Just In
- 10 min ago கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- 53 min ago திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- 1 hr ago 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- 2 hrs ago இந்த ராசிக்காரர்கள் திருப்பதிக்கு அடிக்கடி போகக்கூடாது.. ஏன் தெரியுமா?
Don't Miss
- News வேலி தாண்டிய வெள்ளாடு.. கோவை லாட்ஜ் டூ திருச்சி லாட்ஜ்.. வெறும் 14 வயசு தான்.. என்ன கொடுமை இதெல்லாம்
- Automobiles தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- Technology உங்க மொபைலில் கூகுள் பே, போன் பே, பேடிஎம் செயலிகள் இருக்கா? இதை கட்டாயம் தெரிஞ்சுக்கோங்க.. ஏன்?
- Movies அச்சச்சோ.. என்ன ஆச்சு?.. ஐபிஎல் ஸ்ட்ரீமிங் மோசடி வழக்கில் சிக்கிய தமன்னா.. விசாரணைக்கு வர உத்தரவு!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
உங்க ஜாதகத்துல செவ்வாய், குரு, சுக்கிரன், புதன், சனி தரும் பஞ்சமகா புருஷ யோகம் இருக்கா?
உங்க ஜாதகத்தில் என்னென்ன யோகங்கள் இருக்கு என்று பார்த்தாலே உங்களுக்கு எந்த மாதிரியான அதிர்ஷ்டங்கள் தேடி வரும் என்று பார்க்கலாம். தலைமை பதவியும், செல்வமும் செல்வாக்கும் உங்களுக்கு தேடி வரப்போகிறது.
ஒருவருக்கு பஞ்சமகா புருஷ யோகங்கள் இருந்தால் அவர்களுக்கு செல்வமும் செல்வாக்கும் தலைமை பதவியும் தேடி வரும். நவகிரகங்களில் சூரியன், சந்திரன், ராகு கேது தவிர செவ்வாய், குரு, சுக்கிரன், புதன், சனி ஆகிய கிரகங்களினால் பஞ்சமகா புருஷ யோகங்கள் உண்டாகின்றன.
செவ்வாயினால் ஏற்படும் ருசக யோகம், புதனால் ஏற்படும் பத்திர யோகம், குருவினால் ஏற்படும் ஹம்சா யோகம், சுக்கிரனால் ஏற்படும் மாளவியா யோகம், சனியால் ஏற்படும் சச யோகம் போன்றவையோ பஞ்சமகா புருஷ யோகங்கள்.
MOST READ: கொரோனா வைரஸ் தாக்காமல் இருக்கணுமா? அப்ப இந்த உணவுகளை சாப்பிடுங்க...
நாட்டின் பிரதமர் மோடி ஜாதகத்தில் பல யோகங்கள் இருந்தாலும் பஞ்சமகா புருஷ யோகங்களில் ஒன்றான ருசக யோகம் அமைந்துள்ளது. மறைந்த முன்னாள் முதல்வர் ஜெயலலிதாவின் ஜாதகத்தில் ஹம்ச யோகமும் மாளவியா யோகமும் அமைந்துள்ளது. உலகப்புகழ் பெற்ற பில்கேட்ஸ் ஜாதகத்தில் சச யோகமும் மாளவியா யோகமும் அமைந்துள்ளது.
MOST READ: மார்ச் மாதம் குரு, செவ்வாய் பெயர்ச்சியால் யாருக்கெல்லாம் பாதிப்பு வரும் தெரியுமா?
செவ்வாய் தரும் ருசக யோகம்
நவகிரகங்களில் அங்காரகன், மங்கள காரகன், பூமி காரகன் என போற்றப்படும் செவ்வாய் பகவான் ஒருவரது ஜாதகத்தில் ஆட்சி அல்லது உச்சம் பெற்று ஜென்ம லக்னத்திற்கோ, சந்திரனுக்கோ 1,4,7,10 ஆகிய கேந்திர ஸ்தானங்களில் ஏதாவது ஒன்றில் அமயப்பெற்றால் ருசக யோகம் உண்டாகிறது.பூமி, மனை போன்றவற்றால் லாபத்தை அள்ளி தருவது ருசக யோகமாகும். இந்த யோகம் அமையப் பெற்றவர்களுக்கு துணிவும், தைரியமும் சிறப்பாக இருக்கும். திறமைசாலிகளாகவும் நல்ல அறிவாற்றல், பேச்சுத் திறன் கொண்டவர்களாகவும் இருப்பார்கள். பெண்களுக்கு இந்த யோகம் இருந்தால் நல்ல தேக ஆரோக்கியம், மண வாழ்வில் மகிழ்ச்சி உண்டாகும். உடல் ஆரோக்கியத்தில் அற்புதங்களை தரும்.
