தலைமுடி உதிர்தல், முடி வறட்சி, முடி வெடிப்பு அனைத்திற்கும் தீர்வு தரும் ஓர் எளிய வீட்டு சிகிச்சை!

தேவையான பொருட்கள்:

தேங்காய் - 1 மூடி

ஆலிவ் ஆயில் - 1 ஸ்பூன்

பாதாம் எண்ணெய் - 1 ஸ்பூன்

செய்முறை #1

முதலில் நற்பதமான தேங்காயை துண்டுகளாக்கி, மிக்ஸியில் போட்டு, நீர் சேர்க்காமல் நன்கு அரைத்து, பின் லேசாக நீர் சேர்த்து வடிகட்டி பயன்படுத்தி வடிகட்டி தேங்காய் பாலை எடுத்துக் கொள்ள வேண்டும்.

செய்முறை #2

பின் அத்துடன் ஆலிவ் ஆயில் மற்றும் பாதாம் ஆயில் சேர்த்து நன்கு கலந்து கொள்ள வேண்டும்.

செய்முறை #3

பிறகு தயாரித்து வைத்துள்ள தேங்காய் பால் கலவையை ஸ்கால்ப் முதல் முடியின் முனை வரை தடவ வேண்டும். இப்படி தலை முழுவதும் இதைத் தடவ வேண்டும். பின் சிறிது நேரம் மசாஜ் செய்ய வேண்டும்.

செய்முறை #4

அடுத்து 1 மணிநேரம் கழித்து, ஷாம்பு அல்லது சீகைக்காய் பயன்படுத்தி தலைமுடியை அலச வேண்டும்.

குறிப்பு:

முடி வெடிப்பு அதிகம் இருந்தால், கத்தரிக்கோலால் அவற்றை வெட்டி நீக்கிவிட்டு, பின் இந்த கலவையைப் பயன்படுத்துங்கள். இதனால் இனிமேல் வெடிப்பு வராமல் இருப்பதோடு, முடியும் நன்கு வளர்ச்சி பெறும். அதே நேரத்தில் தலைமுடி நன்கு மென்மையாக பட்டுப் போன்றும், பொலிவோடும் இருக்கும்.