அசைவ உணவு அதிகம் உண்ணும் டாப் 10 இந்திய மாநிலங்கள் - முதலிடத்தில் எந்த மாநிலம் இருக்கு தெரியுமா?

இந்தியா பல்வேறு விதமான கலாச்சாரங்களை கொண்ட ஒரு தனித்துவமான நாடாகும். இந்தியாவின் பல்வேறு கலாச்சாரங்களில் அதன் உணவுமுறையும் அடங்கும். தற்போது இந்தியாவில் 28 மாநிலங்களும், 8 யூனியன் பிரதேசங்களும் உள்ளன. இந்தியாவில் ஒவ்வொரு மாநிலத்திற்கும் உணவு கலாச்சாரம் வேறுபடும். அதிக இறைச்சி நுகரப்படும் சில பகுதிகள் வடகிழக்கு மற்றும் கடலோர மாநிலங்களில் உள்ளன.

இதற்குக் காரணம் அவர்களின் பாரம்பரிய உணவுப் பழக்கவழக்கங்கள், காலநிலை மற்றும் உள்ளூர் உணவு வகைகள் ஆகும். இந்தியாவில் அதிக அசைவ உணவு உண்ணும் டாப் 10 மாநிலங்கள் என்னென்னெ என்று இந்த பதிவில் தெரிந்து கொள்ளலாம்.

நாகலாந்து

நாகாலாந்து, இந்தியாவில் அதிக இறைச்சி உண்ணும் மாநிலங்களில் முதலிடத்தில் உள்ளது. மேலும் இது பன்றி இறைச்சி சார்ந்த உணவு வகைகளுக்குப் பெயர் பெற்றது. மூங்கில் தளிருடன் கூடிய புகையூட்டப்பட்ட(Smoked) பன்றி இறைச்சி, அம்மாநிலத்தின் மிகவும் பிரபலமான உணவுகளில் ஒன்றாகும். பாரம்பரிய நாகா உணவு வகைகளில், இறைச்சி உணவுகளைத் தயாரிக்க புளிக்கவைக்கப்பட்ட பொருட்கள், உள்ளூர் மூலிகைகள் மற்றும் மிகவும் காரமான மிளகாய்கள் பயன்படுத்தப்படுகின்றன. இங்கு பொதுமக்கள் பன்றி இறைச்சியையும், பிற இறைச்சிகளையும் சாதத்துடன் சாப்பிடுகிறார்கள்.

மேகாலயா

மேகாலயா அசைவ உணவு கலாச்சாரத்தை தீவிரமாக பின்பற்றும் மாநிலமாகும்; இங்குப் பன்றி இறைச்சி, கோழி இறைச்சி மற்றும் புகையூட்டப்பட்ட இறைச்சி ஆகியவை பரவலாக உட்கொள்ளப்படுகின்றன. இம்மாநிலத்தின் மிகவும் புகழ்பெற்ற உணவுகளில் ஒன்று 'ஜாடோ' ஆகும். இது அரிசி மற்றும் பன்றி இறைச்சியைக் கொண்டு செய்யப்படும் ஒரு பிரபலமான உணவாகும். மேகாலயா சமையலில் கருப்பு எள், உள்ளூர் மசாலாப் பொருட்கள் மற்றும் புகையூட்டப்பட்ட இறைச்சியைத் தயாரிக்கும் நுட்பங்கள் ஆகியவை பயன்படுத்தப்படுகின்றன.

கேரளா

கேரளா கடல் உணவுகள், கோழி, மாட்டிறைச்சி உணவுகள் மற்றும் மசாலா நிறைந்த கடலோர உணவு வகைகளுக்குப் பெயர் பெற்றது. தேங்காய் மற்றும் புளி சேர்த்துத் தயாரிக்கப்படும் கேரள மீன் குழம்பு, அம்மாநிலத்தின் மிகவும் பிரபலமான உணவுகளில் ஒன்றாகும். பரோட்டாவுடன் பரிமாறப்படும் மாட்டிறைச்சி வறுவல், உள்ளூர் உணவகங்கள் மற்றும் தெருவோர உணவுக் கடைகளில் மிகவும் பிரபலமானது.

மேற்கு வங்கம்

மேற்கு வங்கம் அதன் விதவிதமான மீன் உண்ணும் கலாச்சாரம் மற்றும் பாரம்பரிய பெங்காலி இறைச்சி உணவுகளுக்குப் பெயர் பெற்றது. 'மாச்செர் ஜோல்' (Machher Jhol): வங்காளத்தின் மிகவும் பிரபலமான உணவுகளில் ஒன்றான இது, கடுகு மற்றும் நறுமணப் பொருட்கள் சேர்த்துத் தயாரிக்கப்படும், சுவை மிகுந்த ஒரு மீன் குழம்பாகும். காரசாரமாக, நிதானமான தீயில் சமைக்கப்படும் ஆட்டுக்கறி குழம்பான 'கோஷா மாங்ஷோ' (Kosha Mangsho), மற்றொரு புகழ்பெற்ற பெங்காலி உணவாகும்.

