உருளைக்கிழங்கை வெச்சு இனிமே இப்படி கிரேவி செய்யுங்க.. உங்க குழந்தைங்க ஒரு சப்பாத்தி எக்ஸ்ட்ரா சாப்பிடுவாங்க...

Potato Peas Gravy Recipe: இன்று இரவு உங்கள் வீட்டில் சப்பாத்தி அல்லது பூரி செய்ய திட்டமிட்டுள்ளீர்களா? உங்கள் வீட்டில் உள்ளோர் எப்போதும் சப்பாத்திக்கு உருளைக்கிழங்கு சைடு டிஷ் தான் கேட்பார்களா?

அப்படியானால், எப்போதும் ஒரே மாதிரியான உருளைக்கிழங்கு சைடு டிஷ் செய்யாமல், இன்று உருளைக்கிழங்குடன், பட்டாணியை சேர்த்து கிரேவி செய்யுங்கள். இந்த கிரேவி சப்பாத்திக்கு அட்டகாசமாக இருப்பதோடு, இது செய்வதற்கு சுலபமாகவும் இருக்கும்.

முக்கியமாக இந்த உருளைக்கிழங்கு பட்டாணி கிரேவியை செய்து கொடுத்தால், ஒரு சப்பாத்தி சாப்பிடும் உங்கள் குழந்தை 2 சப்பாத்தி சாப்பிடுவார்கள். உங்களுக்கு இந்த உருளைக்கிழங்கு பட்டாணி கிரேவியை எப்படி செய்வதென்று தெரிந்து கொள்ள வேண்டுமா?

கீழே உருளைக்கிழங்கு பட்டாணி கிரேவி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

கிரேவிக்கு...

* உருளைக்கிழங்கு - 3
* பச்சை பட்டாணி - 1 கப்
* வெங்காயம் - 1 (பொடியாக நறுக்கியது)
* தக்காளி - 1 (பொடியாக நறுக்கியது)
* இஞ்சி - 1 இன்ச் (பொடியாக நறுக்கியது)
* பூண்டு - 4 பல் (பொடியாக நறுக்கியது)
* கிராம்பு - 2
* சீரகத் தூள் - 1 டீஸ்பூன்
* மல்லித் தூள் - 1 டீஸ்பூன்
* மிளகுத் தூள் - 1/2 டீஸ்பூன்
* மஞ்சள் தூள் - 1/2 டீஸ்பூன்
* கரம் மசாலா - 1 டீஸ்பூன்
* தேங்காய் பால் - 1 - 1/2 கப்
* எண்ணெய் - 1 டேபிள் ஸ்பூன்
* உப்பு - சுவைக்கேற்ப

தேங்காய் பால் செய்வதற்கு...

* துருவிய தேங்காய் - 2 கப்
* வெதுவெதுப்பான நீர் - 1 கப்

செய்முறை:

* முதலில் உருளைக்கிழங்கின் தோலை நீக்கிவிட்டு, அவற்றை துண்டுகளாக்கி, நீரில் போட்டுக் கொள்ள வேண்டும்.
* பின்னர் மிக்சர் ஜாரில், துருவிய தேங்காயைப் போட்டு, வெதுவெதுப்பான நீரை ஊற்றி நன்கு மென்மையாக அரைத்து, வடிகட்டி தேங்காய் பாலை எடுத்து தனியாக வைத்துக் கொள்ள வேண்டும்.
* பின்பு ஒரு குக்கரை அடுப்பில் வைத்து, அதில் எண்ணெய் ஊற்றி சூடானதும், கிராம்பு சேர்த்து தாளிக்க வேண்டும்.
* அதன் பின் அதில் வெங்காயம், இஞ்சி, பூண்டு சேர்த்து நன்கு மென்மையாகும் வரை வதக்க வேண்டும்.
* அடுத்து அதில் சீரகத் தூள், மிளகுத் தூள், மஞ்சள் தூள், கரம் மசாலா, மல்லித் தூள் சேர்த்து சில நொடிகள் வதக்க வேண்டும்.
* பிறகு அதில் உருளைக்கிழங்கு துண்டுகள் மற்றும் பச்சை பட்டாணியை சேர்த்து சில நொடிகள் வதக்கி, பின் அதில் சுவைக்கேற்ப உப்பு சேர்த்து, குக்கரை மூடி 3 விசில் விட்டு இறக்கிக் கொள்ள வேண்டும்.
* விசில் போனதும் குக்கரைத் திறந்து, அதில் தேங்காய் பாலை ஊற்றி, சுவைக்கேற்ப உப்பு உள்ளதா என்பதைப் பார்த்து, ஒரு கொதி விட்டு இறக்கினால், சுவையான உருளைக்கிழங்கு பட்டாணி கிரேவி தயார்.

Image Courtesy: archanaskitchen