புரட்டாசியில் திருமணம், கிரகப்பிரவேசம் செய்யக்கூடாது ஏன் தெரியுமா

வளைகாப்பு செய்யலாம்

கர்ப்பிணி பெண்களுக்கு ஒற்றைப்படை மாதமாக புரட்டாசி வரும் பட்சத்தில் வளைகாப்பு நடத்தலாம். அது ஒருநாள் பண்டிகைதான் முடிந்து விடும். அதேபோல புரட்டாசி மாதம் பிறந்தவர்களுக்கு அறுபதாம் கல்யாணம், எண்பதாம் திருமணம் இதனால் பாதிப்பு எதுவும் வருவதில்லை. இந்த மாதம் செப்டம்பர் 25 மற்றும் 26 மட்டுமே நல்ல நாட்கள் உள்ளது அவசியமானால் சில சுபகாரியங்களை மட்டும் செய்யலாம். இந்த மாதம் திருமணம், சாந்தி முகூர்த்தத்திற்கு நல்ல நாட்கள் இல்லை.

கல்வி கற்க தொடங்கலாம்

புரட்டாசி மாதத்தில் நவராத்திரி பண்டிகை நாளின் கடைசி நாளான விஜய தசமியன்று கல்வி கற்றுக்கொள்ளத் தொடங்கினால் நல்ல கல்வியறிவு கிடைக்கும். வாழ்க்கைக்கும் பயன்படும். அதேபோல விஜயதசமியன்று குழந்தைகளுக்கு புதிய விசயங்களை கற்றுக்கொடுக்கத் தொடங்கலாம். புதிய தொழில் தொடங்கலாம் மேன்மேலும் வளரும்.

மொட்டையடிக்க - காது குத்த

இந்த மாதம் காது குத்த ஒரே ஒரு நாள் மட்டுமே உள்ளது. புரட்டாசி 25 அக்டோபர் 12 காது குத்த நல்ல நாள் என்று பஞ்சாங்கத்தில் குறிப்பிடப்பட்டுள்ளது. அதேபோல ஆபரேசன் செய்து குழந்தை பெற்றுக்கொள்ள செப்டம்பர் 21, 24,26,27,30 ஆகிய நாட்களும், அக்டோபர் 1,3,8,11,12,13 முதல் 16 வரையும் நல்ல நாட்கள் என குறிப்பிடப்பட்டுள்ளது.

கடன் தீர்க்க நல்ல நாட்கள்

தோஷ பரிகாரத்திற்கு புரட்டாசி 13, 15, 16, 24,26 ஆகிய நாட்கள் ஏற்ற நாட்கள். அதே போல திலஹோமம் செய்ய புரட்டாசி 5,6,8,9,10,11,13,19,30 ஆகிய நாட்கள் ஏற்றவை. கடன் தீர்க்க புரட்டாசி 4,6,7,10,14,15,16,21,25,28 ஆகிய நாட்கள் ஏற்றவை.

திருமணம் செய்ய ஏற்ற மாதம்

சுப காரியங்களை சில குறிப்பிட்ட மாதங்களில் மட்டுமே செய்ய வேண்டும் என்று ஜோதிட சாஸ்திரம் கூறுகிறது. சித்திரை, வைகாசி, ஆவணி, தை, பங்குனி ஆகிய மாதங்களில் திருமணம் செய்யலாம். இந்த மாதத்தில் திருமணம் செய்தால் மணமக்கள் மகிழ்ச்சியுடன் வாழ்வார்கள் குழந்தை பாக்கியம் நன்றாக அமையும்.

வீடு கட்ட ஏற்ற மாதங்கள்

சித்திரை, வைகாசி, ஐப்பசி, கார்த்திகை, தை, மாசி ஆகிய மாதங்களில் வீடு கட்டும் வேலையைத் தொடங்கினால் தடையில்லாமல் விரைவாக முடியும். சித்திரை, வைகாசி, ஆனி ஆகிய மாதங்களில் கிணறு வெட்டினால் அது என்றும் வற்றாது. ஆனி, ஆடி, புரட்டாசி, மார்கழி, பங்குனி ஆகிய மாதங்களில் வீடு வாங்கவும் கூடாது. வீடு குடியேறவும் கூடாது என்று முன்னோர்கள் வகுத்துக் கொடுத்துள்ளனர். முன்னோர்களின் வழியை பின்பற்றினால் நமக்கு தொந்தரவு இல்லைதானே.