குரு தரும் ஹம்ச யோகம்
பொன்னவனான குரு பகவான் ஒருவரின் ஜாதகத்தில் ஆட்சி அல்லது உச்சம் பெற்று ஜென்ம லக்னத்திற்கோ, சந்திரனுக்கோ 1,4,7,10 ஆகிய கேந்திர ஸ்தானங்களில் அமையப் பெற்றிருந்தால் ஹம்ச யோகம் உண்டாகிறது. இந்த யோகம் அமைய பெற்றவர்கள் சுமுதாயத்தில் பலர் போற்ற கூடிய அளவிற்கு பெயரும் புகழும் பெறுவார்கள். பணபுழக்கம் அதிகமுள்ள இடங்களில் உயர்வான பதவிகளை வகிக்கும் யோகம் உண்டாகும். கமிஷன், ஏஜென்ஸி, வட்டித் தொழில் போன்றவற்றில் ஈடுபடக்கூடிய யோகமும் அவற்றால் நல்ல அனுகூலங்களும் உண்டாகும். பெரியோர்களின் நட்பும், சான்றோர்களின் ஆசி போன்றவையும் ஹம்ச யோகம் பெற்றவர்களுக்கு சிறப்பாக அமையும்.
புதன் தரும் பத்திர யோகம்
கல்விகாரகன், அறிவுகாரகன் எனப் போற்றப்படும் புதன் பகவான் ஒருவர் ஜாதகத்தில் ஆட்சியோ, உச்சமோ பெற்று ஜென்ம லக்னத்திற்கோ சந்திரனுக்கோ கேந்திர ஸ்தானங்களில் அமைந்திருந்தால் பத்திர யோகம் உண்டாகிறது. பத்திர யோகம் அமைந்துள்ள ஜாதகருக்கு நல்ல அறிவாற்றல், சிறப்பான ஞாபக சக்தி, புக்தி கூர்மை யாவும் அமையும். நீண்ட ஆயுளையும் அற்புதமான ஆரோக்கியத்தையும் அழகான உடலமைப்பையும் பத்திர யோகம் கொடுக்கும். பத்தர யோகம் அமையப்பெற்றவர்களுக்கு வாக்கு சாதுர்யமும், கற்பனை திறனும் கிடைக்கும் என்பதால் கலைத்துறையில் பெரிய இடத்தை பிடிப்பார்கள்.
சுக்கிரன் தரும் மாளவியா யோகம்
காதல் நாயகன் சுக்கிர பகவான் ஆட்சியோ, உச்சமோ பெற்று ஜென்ம லக்னத்திற்கோ, சந்திரனுக்கோ கேந்திர ஸ்தானமான 1,4,7,10 ல் அமையப் பெற்றால் மாளவியா யோகம் உண்டாகிறது. மாளவியா யோகம் அமையப் பெற்றவர்களுக்கு சிறப்பான மண வாழ்க்கை அமைந்து தாம்பத்திய வாழ்க்கையானது மகிழ்ச்சிகரமாக இருக்கும். குடும்பத்தில் மகிழ்ச்சியும் சுபிட்சமும் நிலவும். செல்வம், செல்வாக்கு உயர்வடையும். பணவரவுகள் தாராளமாக இருக்கும். வண்டி, வாகனச் சேர்க்கை, சுகவாழ்வு, சொகுசு வாழ்வு போன்ற யாவும் மாளவியா யோகம் அமையப் பெற்றவர்களுக்கு மிகச் சிறப்பாக அமையும்.
சனி தரும் சச யோகம்
ஆயுள்காரகன், ஜீவனகாரகன் என்று அழைக்கப்படக்கூடிய சனி பகவான் ஆட்சியோ உச்சமோ பெற்று ஜென்ம லக்னத்திற்கோ, சந்திரனுக்கோ 1,4,7,10 ஆகிய ஸ்தானங்களில் அமைந்திருந்தால் சச யோகம் உண்டாகிறது. இந்த யோகம் அமையப் பெற்றவர்களுக்கு நீணட ஆயுள், நல்ல ஆரோக்கியம், திடகாத்திரமான உடல் அமைப்பு உண்டாகும். அரசாங்க வழியில் உயர்பதவிகளை வகிக்கக்கூடிய யோகம் அமையும். சமுதாயத்தில் கௌரவமான நிலையை உண்டாக்கும். நல்ல குடும்ப வாழ்க்கையும், மனைவி பிள்ளைகளால் அனுகூலங்களும் கிடைக்கும்.