சுக்கிரனால் ஏப்ரல் மாதத்தில் இந்த ராசிக்காரங்க நிறைய சவால்களை சந்திக்கப் போறாங்க.. உங்க ராசி இதுல இருக்கா?

கடகம்

சுக்கிரன் கடக ராசியின் 8 ஆவது வீடடில் இருப்பதால், இந்த ராசியைச் சேர்ந்த சிலரது வாழ்க்கை திடீரென மாறலாம். ஏன் சிலருக்கு வாழ்க்கை பிடிக்காமலே போகலாம். இக்காலத்தில் பயணம் மேற்கொள்ள வேண்டியிருக்கும். பணிபுரிபவர்களுக்கு இக்காலத்தில் இடமாற்றம் ஏற்படலாம். ஆரோக்கியத்தில் அக்கறை செலுத்த வேண்டும். ஏனெனில் வயிறு தொடர்பான சில பிரச்சனைகளை சந்திக்க வாய்ப்புள்ளது. இந்த ராசியைச் சேர்ந்தவர்கள் சிலரை தேவையற்ற பயம் ஆட்டிப்படைக்கும். அதோடு நிதி பிரச்சனைகளை சந்திக்கக்கூடும். ஆகவே இக்காலத்தில் சரியாக திட்டமிட்டு செலவுகளை செய்யுங்கள்.

கன்னி

கன்னி ராசியின் 6 ஆவது வீட்டில் சுக்கிரன் இருப்பதால், பணியிடத்தில் எதிர் பாலினத்தவரிடம் இருந்து விலகி இருக்க அறிவுறுத்தப்படுகிறது. ஏதேனும் நாள்பட்ட நோய் இருந்தால், அதை சரியாக கவனிக்காமல் விட்டுவிடாதீர்கள். இல்லாவிட்டால் பெரிய பிரச்சனையை சந்திக்கக்கூடும். திருமணமானவர்கள் இக்காலத்தில் மாமியாரின் ஆதரவைப் பெறுவார்கள். மாணவர்கள் படிப்பில் வெற்றி பெற படாத பாடுபட வேண்டியிருக்கும்.

தனுசு

தனுசு ராசியின் 3 ஆவது வீட்டில் சுக்கிரன் இருப்பதால், இந்த ராசிக்காரர்கள் எதிரிகளிடம் சற்று எச்சரிக்கையாக இருக்க வேண்டும். இக்காலத்தில் பேசும் போது உங்கள் வார்த்தைகளை மிகவும் கவனமாக பயன்படுத்த வேண்டும். சிலருக்கு தொண்டை சம்பந்தமான கோளாறுகள் வரலாம். தாயின் ஆரோக்கியம் பற்றிய கவலைகள் அதிகரிக்கும். அதே வேளையில் உங்கள் ஆரோக்கியத்திலும் அக்கறை காட்டுங்கள். இக்காலத்தில் உங்கள் உடன்பிறப்புகளுடன் கருத்து வேறுபாடுகள் ஏற்பட வாய்ப்புள்ளது, எனவே அவர்களிடம் பேசும்போது உங்கள் வார்த்தைகளை புத்திசாலித்தனமாக பயன்படுத்துங்கள்.

சுக்கிரனால் சந்திக்கும் பிரச்சனைகளைத் தவிர்ப்பதற்கான தீர்வுகள்:

* சுக்கிரனால் சந்திக்கும் பிரச்சனைகளைத் தவிர்க்க, வெள்ளிக்கிழமைகளில் விரதம் இருந்து, லட்சுமி தேவியை வழிபட வேண்டும். இது மகிழ்ச்சி, அதிர்ஷ்டம் மற்றும் பொருள் செல்வத்தை தரும்.

* சுக்கிரனின் தோஷங்கள் விலகுவதற்கு வைர ஆபரணங்களை அணியலாம். இல்லாவிட்டால், தங்கம் அல்லது வெள்ளியால் ஒரு மோதிரத்தை உருவாக்கி, அதை மோதிர விரலில் அணியவும். இருப்பினும், அதை அணிவதற்கு முன் ஜோதிடரின் ஆலோசனையைப் பெறுங்கள்.

* ஏழு முகத்தைக் கொண்ட ருத்ராட்சம் அணிவதால் சுக்கிரனால் ஏற்படும் தடைகளும் நீங்கும்.

* சுக்கிரனின் தோஷத்திற்கு மற்றொரு பரிகாரம் லட்சுமி தேவியை வணங்கி லட்சுமி ஸ்துதி அல்லது துர்கா சாலிசாவை உச்சரிக்க வேண்டும்.