பெண்களுக்கு எப்போ அகோர பசி எடுக்கும்னு தெரியுமா?... காரணம் இதுதான்...

பசி எடுக்க காரணங்கள்

இப்பொழுது நீங்கள் ஒருவர் மட்டுமில்லை. உங்கள் வயிற்றில் இப்பொழுது ஒரு குழந்தை யும் வளர்கிறது. குழந்தைக்கு தேவையான அனைத்து ஊட்டச்சத்துக்களும் உங்களிடமிருந்தே குழந்தைக்கு செல்லும். எனவே தான் நீங்கள் இதற்கு முன்னாடி சாப்பிட்டதை விட இப்பொழுது அளவுக்கு அதிகமாக பசி எடுக்கும். சரி இந்த மாதிரியான நேரங்களில் என்ன செய்வதென்று யோசிக்கிறீர்களா? நாங்கள் கூறும் டிப்ஸ்களை பின்பற்றுங்கள் பலன் பெறலாம்.

கலோரியை கணக்கிடுதல்

இப்பொழுது நீங்கள் இன்னொரு உயிருக்காகவும் சாப்பிட வேண்டும். நீங்கள் அதிகமாக சாப்பிடுவதாக எண்ணினால் உங்களுக்கு தேவையான கலோரியை கணக்கிட்டு கொள்ளுங்கள். உங்களுக்கு முதல் இரண்டு மாதங்கள் 300 கலோரி வரை அதிகமாக தேவைப்படும். கடைசி மூன்று மாதங்கள் 450 கலோரிகள் வரை தேவைப்படும். எனவே சரியான டயட் திட்டத்தை மேற்கொண்டு உங்கள் கொலை பசியை சற்று கட்டுப்பாட்டில் வைத்துக் கொள்ளுங்கள்.

சாப்பிடும் வேளையை அதிகப்படுத்துங்கள்

ஒரு நாளைக்கு மூன்று முறை சாப்பிடுவதை தவிர்த்து 6 அல்லதுள7 வேளையாக சிறிது சிறிதாக உணவை எடுத்துக் கொள்ளுங்கள். இந்த முறை உங்களுக்கு தீவிரமாக பசி எடுப்பதை தடுக்கும். அதே நேரத்தில் அதிகப்படியான உணவால் அசெளகரியம் ஏற்படுவதையும் தவிர்க்கலாம்.

ஆரோக்கியமான நொறுக்கு தீனிகள்

நீங்கள் ஆரோக்கியமான நொறுக்கு தீனிகளை எடுக்கும் போது உங்களுக்கும் உங்கள் குழந்தைக்கும் நல்லது. மேலும் தேவையற்ற கலோரிகளை யும் தடுக்கலாம். எனவே பசி எடுக்கும் போது பழங்கள், யோகார்ட் மற்றும் முளைகட்டிய பயிறு வகைகள் போன்றவற்றை எடுத்து கொள்ளலாம். அதே நேரத்தில் குக்கீஸ், சிப்ஸ் போன்ற நொறுக்கு தீனிகளை தவிர்த்து விடுங்கள். எனவே பசி எடுக்கும் போது உங்கள் சுயகட்டுப்பாடு ரெம்ப முக்கியம். ஆரோக்கியமான உணவுகளை எடுங்கள்.

கால்சியம் உணவுகள்

கர்ப்ப காலத்தில் கால்சியம் பற்றாக்குறை இருந்தால் அடிக்கடி பசிக்க ஆரம்பிக்கும். எனவே பால் பொருட்களை எடுத்து கொள்ளுங்கள். உங்களுக்கு பசும் பால் அழற்சி என்றால் ஆட்டுப்பால் குடியுங்கள். எனவே போதுமான கால்சியம் சத்து கிடைத்து விட்டால் பசியை பறந்தோடி விடும்.

மெதுவாக சாப்பிடுங்கள்

எப்பொழுதுமே நாம் வேகமாக சாப்பிட்டால் நமது உடல் வயிறு நிரம்பியதை அறியாது. எனவே தேவையில்லாமல் நிறைய உணவை தள்ள முற்படுவீர்கள். எனவே மெதுவாக சாப்பிடுங்கள். இப்படி சாப்பிடும் போது உங்களுக்கு வயிறு நிரம்பிய உணர்வும் தோன்றும். பசியும் எடுக்காது.

காலை உணவை மறக்காதீர்கள்

காலையில் எழுந்ததும் கர்ப்ப காலத்தில் வாந்தி, குமட்டல் போன்ற பிரச்சினைகள் இருப்பதால் நிறைய பெண்கள் காலை உணவை தவிர்த்து விடுகின்றனர். இது உடலுக்கு நல்லது அல்ல. இப்படி செய்தால் அந்த நாள் முழுவதும் சோர்வாக காணப்படுவீர்கள். எனவே காலை உணவு கண்டிப்பாக முக்கியம். அப்பொழுது தான் உங்கள் பசியை அடக்க முடியும்.

போதுமான தண்ணீர்

கர்ப்ப காலத்தில் உடம்பில் போதுமான நீர்ச்சத்து இல்லாவிட்டால் அடிக்கடி பசிக்கும். எனவே போதுமான தண்ணீர் குடிப்பது மிகவும் முக்கியம். கர்ப்ப காலத்தில் பெண்கள் 10 கப் தண்ணீர் குடிக்க வேண்டும். இதை நீங்கள் தண்ணீராகவோ, டீ, காபி, ஜூஸ் என்று கூட எடுத்து கொள்ளலாம். எனவே சத்தான உணவுடன் உங்கள் குழந்தையை ஆரோக்கியமாக பெற்றெடுங்கள்.