Just In
- 6 hrs ago 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- 7 hrs ago இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..!
- 9 hrs ago சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- 11 hrs ago உங்க பற்கள் வலிமையாகவும், கிருமிகள் இல்லாததாகவும் இருக்கணுமா? இதில் ஒன்றை தினமும் சாப்பிடுங்க...!
Don't Miss
- News வெள்ளிக்கிழமை இதை மட்டும் யாருக்கும் தராதீங்க.. எந்தெந்த பொருளை வெள்ளி கிழமை தானம் தரலாம் தெரியுமா?
- Technology இனி Signal Weak சிக்கலே இருக்காது.. மொபைல் Settings-ல இதை பண்ணா போதும்.. இன்டர்நெட் ஸ்பீட் சும்மா பிச்சிக்கும்
- Finance வேலைக்கு சேர்ந்த 6 மாசத்திலேயே ரிசைன்.. அனல் பறக்கும் விவாதம்..!
- Automobiles சாதா கிளாஸ் டிக்கெட்டை வாங்கிட்டு முதல் வகுப்பில் பயணிக்கனுமா!! விமான பணி பெண் சொல்லும் மூன்று ரகசிய வழிகள்!
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
குளிர்காலத்தில் ஆரோக்கியமா இருக்கணும்னா.. இந்த சீசன் பழங்களை வாங்கி சாப்பிடுங்க...
ஒரு வருடத்திற்கு பல்வேறு காலநிலை மாற்றங்களை சந்திக்கிறோம். அப்படி வரும் ஒவ்வொரு பருவக்காலத்தின் போதும், ஒவ்வொரு பழங்கள் விலை மலிவாக கிடைக்கும். அந்த வகையில் இப்போது குளிர்காலம் ஆரம்பித்து விட்ட நிலையில், இந்த பருவ காலத்தில் நன்கு விளையக்கூடிய பழங்கள் மார்கெட்டுகளில் வந்து குவியும். மேலும் இக்காலத்தில் ஒரு ஸ்பெஷல் என்னவென்றால், அனைவருக்கும் பிடித்த ஆப்பிள் பழமானது மிகவும் விலை மலிவாக கிடைக்கும். அதுமட்டுமின்றி, இது போன்ற இன்னும் நிறைய பழங்கள் இக்காலத்தில் விலை குறைவில் கிடைக்கும்.
ஆகவே எப்போதும் சீசன் பழங்களை தவறாமல் வாங்கி சாப்பிட்டு விட வேண்டும். இதனால், அந்த பழங்களில் உள்ள சத்துக்களை எளிதில் பெற முடியும். மேலும் குளிர்காலத்தில் விளையக்கூடிய பழங்கள் அனைத்தும், இக்காலத்தில் ஏற்படக்கூடிய உடல்நல பிரச்சனைகளை சரிசெய்யும் தன்மைக் கொண்டவை.
எனவே இந்த குளிர்காலத்தில் விளையக்கூடிய பழங்களை சாப்பிட்டு, சளி, இருமல், காய்ச்சல் போன்றவற்றில் இருந்து விலகி இருங்கள். சரி, இப்போது குளிர்காலத்தில் விலை மலிவாக கிடைக்கக்கூடிய பழங்களைப் பார்ப்போமா!!!
ஆப்பிள்
சாதாரண காலத்தில் விலை அதிகம் இருக்கும் ஆப்பிள், குளிர்காலத்தில் மிகவும் குறைவான விலையில் கிடைக்கும். ஆகவே ஆப்பிள் பிரியர்களே! மறக்காமல் இந்த ஆப்பிள் பழத்தை தினமும் சாப்பிட்டு, உடலில் உள்ள சத்துக்களின் அளவை அதிகரித்துக் கொள்ளுங்கள். மேலும் இதில் நார்ச்சத்து மற்றும் ஆன்டி-ஆக்ஸிடண்ட் அதிகம் இருப்பதால், இதனை சாப்பிட காய்ச்சல் மற்றும் சளியில் இருந்து தள்ளி இருக்க முடியும்.
ஆரஞ்சு
ஆரஞ்சு மற்றும் இதர சிட்ரஸ் பழங்கள் கூட குளிர்காலத்தில் அதிகம் விளையக்கூடிய பழங்கள் தான். எனவே இதனை தினமும் சாலட், ஜூஸ் என்று போட்டு உட்கொண்டு, உடலின் நோயெதிர்ப்பு சக்தியை அதிகரித்து, நோய் தொற்றுகளில் இருந்து விலகி இருங்கள். அதுமட்டுமின்றி, தினமும் ஆரஞ்சு பழத்தை சாப்பிட்டு வந்தால், சருமம் பொலிவோடு இருக்கும்.
மாதுளை
ஆப்பிளுக்கு அடுத்த படியாக மிகவும் விலை அதிகமான பழம் என்றால் அது மாதுளை தான். ஆனால் இந்த மாதுளையானது குளிர்கால பழமாவதால், இதனை வாங்கி சாப்பிட்டு, இதனை நன்மைகளைப் பெறுங்கள். குறிப்பாக உடல் எடையை குறைக்க நினைப்போர், இந்த பழத்தை சாப்பிடுவது மிகவும் சிறந்தது. ஏனெனில் இது கலோரி குறைவான பழம்.
குருதிநெல்லி (Cranberry)
குருதிநெல்லி ஒரு பன்முகப் பழம். ஏனெனில் இதனை ஜாம், ஜூஸ், சாஸ், உலர்ந்த நிலையில் என்று பலவாறு சாப்பிடலாம். மேலும் இதில் ஆன்டி-ஆக்ஸிடண்ட் அதிகம் இருப்பதோடு, இது உடலை குளிர்ச்சியாக வைத்துக் கொள்ளும்.
கொய்யாப்பழம்
ஆப்பிள் பிடிக்காதவர்கள் கொய்யாப்பழத்தை சாப்பிடுங்கள். ஏனெனில் கொய்யாப்பழமானது ஆப்பிளுக்கு இணையான பழம் என்று பல ஆய்வுகள் கூறுகின்றன. எனவே இத்தகைய பழத்தை தவறாமல் சாப்பிட்டு, உடல்நலத்தை ஆரோக்கியமாக வைத்துக் கொள்ளுங்கள்.
ஸ்ட்ராபெர்ரி
தற்போது ஸ்ட்ராபெர்ரியைக் கூட பல கடைகளில் அதிகம் பார்த்திருப்போம். இது ஒரு கோடைக்கால பழமாக இருந்தாலும், குளிர்காலத்திலும் கிடைக்கக்கூடிய பழம். எனவே இதனை வாங்கி சாப்பிட்டு, உடல் நலத்தையும், அழகையும் அதிகரித்துக் கொள்ளுங்கள்.
கிவி
குளிர்காலங்களில் அதிகம் கிடைக்கக்கூடிய பழங்களில் ஒன்று தான் கிவி பழம். இதில் கூட எண்ணற்ற நன்மைகள் அடங்கியுள்ளன. இந்த பழம் சற்று இனிப்பும், புளிப்பும் கலந்து சூப்பராக இருக்கும்.