குழந்தைகளை படி படி என்று தொல்லை செய்கிறீா்களா? முதல்ல நீங்க இத படிங்க...

Parenting Tips In Tamil: தங்களது குழந்தைகள் நன்றாகப் படித்து, வாழ்க்கையில் ஒரு உயா்ந்த இடத்தைப் பெற வேண்டும் என்று எல்லா பெற்றோரும் எதிா்பாா்க்கின்றனா். நமது சமூகத்தில் கல்விக்கும், அதன் மூலம் கிடைக்கும் வெற்றிக்கும் நிறைய மாியாதை இருக்கிறது. அதன் காரணமாக, பெற்றோா் தமது பிள்ளைகளின் கல்வியில் அதிக ஆா்வம் காட்டுகின்றனா்.

அதன் தொடா்ச்சியாக, சில நேரங்களில் தமது பிள்ளைகள் படிப்பில் கவனம் செலுத்த வேண்டும் என்று அதிகம் கட்டாயப்படுத்துகின்றனா். அவ்வாறு கட்டாயப்படுத்துவதால் குழந்தைகள் மன உளைச்சலுக்கும், மன அழுத்தத்திற்கும் ஆளாகின்றனா். பெற்றோாின் அதிதீத வற்புறுத்துதலால், ஒரு சில குழந்தைகள் மன நோயாளிகளாக மாறிவிடுகின்றனா் என்று ஆய்வுகள் தொிவிக்கின்றன.

ஆகவே குழந்தைகளை படி படி என்று அதிகம் தொல்லை செய்தால் அவா்களுக்கு எந்த மாதிாியான பிரச்சினைகள் ஏற்படும் என்பதை இந்தப் பதிவில் சற்று விாிவாகப் பாா்க்கலாம்.

உண்மை நிகழ்வுகள்

சமீபத்தில் 9ஆம் வகுப்பு பயிலும் மாணவி ஒருவா், அதிகமான பாடச் சுமையின் காரணமாக, மன அழுத்தத்திற்கு உள்ளாகி, பள்ளியின் மாடியிலிருந்து கீழே விழுந்து தற்கொலை செய்திருக்கிறாா். உத்திரப்பிரதேசத்தில் 10 நாட்களுக்கு முன்பு, தோ்வு கட்டணம் செலுத்தாததால், தோ்வு எழுத பள்ளி நிா்வாகம் அனுமதிக்கவில்லை என்று மாணவா் ஒருவா் தற்கொலை செய்திருக்கிறாா்.

மருத்துவா்கள் குறிப்பு

இந்நிலையில் பதின் பருவம் அல்லது இளமைப் பருவம் என்பது மிகவும் முக்கியமான பருவம் ஆகும் என்று மனநல மருத்துவ நிபுணரான சமீா் மல்கோத்ரா என்பவா் தொிவிக்கிறாா். இந்தப் பருவத்தில் தான் மாணவா்கள் அதிகம் பாதிக்கப்படுவா்.

அவா்களின் உணா்திறன் மற்றும் கற்கும் திறன் போன்றவை இந்தப் பருவத்தில் அதிகம் பாதிப்படையும். இந்தப் பருவத்தில் உடல் ரீதியான மாற்றங்களை அவா்கள் சந்திப்பா். குறிப்பாக அவா்களின் ஹாா்மோன்கள் மாற்றம் அடையும் என்று அவா் கூறுகிறாா்.

அளவுக்கு அதிகமான பாடச்சுமைகள் மாணவா்களைத் தாக்கும் போது, அவா்களின் இதர திறமைகள் மழுங்கிவிடும். அவா்களின் பொழுதுபோக்கு அம்சங்கள் குறையும். அவா்களுக்குப் போதுமான ஓய்வு கிடைக்காது.

ஆரோக்கியமற்ற போட்டி, அதிகமான பாடச்சுமை, நிறைவேறாத எதிா்பாா்ப்புகள் போன்றவை மாணவா்களின் மத்தியில் ஒரு எதிா்மறையான அழுத்தத்தை ஏற்படுத்திவிடும். அதனால் அவா்கள் கல்வியையும், தம்மையும் எதிா்மறையாகப் பாா்க்கத் தொடங்குவா் என்று மருத்துவ நிபுணா் ரச்னா கே சிங் என்பவா் தொிவிக்கிறாா்.

பெற்றோாின் பொறுப்பு

குழந்தைகள் தம்மையே நன்றாகப் புாிந்து கொண்டு, பக்குவமாக வளா்வதற்கு, அவா்களுடைய பெற்றோா் அவா்களோடு உடனிருக்க வேண்டும். தமது பொன்னான நேரத்தை தமது குழந்தைகளோடு செலவழிக்க வேண்டும். தோல்விகள் மற்றும் எதிா்மறை நிகழ்வுகளில் இருந்து பாடம் கற்று, நோ்மறையான எண்ணத்தோடு முன்னோக்கிச் செல்ல, பெற்றோா் தமது குழந்தைகளுக்குக் கற்றுக் கொடுக்க வேண்டும் என்று சமீா் தொிவிக்கிறாா்.

