கையில இந்த ரேகை தெளிவா இருக்குறவங்க அதிர்ஷ்டசாலியாம்.. இவங்களுக்கு பண பிரச்சனையே வராதாம்..

சனி ரேகை

ஒருவரது கையில் உள்ள சனி ரேகை அவரது அதிர்ஷ்டத்தின் சின்னமாகும். கைரேகை ஜோதிடத்தின் படி, கையில் சனி ரேகையை தெளிவாக வைத்திருப்பவர்கள், வாழ்வில் நிறைய நற்பெயரைப் பெறுவதோடு, அதிர்ஷ்டம் நிறைந்தவராகவும், எவ்விதமான பிரச்சனையையும் சந்திக்க வேண்டிய அவசியம் இல்லாதவராகவும் இருப்பர். அதோடு சனி ரேகை இருப்பவர்களிடம் சனி பகவான் எப்போதும் அன்பாக இருப்பாராம்.

உள்ளங்கையில் சனி ரேகை எங்கு உள்ளது?

சனி மேடு என்பது உள்ளங்கையில் நடுவிரலின் கீழே உள்ள பகுதியாகும். மேலும் சனி ரேகையானது கையின் நடுவில் இருந்து தொடங்கி சனி மேட்டிற்கு செல்லும். ஒருவரது கையில் சனி ரேகை எவ்வளவு தெளிவாகவும், வெட்டப்படாமலும் இருக்கிறதோ, அந்த அளவுக்கு வாழ்க்கையில் முன்னேற்றத்தைக் காண்பார் என்று கைரேகை ஜோதிடத்தில் கூறப்பட்டுள்ளது.

நற்பலனைத் தரும் சனி ரேகை

ஒருவரது மணிக்கட்டின் மேல் பகுதியில் இருந்து சனி ரேகை அல்லது விதி ரேகை சனி மேட்டிற்கு வெட்டப்படாமல் சென்றால், அது மிகவும் மங்களகரமானதாக கருதப்படுகிறது. இத்தகைய ரேகையைக் கொண்டவர்கள் அதிர்ஷ்டசாலிகள் மற்றும் அதிர்ஷ்டத்தால் ஆசீர்வதிக்கப்பட்டவர்கள். முக்கியமாக இத்தகையவர்கள் சிறு வயதிலேயே வாழ்வில் நல்ல முன்னேற்றத்தைக் காண்பார்கள். மேலும் இவர்கள் கடின உழைப்பாளிகள் மற்றும் நேர்மையானவர்கள். இவர்களிடம் செல்வம் அதிகம் சேரும்.

குரு மேட்டில் இருந்து உருவாகும் சனி ரேகை

சனி ரேகை கையில் பல இடங்களில் இருந்து உருவாகிறது. கைரேகை ஜோதிடத்தின் படி, குரு மேட்டில் இருந்து சனி மேட்டை அடையும் ரேகை சனி ரேகை என்றும் அழைக்கப்படுகிறது. ஒருவரது கையில் இம்மாதிரியான ரேகை இருந்தால், அவர் வயதிற்கு ஏற்ப பணக்காரர் ஆவார். ஆனால் இவர்களால் தாங்கள் சம்பாதிக்கும் பணத்தை அதிகம் பயன்படுத்த முடியாது. இருப்பினும் இவர்களின் பிள்ளைகள் இவர்களுடைய பணத்தை நன்கு அனுபவிப்பார்கள்.

கடின உழைப்பாளிகள்

விதி ரேகையில் இருந்து சனி மேட்டிற்கு செல்லும் ரேகை நல்ல பலனைத் தருவதாக இருக்கும். இத்தகைய ரேகையைக் கொண்டவர்கள் கடின உழைப்பின் மூலம் வெற்றியைப் பெறுகிறார்கள். ஆனால் இந்த ரேகையில் பிளவு இருக்கக்கூடாது. இப்படிப்பட்ட ரேகையைக் கொண்டவர்களிடம் சனி பகவான் கருணை காட்டுவார். அதோடு இத்தகைவர்கள் கடின உழைப்பாளிகளாக ஆக்குவார். பெரும்பாலும் இத்தகையவர்கள் தங்களின் கடின உழைப்பின் மூலம் பெரிய வணிகர்களாக மாறுகிறார்கள் மற்றும் ஆடம்பர வாழ்க்கையை வாழ விரும்புவார்கள்.