கர்ப்ப காலத்தில் ஏற்படும் பாத வலியைத் தடுக்க சில டிப்ஸ்...

கால்களை உயரமான இடத்தில் வைக்கவும்

கால்களில் வீக்கம் மற்றும் வலி இருந்தால், உட்காரும் போது கால்களை உயரமான இடத்தில் வைக்க வேண்டும். இப்படி உட்கார்ந்தால், கால்களில் இரத்த ஓட்டம் சீராக இருந்து, வீக்கம் குறைந்து, கால்களில் வலி ஏற்படுவது குறையும்.

இடது பக்கம் தூங்கவும்

கர்ப்பிணிகள் தூங்கும் போது இடது பக்கமாக தூங்கினால், இதயம், கருப்பைக்கும் இரத்த ஓட்டம் அதிகரிக்கும். மேலும் இடது பக்கத்தில் தூங்கும் போது, உடலில் இரத்த ஓட்டம் அதிகமாக இருப்பதால், இது கால்களில் வீக்கம் மற்றும் வலியை குறைக்கும்.

ஐஸ் பேக்குகள்

கால்களில் உள்ள வலியைப் போக்க, ஒரு துணியில் ஐஸ் கட்டிகளை வைத்து, அதனைக் கொண்டு கால்களில் 20 நிமிடம் மசாஜ் செய்ய வேண்டும். அதிலும் ஒரு நாளைக்கு 3 முறை செய்து வந்தால், வீக்கம் மற்றும் வலி குறையும்.

போதிய அளவு தண்ணீர் குடிக்கவும்

தண்ணீர் அதிகம் குடித்தாலும், கால்களில் வீக்கம் மற்றும் வலி ஏற்படுவது குறையும். எனவே கர்ப்ப காலத்தில் தண்ணீரை அதிகம் குடித்து வாருங்கள்.

உப்பை குறைக்கவும்

கர்ப்பிணிகள் உண்ணும் உணவில் உப்பின் அளவை குறைக்க வேண்டும். ஏனெனில் அதிகப்படியான உப்பு, கர்ப்பிணிகளுக்கு வீக்கத்தை ஏற்படுத்தி, கடுமையான வலியை உண்டாக்கும்.

மருத்துவரை சந்திக்கவும்

எத்தனை இயற்கை சிகிச்சைகளைப் பின்பற்றியும், கால்களின் வலியில் எந்த ஒரு மாற்றமும் தெரியாவிட்டால், உடனே மருத்துவரை அணுக வேண்டும்.

பாத மசாஜ்

பாதங்களுக்கு அவ்வப்போது மசாஜ் செய்து வர வேண்டும். இதனால் மசாஜ் செய்யும் போது இரத்த ஓட்டம் அதிகரிக்கும். மேலும் கர்ப்ப காலத்தில் ஹீல்ஸ் அணிவதைத் தவிர்க்க வேண்டும்.