ஓணம் தினத்தன்று செய்யக்கூடிய சில ஸ்பெஷல் ரெசிபிக்கள்!!!

அவியல்

ஓணம் அன்று செய்யப்படும் உணவுகளில் அவியலும் ஒன்று. இந்த ரெசிபி ஆரோக்கியமானது மட்டுமின்றி, வித்தியாசமான சுவையையும் கொண்டது.

அரிசி புட்டு

கேரளாவில் புட்டு மிகவும் சிறப்பான உணவுப் பொருள். இந்த ரெசிபியையும் ஓணம் பண்டிகையன்று செய்வார்கள். இதன் செய்முறை மிகவும் எளிமையானது.

வெஜிடேபிள் தியல்

பெயரைக் கேட்டாலே ஒன்றும் புரியவில்லை தானே! இது கூட்டு போன்று இருக்கும். இதுவும் ஒரு ஆரோக்கியமான ரெசிபி.

உண்ணியப்பம்

பணியாரம் போன்று இருக்கும் உண்ணியப்பமும் மிகவும் பிரபலமான கேரளா ரெசிபிக்களில் ஒன்றாகும். இது இனிப்பான ரெசிபி என்பதால், குழந்தைகளுக்கு மிகவும் பிடிப்கும்.

பருப்பு

பருப்பு குழம்பில் பல ஸ்டைல் உள்ளது. அதில் ஒன்று தான் கேரளா ஸ்டைல். இந்த ரெசிபியின் ஸ்பெஷல் என்னவென்றால், தேங்காயை சேர்த்து செய்வது தான்.

மிக்ஸ்ட் வெஜிடேபிள் தோரன்

ஓணம் பண்டிகை அன்று செய்யப்படும் ரெசிபிக்களில் ஒன்று தான் மிக்ஸ்ட் வெஜிடேபிள் தோரன். தோரன் என்றால் பொரியல் என்று பெயர். இதில் பல காய்கறிகளை சேர்த்து செய்வதால், இதுவும் உடலுக்கு மிகுந்த ஆரோக்கியத்தைக் கொடுக்கும் ரெசிபிக்களில் ஒன்றாக உள்ளது.

கூட்டு கறி

கேரளாவின் மலபாரில் உள்ள ஒரு ஸ்பெஷலான ரெசிபி தான் கூட்டு கறி. இதனை சாத்துடன் நெய் சேர்த்து சாப்பிட்டால் சூப்பராக இருக்கும்.

பாசிப்பருப்பு பாயாசம்

விருந்து எங்கு வந்தாலும், அங்கு நிச்சயம் பாயாசம் இருக்கும். அதிலும் பாசிப்பருப்பு பாயாசம் மிகுந்த சுவையுடன் இருப்பதோடு, சத்துக்களையும் உள்ளடக்கியது.

இலை அடை

இலை அடை என்பது கேரளாவில் செய்யப்படும் பாரம்பரிய உணவுகளில் ஒன்று. சொல்லப்போனால் இதனை கொழுக்கட்டை என்றும் சொல்லலாம். இதன் சிறப்பு என்னவென்றால் இந்த ரெசிபியை வாழை இலையால் செய்வோம்.

அடை பாயாசம்

இலை அடை அதிகமாக இருந்தால், அந்த அடையை வைத்து ஒரு வித்தியாசமான வகையில் பாயாசம் செய்வார்கள். அதற்கேற்றாற் போல் இதுவும் வித்தியாசமான சுவையைக் கொண்டிருக்கும்.