முட்டையை வெச்சு இப்படி புளிக்குழம்பு செய்யுங்க.. சாதத்துடன் சாப்பிட்டா சும்மா அள்ளும்...

Muttai Puli Kuzhambu Recipe In Tamil: இன்று மதியம் என்ன சமைப்பது என்று தெரியவில்லையா? தினமும் சாம்பார் செய்து போராடித்துவிட்டதா? அப்படியானால் இன்று புளிக்குழம்பு செய்யுங்கள். அதுவும் உங்கள் வீட்டில் முட்டை உள்ளதா? அந்த முட்டையைக் கொண்டு அட்டகாசமான சுவையில் முட்டை புளிக்குழம்பை செய்யுங்கள்.

இந்த முட்டை புளிக்குழம்பு சாதத்துடன் சாப்பிட அட்டகாசமாக இருக்கும். வேக வைத்த முட்டையை சாப்பிட மறுக்கும் குழந்தைகளுக்கு இந்த மாதிரி செய்தால், அவர்கள் விரும்பி சாப்பிடுவார்கள்.

உங்களுக்கு முட்டை புளிக்குழம்பு எப்படி செய்வதென்று தெரிந்து கொள்ள வேண்டுமா? கீழே முட்டை புளிக்குழம்பின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* கடலை எண்ணெய் - 2 டேபிள் ஸ்பூன்
* கடுகு - 1/4 டீஸ்பூன்
* சீரகம் - 1/4 டீஸ்பூன்
* வரமிளாய் - 2
* கறிவேப்பிலை - 2
* வெங்காயம் - 1 கப் (பொடியாக நறுக்கியது)
* பச்சை மிளகாய் - 2
* பூண்டு - 1 டீஸ்பூன் (நறுக்கியது)
* மஞ்சள் தூள் - 1/2 டீஸ்பூன்
* மிளகாய் தூள் - 1 டீஸ்பூன்
* மல்லித் தூள் - 2 டீஸ்பூன்
* பெருங்காயத் தூள் - 1/4 டீஸ்பூன்
* தக்காளி - 2 (பொடியாக நறுக்கியது)
* உப்பு - 1 டீஸ்பூன்
* புளி - 1 சிறிய நெல்லிக்காய் அளவு
* சுடுநீர் - 1 கப்
* துருவிய தேங்காய் - 1/4 கப்
* தண்ணீர் - 1 கப்
* வேக வைத்த முட்டை - 4
* கொத்தமல்லி - சிறிது

செய்முறை:

* முதலில் புளியை சுடுநீரில் 15 நிமிடம் ஊற வைத்து, பிசைந்து சாறு எடுத்துக் கொள்ள வேண்டும்.
* பின் மிக்சர் ஜாரில் துருவிய தேங்காயை சேர்த்து, சிறிது நீரை ஊற்றி நன்கு மென்மையாக அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம், வரமிளகாய், கறிவேப்பிலை சேர்த்து தாளிக்க வேண்டும்.
* பின் வெங்காயம், பச்சை மிளகாய், பூண்டு சேர்த்து சில நிமிடங்கள் நன்கு பொன்னிறமாக வதக்க வேண்டும்.
* பிறகு அதில் மஞ்சள் தூள், மிளகாய் தூள், மல்லித் தூள், பெருங்காயத் தூள் சேர்த்து சில நொடிகள் நன்கு கிளறி விட வேண்டும்.
* அடுத்து அதில் தக்காளியை சேர்த்து, சிறிது உப்பு தூவி குறைவான தீயில் வைத்து, தக்காளியை நன்கு மென்மையாகும் வரை வதக்க வேண்டும்.
* பின் அதில் புளிச்சாற்றினை சேர்த்து கிளறி, மூடி வைத்து குறைவான தீயில் வைத்து 5 நிமிடம் கொதிக்க வைக்க வேண்டும்.
* பின்னர் அரைத்து வைத்துள்ள தேங்காயை சேர்த்து கிளறி, வேக வைத்த முட்டைகளை சேர்த்து, சுவைக்கேற்ப உப்பு சேர்த்து கிளறி மூடி வைத்து, மிதமான தீயில் வைத்து 5 நிமிடம் குழம்பை கொதிக்க வைக்க வேண்டும்.
* இறுதியில் கொத்தமல்லியைத் தூவி இறக்கினால், சுவையான முட்டை புளிக்குழம்பு தயார்.

Image Courtesy: kannammacooks