ஃபுரூட் டீ

டீயில் எத்தனையோ வெரைட்டிகள் உள்ளன. ஒவ்வொரு டீயும் ஒவ்வொருவிதமான சுவையில் இருக்கும். அந்த வகையில் பழங்களைக் கொண்டும் டீ செய்யலாம் என்பது தெரியுமா? ஆம், பழங்களை கொண்டும் அருமையான சுவையில், உடலுக்கு புத்துணர்ச்சியைத் தருமாறு டீ செய்யலாம். மேலும் உடல் எடையை குறைக்க நினைப்போர், இந்த டீயை குடித்தால் நல்ல பலன் கிடைக்கும்.

சரி, இப்போது அந்த ஃபுரூட் டீ ரெசிபியை எப்படி செய்வதென்று பார்ப்போம்...

தேவையான பொருட்கள்:

க்ரீன் டீ பேக் - 2
தண்ணீர் - 1 1/2 கப்
ஆரஞ்சு ஜூஸ் - 1 கப்
தேன் - 1 கப்
எலுமிச்சை ஜூஸ் - 1/2 கப்
இஞ்சி சாறு - 1/2 டீஸ்பூன்
ஐஸ் கட்டி - 3-4

செய்முறை:

முதலில் தண்ணீரை நன்கு கொதிக்க விட்டு, அந்த தண்ணீரை ஒரு பாத்திரத்தில் ஊற்றி, அதில் க்ரீன் பேக்குகளை டீயின் நிறம் வரும் வரை ஊற வைத்து, குளிர வைக்க வேண்டும்.

பின்னர் அதில் ஆரஞ்சு ஜூஸ், தேன், எலுமிச்சை சாறு மற்றும் இஞ்சி சாறு சேர்த்து நன்கு கிளறி விட வேண்டும்.

பின்பு அதனை டம்ளரில் ஊற்றி, அதில் ஐஸ் கட்டிகளைப் போட்டு பரிமாறினால், சூப்பரான ஃபுரூட் டீ ரெடி!!!