For Quick Alerts
ALLOW NOTIFICATIONS  
For Daily Alerts

சிம்பிளான... சிக்கன் கிரேவி

Posted By:
|

உங்களுக்கு திடீரென்று சிக்கன் சாப்பிட வேண்டுமென்று தோன்றுகிறதா? சாதம் மற்றும் சப்பாத்திக்கு பொருத்தமான சைடு டிஷ்ஷாக இருக்கும் சிக்கன் ரெசிபி செய்ய விரும்புகிறீர்களா? அப்படியானால் சிக்கன் கிரேவி செய்யுங்கள். அதுவும் தேங்காய் அரைத்து ஊற்றாத சிக்கன் கிரேவியை செய்யுங்கள். உங்களுக்கு மிகவும் சிம்பிளான, அதே சமயம் ருசியான சிக்கன் கிரேவி செய்ய வேண்டுமா?

அப்படியானால் கீழே கொடுக்கப்பட்டுள்ள சிக்கன் கிரேவியை செய்யுங்கள். இது நிச்சயம் உங்கள் வீட்டில் உள்ளோர் அனைவரும் விரும்பி சாப்பிடும் வகையில் இருக்கும். முக்கியமாக இது சாதத்திற்கு மட்டுமின்றி, சப்பாத்தி, பூரி, தோசை என்று அனைத்திற்கும் அட்டகாசமாக இருக்கும். வாருங்கள் அதன் செய்முறையைக் காண்போம்.

தேவையான பொருட்கள்:

* சிக்கன் - 150 கிராம்

* பெரிய வெங்காயம் - 1/4 கப் (நறுக்கியது)

* தக்காளி - 1 (நறுக்கியது)

* மிளகாய் தூள் - 1/2 டீஸ்பூன்

* மஞ்சள் தூள் - 1/4 டீஸ்பூன்

* மல்லித் தூள் - 1 டீஸ்பூன்

* கரம் மசாலா - 1/4 டீஸ்பூன்

* கொத்தமல்லி - சிறிது

* தண்ணீர் - 3/4 கப்

* உப்பு - சுவைக்கேற்ப

அரைப்பதற்கு...

* தக்காளி - 1 (நறுக்கியது)

* பெரிய வெங்காயம் - 1 (நறுக்கியது)

* பூண்டு - 4 பற்கள்

* இஞ்சி - 1/2 இன்ச் துண்டு

* சோம்பு - 1/2 டீஸ்பூன்

தாளிப்பதற்கு...

* எண்ணெய் - 1/2 டேபிள் ஸ்பூன்

* பட்டை - 1/4 இன்ச்

* ஏலக்காய் - 2

* சோம்பு - 1/2 டீஸ்பூன்

* கறிவேப்பிலை - சிறிது

* வரமிளகாய் - 1

* கல்பாசி - 1/2 டீஸ்பூன்

செய்முறை:

* முதலில் சிக்கனை நன்கு சுத்தமாக 2-3 முறை கழுவிக் கொள்ள வேண்டும். இறுதியாக கழுவும் போது, மஞ்சள் தூள் சேர்த்து பிரட்டி கழுவ வேண்டும்.

* பின் மிக்சர் ஜாரில் அரைப்பதற்கு கொடுத்துள்ள பொருட்களை சேர்த்து அரைத்துக் கொள்ள வேண்டும்.

* பின்பு ஒரு குக்கரை அடுப்பில் வைத்து, அதில் எண்ணெய் ஊற்றி, தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும்.

* பின் வெங்காயம், தக்காளியை சேர்த்து 2 நிமிடம் நன்கு பச்சை வாசனை போக வதக்க வேண்டும்.

* அடுத்து மசாலா பொடிகளான மஞ்சள் தூள், மல்லித் தூள், மிளகாய் தூள், கரம் மசாலா மற்றும் உப்பு சேர்த்து ஒரு நிமிடம் வதக்க வேண்டும்.

* பிறகு அரைத்து வைத்துள்ள தக்காளி விழுதை சேர்த்து, பச்சை வாசனை போகும் வரை குறைவான தீயில் 5 நிமிடம் வதக்க வேண்டும். இப்போது சிக்கனை சேர்த்து 5 நிமிடம் வதக்க வேண்டும்.

* பின் 3/4-1 கப் வரை நீரை ஊற்றி, குக்கரை மூடி 4-5 விசில் விட்டு இறக்கி, விசில் போனதும் குக்கரைத் திறந்து, மீண்டும் அடுப்பில் வைத்து 5 நிமிடம் குறைவான தீயில் கொதிக்க வைத்து, மேலே கொத்தமல்லியைத் தூவி இறக்கினால், சுவையான சிக்கன் கிரேவி தயார்.

Image Courtesy: sharmispassions

[ of 5 - Users]