அக்டோபரில் வக்ரமடையும் சுக்கிரன்: மேஷம் முதல் மீனம் வரை 12 ராசிக்கும் எப்படி இருக்கும் தெரியுமா?

Venus Retrograde In Libra On 03 October 2026: ஜோதிடத்தில் கிரகங்களின் இயக்கம் ஒருவரது வாழ்வில் ஆழமான தாக்கத்தை ஏற்படுத்துகிறது. அதுவும் நவகிரகங்களில் அழகு, ஆடம்பரம், காதல், செல்வம், செழிப்பு ஆகியவற்றின் காரணியான சுக்கிரன், ரிஷபம் மற்றும் துலாம் ராசிகளின் அதிபதியாவார். இவர் மாதம் ஒருமுறை ராசியை மாற்றுவார். இந்நிலையில் இந்த சுக்கிரன் தற்போது தனது சொந்த ராசியான துலாம் ராசியில் பயணித்து வருகிறார்.

இந்நிலையில் அக்டோபர் 03 ஆம் தேதி சுக்கிரன் வக்ர நிலையில் பயணத்தை தொடங்கவுள்ளார். இந்த நிலையில் நவம்பர் 14 ஆம் தேதி வரை இருப்பார். சுக்கிரனின் இந்த வக்ர பயணமானது காதல் வாழ்க்கை, திருமண உறவு, பணம் தொடர்பான விஷயங்களில் பெரிய மாற்றங்களை கொண்டு வரப் போகிறது. இப்போது அக்டோபர் 03 ஆம் தேதி வக்ரமடையும் சுக்கிரனால் மேஷம் முதல் மீனம் வரையிலான 12 ராசிக்காரர்களுக்கும் எப்படி இருக்கும் என்பதைக் காண்போம்.

மேஷம்

மேஷ ராசியின் 7 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு உறவுகளிலும், கூட்டு தொழிலிலும் புதிய திருப்பங்கள் ஏற்படும். தொழில் மற்றும் திருமண வாழ்வில் உள்ள பிரச்சனைகளை தீர்க்க வேண்டிய காலம் இது. இக்காலத்தில் எதையும் அவசரப்பட்டு செய்வதையோ அல்லது அவசர முடிவுகளை எடுப்பதையோ தவிர்க்க வேண்டும்.

ரிஷபம்

ரிஷப ராசியின் 6 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்கள் ஆரோக்கியம் மற்றும் தினசரி வழக்கத்தில் கவனம் செலுத்த வேண்டும். உடன் வேலை செய்வோருடன் நல்லுறவை பேண வேண்டும். ஆரோக்கிய விஷயங்களிலும், எதிரிகளிடமும் சற்று எச்சரிக்கையாக இருக்க வேண்டும்.

மிதுனம்

மிதுன ராசியின் 5 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்கள் காதல் வாழ்க்கை மற்றும் குடும்ப விஷயங்களில் சற்று எச்சரிக்கையாக இருக்க வேண்டும். பழைய பிரச்சனைகள் மீண்டும் தலைத்தூக்கும் வாய்ப்புள்ளது. மாணவர்கள் படிப்பில் கூடுதல் கவனம் செலுத்த வேண்டும்.

கடகம்

கடக ராசியின் 4 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களின் குடும்ப வாழ்க்கையில் ஏற்றத்தாழ்வுகள் ஏற்படலாம். தாயாரின் ஆரோக்கியம் குறித்த கவலை அதிகரிக்கலாம். சொத்து வாங்குவது அல்லது புதிய வாகனம் வாங்கும் எண்ணம் இருந்தால், அதை இக்காலத்தில் செய்யாமல் ஒத்திப் போடுவது நல்லது.

சிம்மம்

சிம்ம ராசியின் 3 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களின் தைரியமும், பேச்சுத் திறனும் மாறும். உடன் பிறந்தவர்களுடன் சண்டை வராமல் பார்த்துக் கொள்ள அறிவுறுத்தப்படுகிறது. ஆவணங்களில் கையெழுத்திடும் போது மிகவும் கவனமாக இருக்க அறிவுறுத்தப்படுகிறது.

கன்னி

கன்னி ராசியின் 2 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்கள் நிதி விஷயங்களிலும், பேச்சிலும் சிறப்பு கட்டுப்பாட்டை கடைப்பிடிக்க வேண்டும். தேவையற்ற செலவுகள் அதிகரிக்கும் வாய்ப்புள்ளது. குடும்பத்தில் ஏற்படும் பிரச்சனைகள் பெரிதாகாமல் இருக்க வாக்குவாதங்களை தவிர்ப்பது நல்லது.

துலாம்

துலாம் ராசியின் முதல் வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு இது ஒரு சுய பரிசோதனைக்கான நேரமாக இருக்கும். ஆளுமையையும், உறவுகளையும் மேம்படுத்துவதற்கான வாய்ப்புகள் கிடைக்கும். முக்கியமாக இக்காலத்தில் தற்பெருமை பேசி திரிவதைத் தவிர்க்க வேண்டும்.

விருச்சிகம்

விருச்சிக ராசியின் 12 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு செலவுகள் திடீரென்று அதிகரிக்க வாய்ப்புள்ளது. தொலைதூர பயணங்கள் தடைபடக்கூடும். மன அழுத்தம் மற்றும் டென்சன் குறைய யோகா, தியானத்தில் ஈடுபட அறிவுறுத்தப்படுகிறது.

தனுசு

தனுசு ராசியின் 11 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு வருமான ஆதாரங்களில் மாற்றங்கள் ஏற்பட வாய்ப்புள்ளது. பழைய நண்பர்களுடன் மீண்டும் ஒன்றிணைவீர்கள். நிதி விஷயங்களில் அதிக பணத்தை சம்பாதிக்க குறுக்கு வழிகளைத் தவிர்க்க அறிவுறுத்தப்படுகிறது. இல்லாவிட்டால் சிக்கலில் சிக்குவதோடு, பெரிய இழப்பு தான் ஏற்படும்.

மகரம்

மகர ராசியின் 10 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு தொழில் மற்றும் வேலையில் புதிய சவால்கள் எழக்கூடும். உயர் அதிகாரிகளுடன் மோதல்களை தவிர்க்க வேண்டும். விவேகத்துடன் வேலையை மாற்றுவது குறித்துப் பரிசீலிக்க வேண்டும்.

கும்பம்

கும்ப ராசியின் 9 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு ஆன்மீகத்தில் நாட்டம் அதிகரிக்கும். நீண்ட தூர பயணங்களை மேற்கொள்வீர்கள். இருப்பினும் இந்த பயணங்களின் போது உடைமைகளை கவனித்துக் கொள்ள வேண்டும். ஆரோக்கியத்திலும் அலட்சியத்தை தவிர்க்க வேண்டும். மாணவர்கள் படிப்பில் வழக்கத்தை விட அதிக கவனம் செலுத்த வேண்டும்.

மீனம்

மீன ராசியின் 8 ஆவது வீட்டில் சுக்கிரன் வக்ரமடைகிறார். இதனால் இந்த ராசிக்காரர்களுக்கு இக்காலம் ஆரோக்கியம், எதிர்பாராத நிதி ஆதாயங்கள் மற்றும் இழப்புகளுக்கு முக்கியமானதாகும். மாமியாருடன் கருத்து வேறுபாடுகள் ஏற்பட வாய்ப்புள்ளது. முக்கியமாக இக்காலத்தில் ஆபத்தான முதலீடுகளை செய்வதில் இருந்து விலகி இருங்கள்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை இக்கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.