மாம்பழ ஐஸ் க்ரீம் ஸ்மூத்தி

கோடைகாலத்தில் மாம்பழ சீசன் என்பதால் மாம்பழம் மலிவான விலையில் அதிகம் கிடைக்கும். ஆகவே அத்தகைய மாம்பழத்தை அப்படியே சாப்பிடுவதற்கு பதிலாக, சிலர் ஜூஸ் போன்று செய்து குடிப்பார்கள். ஆனால் சற்று வித்தியாசமாக பானங்களின் ஒன்றான மாம்பழ ஐஸ் க்ரீம் ஸ்மூத்தியை செய்து குடிக்கலாம்.

இதன் சுவை மில்க் ஷேக் போன்று இருக்கும். மேலும் வெயிலில் சுற்றி வீடு திரும்புபவர்கள், இந்த ஸ்மூத்தியை செய்து குடித்தால், இதமாக இருக்கும். சரி, அதனை எப்படி செய்வதென்று பார்ப்போமா!!!

மாம்பழம் - 5-6
குளிர்ந்த பால் - 1 1/2 கப்
சர்க்கரை - 6-7 டேபிள் ஸ்பூன் (தேவையான அளவு)
வென்னிலா ஐஸ் க்ரீம் - 2 ஸ்கூப்
தண்ணீர் - சிறிது (வேண்டுமென்றால்)

செய்முறை:

முதலில் மாம்பழத்தின் தோலை உரித்து விட்டு, நறுக்கிக் கொள்ள வேண்டும்.

பின்பு அதனை மிக்ஸியில் போட்டு, வேண்டுமெனில் சிறிது தண்ணீர் ஊற்றி, நன்கு மென்மையாக அடித்துக் கொள்ள வேண்டும்.

பிறகு அதில் சர்க்கரை சேர்த்து 1 நிமிடம் அடிக்க வேண்டும்.

அடுத்து, அத்துடன் பால் மற்றும் ஐஸ் க்ரீம் சேர்த்து நன்கு அடித்துக் கொள்ள வேண்டும்.

பின் அதனை வடிகட்டி பரிமாறினால், மாம்பழ ஐஸ் க்ரீம் ஸ்மூத்தி ரெடி!!!