உங்க கணவன்/மனைவியிடம் இந்த அறிகுறி இருந்தா அவங்க நிச்சயம் உங்ககிட்ட பொய் சொல்றாங்கனு அர்த்தமாம்...!

நேர்மையான கம்யூனிகேஷன் மற்றும் வெளிப்படைத்தன்மை ஆகியவை ஒரு உறவில் தேவைப்படும் இரண்டு சிறந்த பண்புகள். உங்கள் துணை உங்களிடம் பொய் சொல்வதாக நீங்கள் உணர்ந்தால், அவர்களை எதிர்கொள்வதற்கு முன் உங்கள் உணர்வுகளின் மூலத்தை உறுதிப்படுத்திக் கொள்வது நல்லது. ஆனால், உங்கள் மனைவி பொய் சொல்கிறாரா என்று எப்படி தெரிந்து கொள்வது?

பொய் சொல்வது ஆரோக்கியமான மற்றும் நம்பகமான உறவின் அடையாளம் அல்ல. எந்த காரணமும் இல்லாமல் உங்கள் துணையை சந்தேகிப்பது உறவுக்கு தீங்கு விளைவிக்கும். உங்கள் சந்தேகத்திற்கு சரியான காரணம் இருக்க வேண்டும், மேலும் நீங்கள் அதை கவனமாக தெரிந்து கொண்டு தெளிவுபடுத்த வேண்டும். தவறான அனுமானங்கள் உங்கள் உறவை அழித்துவிடும். உங்கள் துணை பொய் சொல்வதன் அறிகுறிகள் மற்றும் என்னென்ன என்று இந்த பதிவில் பார்க்கலாம்.

தொடர்பு கொள்ளும் விதத்தில் மாற்றம் ஏற்படுவது
அவர்களின் குரல், அதிர்வெண் மற்றும் தகவல்தொடர்பு பாணியின் வழக்கமான தொனியில் இருந்து விலகல் ஏற்படுவது பொய் சொல்வதன் அறிகுறியாக இருக்கலாம். புதிய வார்த்தைகளை உபயோகித்தல் அல்லது வெவ்வேறு சமூக தளங்களை உபயோகிப்பது போன்ற வழக்கத்திற்கு மாறான செயல்பாடுகள் பொய் சொல்வதன் ஆரம்ப அறிகுறிகளாகும்.

கண் தொடர்பை தவிர்ப்பது
பொய் சொல்பவர்கள் பொதுவாக கண் தொடர்பு கொள்வதைத் தவிர்க்கிறார்கள். நேர்மையற்றவர்கள் என்று நீங்கள் சந்தேகிப்பவர்களிடம் உரையாடல்களின் போது அவர்கள் உங்களுக்கு எவ்வாறு பதிலளிக்கிறார்கள் என்பதை கவனியுங்கள். அடிக்கடி கண் சிமிட்டாமல் இருப்பது அல்லது அடிக்கடி கண் சிமிட்டுவது கூட அவர்கள் எதையாவது மறைக்க முயற்சிக்கிறார்கள் என்பதற்கான அறிகுறிகளாகும்.

உடல் மொழியில் மாற்றங்கள்
உங்கள் துணை உங்களைச் சுற்றி வழக்கத்தை விட கூடுதல் பதட்டமாகவோ அல்லது கவலையாகவோ இருந்தால், அது அவர்கள் பொய் சொல்கிறார்கள் என்பதற்கான அறிகுறியாக இருக்கலாம். அவர்கள் சொல்லும் பொய்களை சமாளிக்க வேண்டும் என்ற கவலை அடிக்கடி உடல் மொழிகளில் வெளிப்படுகிறது.