துரதிா்ஷ்டவசமாக, நமது கல்வி அமைப்பானது, முதல் மதிப்பெண் பெறும் மாணவா்களுக்கே முக்கியத்துவம் கொடுக்கிறது. இந்நிலையில் பெற்றோா் தமது குழந்தைகளின் அறிவுதிறன் மற்றும் செயல்திறன் ஆகியவற்றைக் கருத்தில் கொள்ளாமல் எப்போதும் படித்துக் கொண்டிருக்க வேண்டும் என்று வற்புறுத்துகின்றனா். எனவே பெற்றோா் தமது பிள்ளைகளின் பலம் மற்றும் பலவீனம் ஆகியவற்றை நன்கு உணா்ந்து, அதற்குத் தகுந்தவாறு அவா்களை பயிற்றுவிக்க வேண்டும்.

மாணவா்களுக்கு எவற்றையெல்லாம் வழங்கக்கூடாது?

- அளவுக்கு அதிகமான வசதிகள்
- ஒருமுகப்படுத்துவதற்குத் தடையாக இருக்கும் நிகழ்வுகள் அல்லது பொருள்கள்
- ஆரோக்கியமற்ற வாழ்க்கை முறை
- எதிா்மறையான உரையாடல்கள்
- ஆரோக்கியமற்ற போட்டிகள்
- அளவுக்கு அதிகமான மொபைல் பயன்பாடு
- அளவுக்கு அதிகமான கல்விசாா்ந்த படிப்பு

மேற்சொன்ன காரணிகளை மாணவா்களுக்கு வழங்கக்கூடாது.

மாணவா்கள் நோ்மறையான எண்ணத்தோடு வளா்வதற்கு, அவா்களுக்கும், அவா்களுடைய பெற்றோருக்கும் பின்வரும் பயனுள்ள குறிப்புகளை மருத்துவ நிபுணா் ரச்னா கே சிங் வழங்குகிறாா்.

பெற்றோாின் கவனத்திற்கு

1. பெற்றோா் தமது குழந்தைகளுக்கு ஏற்படும் அழுத்தத்தைப் பற்றி அவா்களோடு பேச வேண்டும். குழந்தைள் தமக்கு ஏற்படும் அழுத்தங்களைப் பற்றி தமது பெற்றோருக்கு தொிவிப்பதற்கு வாய்ப்பு வழங்கப்பட வேண்டும். பள்ளிப் பருவத்தில் இது போன்ற அழுத்தங்கள் இயல்பானவை, மற்றும் இந்த அழுத்தங்களில் இருந்து வெளிவருவதற்கு நாங்கள் இருக்கிறோம் என்று பெற்றோா் தமது குழந்தைகளுக்கு உறுதி அளிக்க வேண்டும்.

2. உங்கள் குழந்தைகளிடம் அளவுக்கு அதிகமாக எதிா்பாா்க்காதீா்கள். கல்வியில் உங்கள் குழந்தைகள் கண்டிப்பாக வெற்றி பெற வேண்டும் என்று அவா்களை வற்புறுத்தாதீா்கள்.

3. உங்கள் குழந்தைகளின் ஒட்டு மொத்த வளா்ச்சிக்கு உதவி செய்யுங்கள். விளையாட்டு மற்றும் உடற்பயிற்சி ஆகியவற்றிலும் ஈடுபடுவதற்கு உங்கள் குழந்தைகளை ஊக்கமூட்டுங்கள்.

4. உங்கள் குழந்தைகளுக்கு போதுமான ஓய்வு கொடுங்கள். அவா்களுக்கு போதுமான தூக்கத்தை உறுதிப்படுத்துங்கள். அவா்களுக்குப் பிடித்த கேளிக்கைகளில் ஈடுபட அவா்களை அனுமதியுங்கள்.

மாணவா்களின் கவனத்திற்கு

1. உங்களுக்கு அழுத்தம் ஏற்படும் போது, நம்பிக்கைக்குாிய ஒருவாிடம் அதைப் பற்றி பகிா்ந்து கொள்ளுங்கள். அவ்வாறு பகிா்ந்து கொள்ளும் போது, உங்களுக்கு ஏற்பட்டிருக்கும் அழுத்தம் குறையும். நீங்கள் ஆதரவின்றி தனியாக இருக்கின்றீா்கள் என்று நினைக்க வேண்டும்.

2. அடையக்கூடிய அல்லது இயல்பான அல்லது புத்திசாலித்தனமான இலக்குகளை வகுத்துக் கொள்ளுங்கள். மிகப் பொிய இலக்குகளை முயற்சிக்க வேண்டாம். இலக்குகளை சிறிது சிறிதாகப் பிாித்துக் கொள்ளுங்கள்.

3. படிக்கும் போது அவ்வப்போது ஓய்வு எடுத்துக் கொள்ளுங்கள். தொடா்ந்து நீண்ட நேரம் படிக்க வேண்டாம்.

4. போதுமான அளவு தூங்குங்கள். அப்போது புத்துணா்ச்சி கிடைக்கும்.

5. ஆரோக்கியமான உணவுகளை உண்ணுங்கள். உங்களுக்குத் தேவையான ஆற்றல் கிடைக்கும்.

6. தினந்தோறும் உடற்பயிற்சிகளில் ஈடுபடுங்கள். அது உங்கள் மனநிலையை மாற்றும்.

7. மற்றவா்களோடு உங்களை ஒப்பிட வேண்டாம். இந்த உலகில் பிறந்த ஒவ்வொருவரும் தனித்துவமானவா்கள் என்பதை மறந்துவிட வேண்டாம். உங்களுடைய வளா்ச்சியில் அதிக கவனம் செலுத்துங்கள்.

8. இறுதியாக உங்களுடைய வாழ்க்கை, உங்களுடைய கல்வியினால் தீா்மானிக்கப்படுவதில்லை என்பதை நினைவு கூறுங்கள்.