சத்தான உணவுகள் சந்ததியை உருவாக்கும்...

By Mayura Akilan

Updated: Tuesday, October 6, 2015, 9:53 [IST]

புதிதாக திருமணமான தம்பதியர் குழந்தை பெற்றுக்கொள்ள ஏற்ற பருவமாக மருத்துவர்கள் தெரிவித்துள்ளனர். ஆணிடம் இருந்து வெளியேறும் லட்சக்கணக்கான விந்தணுக்கள் பெண்ணின் ஒரே ஒரு கரு முட்டையை சந்தித்திப்பது கரு உண்டாக காரணமாகிறது. இந்த நிகழ்வு ஏற்படுவதற்கான உரிய பருவத்தையும் எளிதில் கருத்தரிப்பதற்கான வழிமுறைகளையும் மருத்துவர்கள் கூறியுள்ளனர். அவை உங்களுக்காக….

பெண்களின் மாதவிடாய் பருவத்தை கணக்கில் கொண்டு உறவில் ஈடுபடுவது கர்ப்பம் தரித்தலை எளிதாக்கும் என்பது மருத்துவர்களின் அறிவுரையாகும். 28முதல் 32 நாட்களுக்குள் சுழற்சியாக பெண்களுக்கு மாதவிடாய் வருவது ஒழுங்கான மாதவிடாய் பருவமாகும். மாதவிடாய் ஆரம்பிக்கும் முதல் நாளில் இருந்து 14-வது நாள் பெண்ணின் முட்டை வெளியேறும். இந்த முட்டை வெளியேறி 24 மணி நேரத்திற்குள் ஆணின் விந்தணுவை சந்தித்தால் கரு உருவாகும் என்கின்றனர் மருத்துவர்கள். எனவே மாதவிடாய் ஏற்பட்டு பதினோராவது நாளில் இருந்து உடலுறவில் இரண்டு மூன்று நாட்களுக்கு உறவில் ஈடுபடும் போது கரு உண்டாவதற்கான சந்தர்ப்பம் அதிகமாகும் என்கின்றனர் மருத்துவர்கள்.

சத்தான உணவுகள்

புதுமண தம்பதியர் அதிக கொழுப்புச்சத்துள்ள உணவுகளை தவிர்க்க வேண்டும். பெண்கள் காபி குடிப்பதை தவிர்ப்பது கர்ப்பம் தரித்தலை 50 சதவிகித வாய்ப்பை அதிகரிக்கிறது. மதுபழக்கத்தை தவிர்க்க வேண்டும். புகைப்பிடித்தலை அறவே ஒதுக்கவேண்டும் என்கின்றனர் மருத்துவர்கள்.

பெண்கள் ஆரஞ்சு, காரட் உள்ளிட்டவைகளை அதிகம் எடுத்துக்கொள்ளவேண்டும். ஏனெனில் இது செக்ஸ் ஹார்மோனை புத்துணர்ச்சியுடன் வைத்திருக்க உதவும். ஆண்கள் மீன் உணவுகள், வெள்ளைப்பூண்டு ஆகியவற்றை அதிகம் உட்கொள்ள வேண்டும். இது விந்து வளர்ச்சிக்கு உதவும். தினமும் 40 நிமிட உடற்பயிற்சி அவசியம். இது தம்பதியரின் உடலில் உள்ள தேவையற்ற கொழுப்பை குறைத்து மன அழுத்ததை நீக்குகிறது. நாளொன்றுக்கு 8 டம்ளர் தண்ணீர் அருந்த வேண்டும் என்று மருத்துவர்கள் அறிவுறுத்தியுள்ளனர்.

கட்டுப்பாடான எடை அவசியம்

புதுமணத் தம்பதியர் தினமும் தாம்பத்ய உறவு கொள்ளவேண்டும் என்கின்றனர் மருத்துவர்கள். இதன் மூலம் ஆணின் விந்தணு உற்சாகமடையும். இது டி.என்.ஏவை சிதைவடையாமல் பாதுகாக்கிறது. முறையற்ற மாதவிலக்கு பிரச்சினை உள்ளவர்களுக்கு கர்ப்பம் தரித்தல் தாமதமாகும். எனவே இக்குறைபாடு உள்ளவர்கள் மருத்துவர்களின் ஆலோசனையை பெறவேண்டும். கட்டுப்பான எடையை கடைபிடிக்க வேண்டும்.

நோயிலிருந்து பாதுகாப்பு

புதுமணத் தம்பதியர் தங்கள் உடலில் நோய் தாக்காமல் தற்காத்துக்கொள்ளவேண்டும் என்றும் மருத்துவர்கள் தெரிவித்துள்ளனர்.

எந்தவொரு மருத்துவப் பரிசோதனைக்கு முன்னும் ஆலோசனை பெறவேண்டும். நீரழிவு, வலிப்பு ,ஆஸ்த்மா, ரத்தக்கொதிப்பு போன்ற நோய்கள் இருப்பின் கர்ப்பம் தரிப்பதற்கு முன் அவை சிறந்த கட்டுப்பாட்டில் இருக்க வேண்டும் அப்பொழுதுதான் ஆரோக்கியமான சந்ததியை உருவாக்க முடியும்

செயற்கை உணவுகள் வேண்டாம்

கர்ப்பம் தரித்தபின்னர் இயற்கையான எந்த உணவுகளையும் விருப்பப்படி சாப்பிடலாம். செயற்கையான இரசாயனங்கள் சேர்க்கப்பட்ட உணவுகளைத் தவிர்த்தல் நல்லது. பழுத்த அன்னாசி சாப்பிடுவதால் கர்ப்பத்திற்கு எந்தப் பாதிப்பும் இல்லை. போலிக் அசிட் மாத்திரையை நாளைக்கு ஒன்று என்ற வீதத்தில் சாப்பிடுவது நல்லது. வேறு எந்த மாத்திரை எடுக்கும் முன்னும் ஆலோசனை பெற வேண்டும். என்பது மருத்துவர்களின் அறிவுரை.

Comments

Latest Updates

Best Time to Get Pregnant | சத்தான உணவுகள் சந்ததியை உருவாக்கும்...