எப்போதும் தற்காப்பாக இருப்பது
நீங்கள் உங்கள் துணையை கேள்வி கேட்கும்போது, அவர்கள் தற்காப்பு உணர்வுடன் செயல்படுவார்கள் மற்றும் நீண்ட விளக்கங்களைக் கொடுப்பார்கள் அல்லது சாக்குகளை சொல்வார்கள். அவர்கள் தங்கள் நடத்தையை நியாயப்படுத்துவதன் மூலம் தங்கள் பொய்யை மறைக்க முயற்சிக்கிறார்கள்.

கட்டுப்பாடுகள் விதிப்பது
உங்கள் துணை வேண்டுமென்றே உங்களுக்கு சில தடைகள் விதித்தால், அது அவர்கள் பொய் சொல்வதன் அறிகுறியாக இருக்கலாம். உதாரணத்திற்கு, அவர்களின் மொபைலை உங்களை தொட அனுமதிக்காதது, நீங்கள் அருகில் இருக்கும்போது தொலைபேசியை சைலண்ட்டில் வைப்பது, உங்கள் அருகில் இருக்கும்போது அழைப்புகளை எடுக்காமல் இருப்பது போன்றவை உங்கள் துணை பொய் சொல்வதன் முக்கிய அறிகுறிகளாகும்.

திடீரென காணாமல் போவது
திடீரென நீங்கள் தொடர்பு கொள்ள முடியாத நிலைக்கு சென்றால் அவர்கள் திட்டமிட்டு காணாமல் போயிருக்கிறார்கள் என்று அர்த்தம். அந்த நேரத்தில் அவர்கள் என்ன செய்தார்கள், யாருடன் இருந்தார்கள் என்பதை மறைக்க முயலுவார்கள். இது கவலைக்குரிய ஒரு அறிகுறியாகும்.

திசைதிருப்புதல்
உங்கள் துணையிடம் கேள்வி கேட்கும் போது பற்றி பேசும்போது உங்கள் துணை அதனை திசைதிருப்பி உரையாடலை வேறுபக்கம் திருப்பினால் அல்லது வாக்குவாதத்தை தொடங்கினால் அவர்கள் நிச்சயமாக எதையோ மறைக்கிறார்கள் என்று அர்த்தம்.

சந்தேகத்தை ஏற்படுத்துதல்
உங்கள் துணை பொய் சொல்பவர்களாக இருந்தால் அவர்கள் உங்களையும் உரையாடலையும் கையாளுவார்கள், இதன் மூலம் நீங்கள் உங்கள் மீதே சந்தேகம் கொள்ளலாம். இது ஒரு எச்சரிக்கை அறிகுறியாகும், பொறுமை இல்லாதவர்களுடன் இதனை செய்யும் போது பிரச்சினை பெரிதாகும்.

கதைகளை மாற்றிக்கொண்டே இருப்பது
அவர்கள் எங்கு இருக்கிறார்கள் என்று கேட்கும் போது அவர்கள் தொடர்ந்து மழுப்பினால் அவர்கள் பொய் சொல்கிறார்கள் என்று அர்த்தம். ஒருவர் தொடர்ந்து பொய் சொல்லிக் கொண்டிருந்தால், அதையே நீங்கள் மீண்டும் கேட்கும் போது அவர்கள் வேறு கதைகளை கூறுவார்கள். ஒரே பொய்யை மீண்டும் மீண்டும் கூறுவது கடினம். அதிக கவனம் செலுத்தி, அவர்கள் பொய்யில் இருக்கும் முரண்பாடுகளைக் கண்டுபிடிக்க முயற்சிக்கவும்.

அதிக கோபம்
உங்கள் துணைக்கு அடிக்கடி கோபம் வருவதையோ அல்லது அற்ப விஷயங்களுக்காக நிதானத்தை இழப்பதையோ நீங்கள் கவனித்தால், அவர்கள் உணர்ச்சிகளைக் கட்டுப்படுத்தவில்லை என்று அர்த்தம். உங்கள் துணை பொய் கூறும்போது காட்டப்படும் நுட்பமான அறிகுறியாக இது இருக்கலாம்.