் மற்றும் சிடார்வுட் அத்தியாவசிய எண்ணெய்

ஆலிவ் எண்ணெய் மற்றும் சிடார்வுட் அத்தியாவசிய எண்ணெய் இரண்டின் நன்மை முடி உதிர்தலை எதிர்த்துப் போராடுவதோடு, உங்கள் தலைமுடியை ஃப்ரீ ரேடிக்கல் சேதத்திலிருந்து பாதுகாக்கும்.

 எப்படி பயன்படுத்துவது?

எப்படி பயன்படுத்துவது?

2-3 தேக்கரண்டி ஆலிவ் எண்ணெய் மற்றும் ½ டீஸ்பூன் சிடார்வுட் அத்தியாவசிய எண்ணெயை கலக்கவும். இந்த கலவையை உச்சந்தலையில் தடவி, உங்கள் விரல் நுனியில் சில நிமிடங்கள் மசாஜ் செய்யவும். கலவையை மற்றொரு 20-25 நிமிடங்களுக்கு விடவும். வெதுவெதுப்பான நீரில் தலைமுடியை கழுவவும். வாரத்திற்கு ஒருமுறை, பயனுள்ள முடிவுகளுக்கு வீட்டில் தயாரிக்கப்பட்ட இந்த கலவையைபயன்படுத்தவும்.

தேங்காய் எண்ணெய் மற்றும் கேரட் அத்தியாவசிய எண்ணெய்

தேங்காய் எண்ணெய் மற்றும் கேரட் அத்தியாவசிய எண்ணெய்

சர்வ வல்லமை வாய்ந்த தேங்காய் எண்ணெய், கேரட் அத்தியாவசிய எண்ணெய், வைட்டமின்கள் ஏ மற்றும் ஈ ஆகியவற்றின் இயற்கையான ஆதாரத்துடன் இணைந்து உச்சந்தலையில் இரத்த ஓட்டத்தைத் தூண்டுகிறது மற்றும் முடியின் வேர்களை வலுப்படுத்துகிறது. மேலும், இது முடி உடைவதைத் தடுக்கிறது.

எப்படி பயன்படுத்துவது?

எப்படி பயன்படுத்துவது?

1 டேபிள் ஸ்பூன் தேங்காய் எண்ணெய் மற்றும் 5-6 துளிகள் கேரட் அத்தியாவசிய எண்ணெய் ஆகியவற்றின் கலவையை ஒன்றாக இணைக்கவும். இந்த கலவையை உச்சந்தலையில் தடவி 1-2 நிமிடங்கள் மசாஜ் செய்யவும். ஷவர் கேப் மூலம் உங்கள் தலையை மூடி, கலவையை 40 நிமிடங்களுக்கு அப்படியே வைக்கவும். பின்னர், வெதுவெதுப்பான நீர் மற்றும் ஷாம்பு கொண்டு தலைமுடியை கழுவவும். முடி உதிர்வைக் கட்டுப்படுத்த வாரத்திற்கு இரண்டு முறை, இந்த வீட்டில் தயாரிக்கப்பட்ட எண்ணெய் கலவையைக் கொண்டு உங்கள் தலைமுடிக்கு சிகிச்சை அளிக்கவும்.

ஆமணக்கு எண்ணெய் மற்றும் லாவெண்டர் அத்தியாவசிய எண்ணெய்

ஆமணக்கு எண்ணெய் மற்றும் லாவெண்டர் அத்தியாவசிய எண்ணெய்

லாவெண்டர் அத்தியாவசிய எண்ணெயுடன் இணைந்த ஆமணக்கு எண்ணெய் ஒரு சிறந்த ஹேர் கண்டிஷனிங் சிகிச்சையை உருவாக்குகிறது. இது முடி உதிர்வை எதிர்த்துப் போராடும் மற்றும் முடி உதிர்வதைக் குறைக்கும்.

எப்படி பயன்படுத்துவது?

எப்படி பயன்படுத்துவது?

1 தேக்கரண்டி ஆமணக்கு எண்ணெய் மற்றும் 4-5 துளிகள் லாவெண்டர் அத்தியாவசிய எண்ணெய் ஆகியவற்றை ஒன்றாக சேர்த்து கலக்கவும். இந்த கலவையை உச்சந்தலையின் பகுதியில் தடவவும். 20-25 நிமிடங்கள் அப்படியே விட்டு விடவும். உங்கள் தலைமுடியிலிருந்து கலவையைக் கழுவுவதற்கு ஷாம்பு மற்றும் வெதுவெதுப்பான நீரைப் பயன்படுத்தவும். விரும்பிய முடிவைப் பெற, இந்த சக்திவாய்ந்த கலவையை வாரத்திற்கு ஒரு முறையாவது பயன்படுத்துங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Hair Oil Concoctions To Control Hair Loss in tamil

Here we are talking about the Hair Oil Concoctions To Control Hair Loss in tamil.