மஷ்ரூம் செட்டிநாடு மசாலா ரெசிபி - இந்த மாதிரி ட்ரை பண்ணி பாருங்க - காரசாரமா சூப்பர் சைடிஷா இருக்கும்

Mushroom Chettinad Masala Recipe in Tamil: செட்டிநாடு என்றாலே அனைவருக்கும் முதலில் நினைவிற்கு வருவது சுவையான உணவுகள்தான். ஏனெனில் செட்டிநாடு உணவுகள் உலகப்புகழ் பெற்றவை. உங்கள் வீட்டில் உள்ளோருக்கு செட்டிநாடு ரெசிபிக்கள் ரொம்ப பிடிக்குமா? இந்த செட்டிநாடு ரெசிபிக்களானது சுவையாகவும், மணமாகவும் இருப்பதால், ஒவ்வொருவருமே விரும்பி சாப்பிடுவார்கள். இதற்கு அதில் சேர்க்கப்படும் மசாலாக்கள் தான் முக்கிய காரணம்.

நீங்களும் ஒரு வித்தியாசமான செட்டிநாடு ரெசிபியை முயற்சிக்க விரும்புகிறீர்களா? அப்படியெனில் இந்த செட்டிநாடு மஷ்ரூம் மசாலாவை முயற்சி செய்து பாருங்கள். இந்த செட்டிநாடு காளான் மசாலா ரெசிபி சாதம், தோசை, சப்பாத்தி என அனைத்திற்கும் அட்டகாசமான சைடிஷாக இருக்கும். இந்த செட்டிநாடு மஷ்ரூம் மசாலா செய்வதற்கு மிகவும் சுலபமாக இருப்பதோடு, நல்ல சுவையுடனும், நறுமணத்துடனும் இருக்கும். இதை ஒருமுறை செய்து விட்டால் அதற்குப்பிறகு காளான் வாங்கினாலே இதைத்தான் செய்வீர்கள்.

உங்களுக்கு செட்டிநாடு காளான் மசாலாவை எப்படி செய்வதென்று தெரிந்து கொள்ள வேண்டுமா? கீழே செட்டிநாடு மஷ்ரூம் மசாலா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 2 ஸ்பூன் கடலை எண்ணெய்
- 1/2 ஸ்பூன் சோம்பு
- 1 கப் வெங்காயம், பொடியாக நறுக்கியது
- 1 ஸ்பூன் உப்பு
- 2 கொத்து கறிவேப்பிலை
- 1/2 கப் தக்காளி, நறுக்கியது
- 1 ஸ்பூன் மிளகாய் தூள்
- 1.5 ஸ்பூன் மல்லித் தூள்
- 1/2 ஸ்பூன் மஞ்சள் தூள்
- 1/2 ஸ்பூன் மிளகுத் தூள்
- 200 கிராம் காளான்
- ஒரு கைப்பிடி கொத்தமல்லி இலைகள், நறுக்கியது

மசாலா அரைக்க:

- 6 பல் பூண்டு - 6 பற்கள்
- 1/2 இன்ச் இஞ்சி
- 1/4 இன்ச் பட்டை
- 2 கிராம்பு
- 2 ஏலக்காய்
- சிறிதளவு கல்பாசி
- 1 அன்னாசிப் பூ

விழுது அரைக்க:

- 1/3 கப் புதிதாகத் துருவிய தேங்காய்
- 20 முந்திரிப் பருப்பு

செய்முறை:

- ஒரு கடாயில் எண்ணெய் ஊற்றி, அதில் சோம்பு, நறுக்கிய வெங்காயம் மற்றும் கறிவேப்பிலை ஆகியவற்றைச் சேர்த்து வதக்கவும். அத்துடன் உப்பையும் சேர்த்து, வெங்காயம் மென்மையாகும் வரை வதக்கவும்.

- ஒரு மிக்ஸி ஜாரில் பூண்டு மற்றும் இஞ்சியைப் போடவும். அதனுடன் பட்டை, கிராம்பு, ஏலக்காய், கல்பாசி மற்றும் அன்னாசிப்பூ ஆகியவற்றைச் சேர்க்கவும். இவை அனைத்தையும் அரை கப் தண்ணீர் சேர்த்து மென்மையான விழுதாக அரைத்துக்கொள்ளவும்.

- அரைத்து வைத்துள்ள விழுதை வாணலியில் சேர்த்து பச்சை வாசனை போகும் வரை வதக்கவும்.

- பின்னர் நறுக்கிய தக்காளியை சேர்த்து வதக்கவும்.

- தக்காளி நன்கு வெந்து குழையும் வரை வதக்கவும். தக்காளி வதங்கியதும் அதனுடன் மிளகாய் தூள், மஞ்சள் தூள் மற்றும் மல்லித் தூள் ஆகியவற்றைச் சேர்க்கவும்.

- மசாலா பச்சை வாசனை போகும் வரை வதக்கவும். பின்னர் நறுக்கிய காளான் மற்றும் மிளகுத்தூளை சேர்த்துக் கிளறவும்.

- அடுப்பை மிதமான தீயில் வைத்து, வாணலியை ஒரு மூடியால் மூடி, சில நிமிடங்கள் மிதமான தீயில் வேகவிடவும். மசாலாவின் சுவை முழுவதையும் காளான் நன்றாக உறிஞ்சட்டும்.

- இதற்கிடையில், தேங்காய் மற்றும் முந்திரியை ஒரு கப் தண்ணீர் சேர்த்து மென்மையான விழுதாக அரைத்துக்கொள்ளவும்.

- அரைத்த தேங்காய் விழுதை வாணலியில் சேர்க்கவும்.

- வாணலியை மூடி, தீயைக் குறைவாகவே வைத்திருக்கவும். குழம்பை 15 நிமிடங்கள் மிதமான தீயில் கொதிக்கவிடவும். அவ்வப்போது கிளறிவிடவும். இவ்வாறு மிதமான தீயில் வேகும் போது சுவை அதிகரிக்கும்.

- எண்ணெய் பிரிந்து வரும் போது நறுக்கிய கொத்தமல்லியை சேர்த்து கிளறவும்.

- அவ்வளவுதான் அட்டகாசமான மஷ்ரூம் செட்டிநாடு மசாலா ரெடி.