தலை முடி பராமரிப்பில் உதவியாக இருக்கும் விதைகள்!!!

தலைமுடி இழப்பைத் தடுக்கும் வெந்தயம்

இயற்கையாகவே கிடைக்கும் வெந்தயம் ஒரு மிகச்சிறந்த தலைமுடி பராமரிப்பு விதையாகும். வெந்தய விதை சிகிச்சை முறையானது ஒரு முழுமையான வீட்டு தயாரிப்பாகவும் மற்றும் செலவு குறைவானதாகவும் இருக்கும். உங்களுக்கு அருகில் உள்ள கடைகளிலேயே இதனை குறைந்த செலவில் வாங்கிடவும் முடியும். விதைகளைக் கொண்டு தலைமுடியை பராமரிக்கும் விஷயத்தில், வெந்தய விதைகள் தான் முதலிடத்தில் உள்ளன. வெந்தய விதைகளை கொண்டு தயார் செய்யப்பட்ட இயற்கையான தலைமுடி பராமரிப்பு பொருட்களும் கடைகளில் விற்கப்படுகின்றன. இது தலைமுடியை உறுதிப்படுத்தி, தலைமுடி இழப்பைத் தவிர்க்கிறது.

நரைமுடியைப் போக்கும் எள்

நீங்கள் விதைகளைக் கொண்டு தலைமுடியை பராமரிக்க நினைத்தால், அதற்கு எள் விதைகளைப் பயன்படுத்துவது உத்தமம். எள் விதைகளை பழையதாக இருந்தாலும், நல்ல விளைவை தரத் தவறுவதில்லை. இந்த விதைகள் மட்டுமே நரைமுடியை நீக்குகின்றன. நீங்கள் செய்ய வேண்டியதெல்லாம் 2-3 மாத காலத்திற்கு, தினமும் ஒரு தேக்கரண்டி எள் பயன்படுத்துவது தான். அதன் பின்னர் பாருங்கள் குறிப்பிடத்தக்க மாற்றங்கள் ஏற்பட்டிருக்கும். இதைக் கொண்டு நீங்கள் இயற்கையான முடி பராமரிப்பு கலவைகளையும் செய்ய முடியும் என்பது இதன் சிறப்பம்சமாகும்.

இனிப்பான மருந்தான கசப்பான வேம்பு

வேப்ப இலை என்றாலே நினைவுக்கு வருவது அதன் கசப்புத்தன்மை தான். எனினும், வேப்ப எண்ணெயின் மருத்துவ குணத்தை யாராலும் மறுக்க முடியாது. இது அற்புதமான தீர்வுகளைக் கொடுத்து, உங்கள் தலைமுடியை சிறப்பாக பராமரிக்கச் செய்கிறது. அது தலையின் தோல் பகுதியை (Scalp) பராமரித்து, முடியை ஆரோக்கியமாக வைக்கிறது.

மாதுளையும், இனிப்பான தலைமுடியும்!

மாதுளை ஒரு இனிப்பான பழம் என்பது நாம் அனைவரும் ஏற்றுக் கொள்ளும் விஷயம் தான்! ஆனால், இது மருத்துவ குணங்களும் உள்ள பழம் தான். அது உங்கள் தலைமுடிக்கு ஈரப்பதத்தை கொடுத்து, வளமையாக இருக்க வைக்கிறது. இதனை பாதாம் எண்ணெயுடயோ அல்லது ஜோஜோபோ எண்ணெயுடனோ சேர்த்து பயன்படுத்தினால் சிறந்த விளைவுகள் ஏற்படும். நீங்கள் மாதுளைப் பழ சாற்றைக் கொண்டு, இயற்கையான தலைமுடி பாதுகாப்பு கலவையையும் செய்யலாம்.

திராட்சை விதை எண்ணெய்

தலைமுடி பாதுகாப்பில் முதன்மையான இடத்தைப் பெற்ற இயற்கை நிவாரணியாக திராட்சை விதை எண்ணெய் உள்ளது. இது செலவு குறைவானதாகவும், தலைமுடியின் ஈரப்பதத்தை பராமரிக்கும் காரணிகளை கொண்ட நிவாரணியாகவும் உள்ளது. நீங்கள் இதனை சூடான எண்ணெய் சிகிச்சை முறைகளுக்கும் பயன்படுத்தலாம்.

குருதிநெல்லி விதையின் அற்புதம்

பல காலமாகவே குருதிநெல்லி விதையை (Cranberry) தலைமுடி பராமரிப்புக்காக நாம் பயன்படுத்தி வருகிறோம். இது தலைமுடியை எப்பொழுதும் ஈரப்பதமாக வைத்திருந்து, முடியின் கால்கள் இருக்கும் தோல் பகுதி காய்ந்து போவதை தடுக்கிறது. ஏனெனில் காய்ந்து போன தோல் பகுதியால் நமக்கு வரும் பிரச்சனைகள் எண்ணிலடங்காதவை. காய்ந்து போன சரும பிரச்சனையை சரி செய்து விட்டாலே, உங்கள் தலைமுடி பிரச்சனைகளை எளிதில் சமாளித்து விட முடியும்.

மேலே படித்த டிப்ஸ்களைக் கொண்டு விதைகளைப் பயன்படுத்தி, இயற்கையான முறையில் உங்கள் தலைமுடிகளைப் பாதுகாத்துக் கொள்ளுங்கள். பயன் பெறுங்கள்.