அஸ்ஸாம்

மீன், வாத்து இறைச்சி, பன்றி இறைச்சி மற்றும் மிதமான மசாலாப் பொருட்களுடன் சமைக்கப்படும் பாரம்பரிய அஸ்ஸாமி உணவு வகைகளுக்கு அஸ்ஸாம் புகழ் பெற்றது. பூசணிக்காய் வாத்து இறைச்சிக் குழம்பு அஸ்ஸாமின் மிகவும் பிரபலமான உணவுகளில் ஒன்றாகும். புத்துணர்ச்சியூட்டும் சுவையுடன் கூடிய புளிப்பு மீன் குழம்பான மசோர் டெங்காவும் மாநிலம் முழுவதும் பிரபலமான ஒரு உணவாகும்.

கோவா

போர்த்துகீசிய கலாச்சாரத்தின் தாக்கமுள்ள அசைவ உணவு மற்றும் கடல் உணவுகள் கோவாவின் தவிர்க்க முடியாத அடையாளங்களாக உள்ளது. தேங்காய் மற்றும் மசாலாப் பொருட்களுடன் கூடிய கோவன் மீன் கறி இந்த மாநிலத்தின் தனித்துவமான உணவுகளில் ஒன்றாகும். கோவன் சமையலின் மிகவும் பிரபலமான உணவுகளில் ஒன்றான போர்க் விண்டலூ, அதன் காரமான மற்றும் புளிப்பான சுவைக்காக உலகப்புகழ் பெற்றதாக உள்ளது.

திரிபுரா

திரிபுரா பழங்குடியின மக்களின் வாழ்விடமாகத் திகழ்கிறது. அதன் உணவுப் பண்பாடு மிகவும் வித்தியாசமானது. பன்றி இறைச்சி, மீன் மற்றும் நொதிக்க வைக்கப்பட்ட உணவுப் பொருட்கள் ஆகியவை அவர்களின் உணவுப் பண்பாட்டின் ஒரு அங்கமாக விளங்குகின்றன. இவர்களின் பாரம்பரிய உணவுகளில் பொதுவாக மூங்கில் குருத்துகள், மூலிகைகள் மற்றும் புகையூட்டப்பட்ட இறைச்சி ஆகியவை பயன்படுத்தப்படுகின்றன. பல்வேறு வகையான இறைச்சி மற்றும் மீன் வகைத் தயாரிப்புகளை உள்ளடக்கிய 'முய் போரோக்' (Mui Borok) என்பது திரிபுராவின் பிரபலமான உணவு வகைகளில் ஒன்றாகும்.

மணிப்பூர்

மணிப்பூர் அதன் மீன் சார்ந்த உணவு வகைகள், நொதிக்க வைக்கப்பட்ட பொருட்கள் மற்றும் புகையூட்டப்பட்ட இறைச்சி உணவுகளுக்குப் பெயர் பெற்றது. அம்மாநிலத்தின் மிகவும் பிரபலமான உணவான 'எரோம்பா' காய்கறிகள், நறுமணப் பொருட்கள் மற்றும் மீன் ஆகியவற்றின் சுவையான கலவையாகும்.

மிசோரம்

மிசோரம் வலுவான அசைவ உணவு கலாச்சாரத்தைக் கொண்டுள்ளது. பன்றி இறைச்சி இம்மநிலத்தின் மிகவும் பிரபலமான இறைச்சி வகைகளில் ஒன்றாகும்; இது பெரும்பாலும் மூங்கில் குருத்துகள் மற்றும் மூலிகைகளுடன் சேர்த்துச் சமைக்கப்படுகிறது. 'பாய்' என்பது காய்கறிகள் மற்றும் பன்றி இறைச்சி ஆகியவற்றைக் கொண்டு தயாரிக்கப்படும், மிசோ மக்களின் மிகவும் விருப்பமான ஒரு உணவாகும்

அருணாச்சலப் பிரதேசம்

அருணாச்சலப் பிரதேசம், பன்றி இறைச்சி, கோழி, மீன் மற்றும் யாக் இறைச்சி ஆகியவற்றைக் கொண்ட அதன் பழங்குடி உணவு வகைகளுக்குப் பெயர் பெற்றது. பழங்குடி சமூகத்தினர், புகைபோட்டு சமைக்கப்பட்ட பன்றி இறைச்சி வகைகளை, குறிப்பாக மூலிகைகள் மற்றும் மூங்கில் தளிர்களுடன் சேர்த்து உண்பதை மிகவும் விரும்புகிறார்கள்.