இந்தியாவில் வசிக்கும் 5 தனித்துவமான பழங்குடியினர்... இதில் ஐந்தாவது பழங்குடியினர் ரொம்ப ஆபத்தானவர்களாம்...!

இந்தியா பல்வேறு மொழிகளும், கலாச்சாரமும், நாகரிகங்களும் கொண்ட நாடாகும். இங்கு பல்வேறு கலாச்சாரங்கள் மற்றும் பாரம்பரியங்கள் தலைமுறைகளாகக் கடத்தப்படுகின்றன. தங்களின் பண்டிகைகள் முதல் அன்றாட பழக்கவழக்கங்கள் வரை, நாடு முழுவதும் உள்ள மக்கள் தங்கள் பாரம்பரியத்தை பிரதிபலிக்கும் நடைமுறைகளை தொடர்ந்து தங்கள் அடுத்த தலைமுறையினரிடம் பரப்புகிறார்கள்.

இதற்கு பழங்குடியினர்களும் விதிவிலக்கல்ல. இந்தியாவில் நூற்றுக்கணக்கான பழங்குடியினர் இருந்தாலும் அதில் மிகவும் தனித்துவமான சில பழங்குடியினர் உள்ளனர். அவர்களின் கலாச்சாரமும், தனித்துவமான பாரம்பரியமும் பல தலைமுறைகள் கடந்தும் இன்றும் தொடர்கிறது. அவர்கள் யாரென்று இந்த பதிவில் தெரிந்து கொள்ளலாம்.

சித்தி பழங்குடியினர்

சித்தி பழங்குடியினர் "இந்தியாவின் ஆப்ரோ-இந்திய சமூகம்" என்று அழைக்கப்படுகிறது. சித்தி மக்கள் ஆப்பிரிக்காவை பூர்வீகமாகக் கொண்டவர்கள், அவர்கள் சில நூற்றாண்டுகளுக்கு முன்பு போர்த்துகீசிய வர்த்தகர்களால் இந்தியாவிற்கு அழைத்து வரப்பட்டதாக நம்பப்படுகிறது.இப்போது அவர்கள் முக்கியமாக குஜராத்தில் வாழ்கின்றனர் மற்றும் ஆப்பிரிக்க பாரம்பரியங்களை இந்திய கலாச்சாரத்துடன் கலக்கிறார்கள்.

ஆப்பிரிக்க மற்றும் இந்திய பாணிகளைக் கலக்கும் இசை மற்றும் நடனம் மூலம் அவர்கள் தங்கள் தனித்துவமான கலாச்சாரத்தைக் கொண்டாடுகிறார்கள். அவர்கள் ஆப்பிரிக்க மற்றும் உள்ளூர் இந்திய மொழிகளைக் கலந்து பேசுகிறார்கள்.

பைகா பழங்குடியினர்

""The tattooed healers" என்ற பெயரால் அறியப்படும் பைகா பழங்குடியினர் பொதுவாக மத்தியப் பிரதேசத்தின் காடுகளில் வாழ்கின்றனர் மற்றும் அவர்கள் தங்களின் தனித்துவமான பச்சை குத்தல்களுக்கு பெயர் பெற்றவர்கள். இந்த பச்சை குத்தல்கள் வெறும் அழகியலாக மட்டும் கருதப்படுவதில்லை, அவை சிறப்பு அர்த்தங்களைக் கொண்டுள்ளன.

அவர்களின் கலாச்சாரத்தில் பிறப்பு மற்றும் திருமணம் போன்ற வாழ்க்கை நிகழ்வுகளின் ஒரு பகுதியாக பச்சை குத்துவது இருக்கிறது. பைகா மக்கள், காடுகளில் உள்ள தாவரங்கள் மற்றும் மூலிகைகளைப் பயன்படுத்தி மக்களைக் குணப்படுத்துகிறார்கள், இது அவர்களை பாரம்பரிய மருத்துவர்களாக மதிக்க வழிவகுக்கிறது.

டோங்ரியா கோந்த் பழங்குடியினர்

டோங்ரியா கோந்த் பழங்குடியினர், "புனித மலையின் பாதுகாவலர்கள்" என்றும் அழைக்கப்படுகிறார்கள். இவர்கள் ஒடிசாவின் மலைகளில் வாழ்கிறார்கள் மற்றும் நியம்கிரி மலை மிகவும் புனிதமானது என்று நம்புகிறார்கள். மலையில் நெல், தினை போன்ற பயிர்களை வளர்த்து அதை புனிதமாக கருதுகின்றனர். அவர்கள் தங்கள் புனித மலையைப் பாதுகாக்க விரும்புவதால், நிலத்தை தோண்டி எடுக்க விரும்பிய சுரங்க நிறுவனங்களுக்கு எதிராக போராடியதால் மிகவும் பிரபலமாகி உள்ளனர்.

சோழநாயக்கன் பழங்குடியினர்

சோழநாயக்கன் பழங்குடியினர் கேரளக் காடுகளில் உள்ள குகைகளில் வாழ்கின்றனர். அவர்கள் இந்தியாவில் "கடைசி குகைவாசிகள்" என்று அழைக்கப்படுகிறார்கள். அவர்கள் காடுகளில் வேட்டையாடுவது மற்றும் உணவு சேகரிப்பது போன்ற எளிய வாழ்க்கை வாழ்வதாக நம்பப்படுகிறது. இயற்கையோடு இணைந்திருக்க ஆன்மீக மரபுகளையும் பின்பற்றுகிறார்கள். அரசாங்கம் அவர்களை நவீன வாழ்க்கைக்கு கொண்டு வர முயற்சித்தாலும், அவர்கள் எப்போதும் போலவே வாழ விரும்புகிறார்கள்.

சென்டினலீஸ் பழங்குடியினர்

"உலகின் மிகவும் தனிமைப்படுத்தப்பட்ட மக்கள்" என்று பிரபலமான சென்டினலீஸ் உலகின் மிகவும் தனிமைப்படுத்தப்பட்ட பழங்குடியினர்களில் ஒருவராக இருக்கிறார்கள். அந்தமான் தீவுகளில் உள்ள வடக்கு சென்டினல் தீவில் வசிக்கும் அவர்கள் ஆயிரக்கணக்கான ஆண்டுகளாக வெளியுலகில் இருந்து விலகி இருக்கிறார்கள்.

அவர்கள் தங்கள் வாழ்வாதாரத்திற்காக காடுகளில் வேட்டையாடுகிறார்கள் மற்றும் மீன் பிடிக்கிறார்கள். வெளியாட்களிடமிருந்து அவர்களைப் பாதுகாக்க இந்திய அரசாங்கம் தீவை தனிமைப்படுத்தப்பட்ட இடமாக அறிவித்துள்ளது.