உலகிலேயே இந்த ஒரு நாட்டில் மட்டும்தான் ஒரு கொசு கூட இல்லையாம்... காரணம் என்ன தெரியுமா?

உலகிலேயே மிகவும் ஆபத்தான உயிரினம் என்றால் பொதுவாக சிங்கம் அல்லது பாம்பு என்று கூறுவார்கள். ஆனால் உண்மையில் ஆபத்தான உயிரினம் என்றால் நம்முடைய தூக்கத்தின் எதிரியான கொசுதான். தூங்க தயாராகும் போதெல்லாம் நம் காதுக்கு அருகில் பாட்டுப்பாடி இரத்தத்தை உறிஞ்சி குடிக்கும் இந்த கொடூர பூச்சிதான் உலகின் ஆபத்தான உயிரினம்.

ஒவ்வொரு வருடமும் பாம்பு, சிங்கம் போன்றவற்றால் மரணிப்பவர்களின் எண்ணிக்கையை விட கொசுக்கடியால் ஏற்படும் நோய்களால் இறப்பவர்களின் எண்ணிக்கையே மிகவும் அதிகம். டைனோசர்கள் காலம் முதலே கொசுக்கள் பூமியில் வாழ்ந்து வருகின்றன. இந்தியாவின் கிட்டத்தட்ட எல்லா இடங்களிலும் கொசுக்களைக் காணலாம்.

கொசுக்கள் இல்லாத நாடு எது?

கேரளாவின் ஈரமான கடற்கரைகள் முதல் தமிழ்நாடு, மும்பை போன்ற அதிக மக்கள் தொகை கொண்ட நகரங்கள், இமாச்சலப் பிரதேசத்தின் குளிர்ச்சியான பகுதிகள் வரை அனைத்துப் பகுதிகளிலும் கொசுக்களின் தொல்லை தொடர்கிறது. இந்தியா மட்டுமல்ல பூமியின் அனைத்து நாடுகளிலும் கொசுக்களை நாம் பார்க்கலாம். ஆனால் விதிவிலக்காக ஒரேயொரு இடம் உள்ளது, இந்த நாட்டில் கொசுக்கள் அறவே கிடையாது. அதுதான் ஐஸ்லாந்து.

ஐஸ்லாந்தில் ஏன் கொசுக்கள் இல்லை?

ஐஸ்லாந்தில் பாம்புகளோ அல்லது பிற ஊர்வனவோ இல்லை. அதனால்தான் ஐஸ்லாந்து "பாம்பு இல்லாத நாடு" என்று அழைக்கப்படுகிறது. இதில் கூடுதல் சுவாரஸ்யம் என்னவென்றால், ஐஸ்லாந்தில் ஏரிகள், குளங்கள், ஈரநிலங்கள் மற்றும் சுமார் 1300 வெவ்வேறு விலங்கு இனங்கள் உள்ளன, ஆனால் இங்கு, கொசுக்கள் மட்டும் உயிர்வாழ்வதில்லை. அறிக்கைகளின்படி, ஐஸ்லாந்தின் விரைவாக மாறிவரும் வானிலை மற்றும் குளிர்ச்சியான காலநிலையால் இங்கு கொசுக்கள் உயிர்வாழ்வதில்லை, இதனால் கொசு முட்டை வளர்ச்சி அடைவது மற்றும் குஞ்சு பொரிப்பது கடினம் என்று விஞ்ஞானிகள் கூறுகின்றனர். ஐஸ்லாந்து மக்கள் வாழ மகிழ்ச்சியான நாடாக இருக்க இதுவும் முக்கிய காரணமாகும். இங்கு கொசுக்கள் இல்லை, பாம்புகள் இல்லை, சுத்தமான மற்றும் குளிர்ச்சியான சூழல் மட்டுமே உள்ளது.

பொதுவாக, கொசுக்கள் பெரும்பாலும் ஆழமற்ற, தேங்கி நிற்கும் நீரில் இனப்பெருக்கம் செய்கின்றன, அங்கு அவற்றின் முட்டைகள் லார்வாக்களாக உருவாகின்றன. இந்த செயல்முறையின் போது அவை பொதுவாக பொருத்தமான மற்றும் நிலையான வெப்பநிலையை நம்பியுள்ளன. ஆனால் ஐஸ்லாந்தின் சூழல் முற்றிலும் வேறுபட்டது.

தேங்கி நிற்கும் நீர் நீண்ட காலம் நீடிக்காது: ஐஸ்லாந்தின் இயற்கையான வடிகால் மற்றும் வேகமாக நகரும் நீர் அமைப்புகள் காரணமாக, கொசுக்களின் இனப்பெருக்கத்திற்கான சூழல்களை உருவாக்கும் அளவுக்கு தண்ணீர் நீண்ட நேரம் நிற்காது.

குறைந்த மக்கள் தொகை: ஐஸ்லாந்தில் மக்கள் தொகையும், வீடுகளும் மிகவும் குறைவு, அதாவது கொசு இனப்பெருக்கத்தை ஆதரிக்கக்கூடிய மனிதனால் உருவாக்கப்பட்ட சூழல்கள் எதுவும் இங்கு இல்லை. இங்கு நிலவும் குறைந்த வெப்பநிலை கொசு முட்டைகள் அல்லது லார்வாக்களின் உயிர்வாழ்வை எதிர்மறையாக பாதிக்கும்.

இந்த சுற்றுசூழல் நிலைமைகளின் கீழ் கொசுக்கள் உயிரியல்ரீதியாக உயிர்வாழவோ அல்லது இனப்பெருக்கம் செய்யவோ முடியாது. ஆனால் ஐஸ்லாந்தில் ஒரு பூச்சி உள்ளது, அது ஒரு கொசுவைப் போல தோற்றமளிக்கிறது, ஆனால் அதன் நடத்தை மற்றும் இயற்கையில் மிகவும் வித்தியாசமானது, அது கடிக்காது மற்றும் நோய்களைப் பரப்பாது. ஐஸ்லாந்தில் அதன் சுத்தமான சுற்றுச்சூழல் அமைப்புகள், வேகமாக வடிகால் அமைப்புகள் மற்றும் குளிர் சூழல் காரணமாக கொசுக்கள் இல்லாதது, உண்மையில் மக்களுக்கு ஒரு பரிசாகும்.