மேட்ரிமோனியில் வரன் பார்ப்பவர்கள் எதை வைத்து ஆண்களை தேடுகிறார்கள்?

குடும்ப நபர்களின் எண்ணிக்கை

மேட்ரிமோனி தளங்களில் வரன் தேடும் பெண்கள் மற்றும் பெண் குடும்பத்தார், எண்ணிக்கை அளவில், சகோதர, சகோதரி குறைவாக இருக்கும் ஆண் வரன்களை தான் அதிகம் தேடுகிறார்கள். ஏனெனில், அப்போது தான் தன் மகள் சண்டை சச்சரவு இல்லமால் சந்தோசமாக இருப்பாள் என்பது அவர்களது எண்ணமாக இருக்கிறது.

ஆண்மகனின் வருமானம்

சாதாரணமாகவே மேட்ரிமோனி தளங்களில் வரன் தேடும் பெண் வீட்டார், குறைந்தபட்சம் 6 அல்லது அதற்கு மேலான லகரங்களில் சம்பளம் வாங்கும் ஆண் வரன் மீது தான் விருப்பம் தெரிவிக்கிறார்கள். ("அப்போ நாங்க எல்லாம் எங்க போறது???" - உங்களுக்கும் இஸ்க் இஸ்க் என்று தான் கேட்கிறதா!!!)

அழகாக இருக்க வேண்டும்

இது, அவரவர் வீட்டு பெண்ணை பொறுத்தது, ஏதேனும் ஒரு லுக்கில் அம்சமாக இருக்கும் படத்தை பதிவு செய்து வைக்க ஆண்மகன் தவற வேண்டாம். இல்லையேல் மேட்ரிமோனி தளங்களில் பெண் கிடைப்பது மிகவும் கடினம். (ஏற்கனவே, நம்ம பாட்டனும், பாட்டியும், கள்ளிப்பால் கொடுத்து ஆப்பு வெச்சுட்டாங்க.. எனவே, உஷார் ப்ளீஸ்!!!)

வாழும் இடம்

நீங்கள் அதிகமாக சம்பாதித்தாலும் கூட, நீங்கள் இருக்கும் ஊர் பற்றியும் ஆராய்ந்து பார்க்கிறார்கள். பெங்களூர், மும்பை, டெல்லி, சென்னை போன்ற பெரிய நகரங்கள் என்றால் டபுள் ஓகே!!!

கேளிக்கையான நபர்

அதாவது நகைச்சுவையாக சிரித்து பேசும் நபராக இருக்க வேண்டும். எனவே, ஆங்காங்கே கொடுக்கப்பட்டிருக்கும் தகவல் நிரப்பும் பெட்டிகளில் நான் வேடிக்கையான சுபாவம் கொண்டவன் என்று எழுதி வையுங்கள். அப்போது தான் வேடிக்கை பார்க்கவாவது வருவார்கள் போல.

வேற என்ன தெரியும்??

வேலை, சம்பளம் போன்றவை அடுத்து, பாடல், ஆடல், எழுத்து, கவிதை, ஊர் சுற்றுதல் போன்ற ஹாபி ஏதாவது இருக்கிறதா என்றும் பெண் வீட்டார் மேட்ரிமோனி தளங்களில் நோட்டம் விடுகிறார்கள். (நமக்கு பொண்ணு கிடைக்கிறது ரொம்ப கஷ்டம் போலவே...!?!??)

ட்ரின்கிங், ஸ்மோகிங்

புகையும், மதுவும் சுத்தமாக ஆகாது என கூறிவிடுகிறார்கள் பெண் வீட்டார். ஆக மொத்தம் உங்களுக்கு தேவையானது வீண் வம்புக்கு போகாமால் சமத்தாக தான் உண்டு, தன் வேலை உண்டு என இருக்க வேண்டிய ஓர் அம்பி!!

தயாரிப்பு நிலை!!!

மேட்ரிமோனி தளங்களில் வரன் தேடும் அன்பார்ந்த பெண் வீட்டு மக்களே, நீங்கள் இதுப்போன்று தேடும் அந்த பொருள் இன்னும் தயாரிப்பு நிலையில் கூட இல்லை. எதிர்காலத்தில் அப்படி யாரவது தயாரிப்பு செய்தாலோ, தப்பி தவறி யாரேனும் பிறந்திருந்தாலோ... தெருக்களில் சென்று தான் தேட வேண்டும்!!!

நன்றி வணக்கம்!!!