சப்பாத்தி, பூரிக்கு சூப்பராக இருக்கும்... அன்னாசி மசாலா

நீங்கள் அன்னாசிப்பழ பிரியரா? அன்னாசிப்பழத்தை வித்தியாசமாக சாப்பிட விரும்புவீர்களா? அப்படியானால் அன்னாசியைக் கொண்டு மசாலா செய்யுங்கள். இந்த அன்னாசி மசாலா கர்நாடகாவில் மிகவும் பிரபலமானது. இது இட்லி, தோசை, சப்பாத்தி, பூரி போன்றவற்றுடன் சேர்த்து சாப்பிட அற்புதமாக இருக்கும். மேலும் இது வித்தியாசமான சுவையைக் கொண்டிருப்பதால், நிச்சயம் நீங்கள் விரும்பி சாப்பிடுமாறு இருக்கும்.

உங்களுக்கு அன்னாசி மசாலா எப்படி செய்வதன்று தெரிந்து கொள்ள வேண்டுமா? கீழே அன்னாசி மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* அன்னாசி - 1 கப்

* புளிச்சாறு - 1/4 கப்

* வெல்லம் - 5 டீஸ்பூன்

* மஞ்சள் தூள் - 1/2 டீஸ்பூன்

* உப்பு - சுவைக்கேற்ப

அரைப்பதற்கு...

* எள்ளு - 2 டேபிள் ஸ்பூன்

* எண்ணெய் - 3 டீஸ்பூன்

* உளுத்தம் பருப்பு - 2 டீஸ்பூன்

* வெந்தயம் - 1/2 டீஸ்பூன்

* காஷ்மீரி வரமிளகாய் - 6

* கறிவேப்பிலை - சிறிது

* துருவிய தேங்காய் - 3/4 கப்

* தண்ணீர் - 1/2 கப்

தாளிப்பதற்கு...

* தேங்காய் எண்ணெய் - 2 டீஸ்பூன்

* கடுகு - 1 டீஸ்பூன்

* வரமிளகாய் - 1

* கறிவேப்பிலை - சிறிது

செய்முறை:

* முதலில் அன்னாசியை ஒரு வாணலியில் போட்டு, நீரை ஊற்றி, அடுப்பில் வைத்து 10 நிமிடம் வேக வைக்க வேண்டும்.

* அதே வேளையில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், அரைப்பதற்கு கொடுத்துள்ள பொருட்களை ஒவ்வொன்றாக சேர்த்து வதக்கி இறக்கிக் கொள்ள வேண்டும்.

* பின்பு அதை மிக்சர் ஜாரில் போட்டு, அத்துடன் தேங்காய் சேர்த்து, சிறிது நீரை ஊற்றி நன்கு மென்மையாக அரைத்துக் கொள்ள வேண்டும்.

* அன்னாசி வெந்ததும், அதில் புளிச்சாறு, வெல்லம், மஞ்சள் தூள் மற்றும் சுவைக்கேற்ப உப்பு சேர்த்து கிளறி, மூடி வைத்து, 15 நிமிடம் மிதமான தீயில் வைத்து வேக வைக்க வேண்டும்.

* பின் அதில் அரைத்த மசாலாவை சேர்த்து, தேவையான அளவு நீரை ஊற்றி, 10 நிமிடம் குறைவான தீயில் வைத்து நன்கு கொதிக்க வைத்து இறக்க வேண்டும்.

* பின்னர் ஒரு வாணலியை அடுப்பில் வைத்து அதில் எண்ணெய் ஊற்றி சூடானதும், தாளிப்பதற்கு கொடுத்துள்ள கடுகு, வரமிளகாய், கறிவேப்பிலை சேர்த்து தாளித்து, சப்ஜியுடன் சேர்த்து கிளறினால், சுவையான அன்னாசி மசாலா தயார்.

Image Courtesy: hebbarskitchen