சூரியன் மீன ராசிக்கு செல்வதால் இன்று முதல் அடுத்த ஒரு மாதம் இந்த ராசிக்காரர்களின் பிரச்சனை அதிகரிக்கும்...!

மேஷம்

மீன ராசிக்குள் சூரியன் நுழைவதால், மேஷ ராசிக்காரர்களின் வாழ்க்கையில் குழப்பம் ஏற்படும். மாணவர்களின் தன்னம்பிக்கை குறையும். இதனால் மாணவர்கள் படிப்பில் தீவிரமாக இருக்கமாட்டார்கள். முதலீடு செய்ய நினைத்தால், அதற்கு இது சரியான காலம் அல்ல. ஒருவேளை முதலீடு செய்தால், நிதி இழப்பை சந்திக்க நேரிடும். இக்காலத்தில் உங்கள் செலவுகளை கட்டுப்படுத்துங்கள். இல்லாவிட்டால் நிதி பிரச்சனையை சந்திக்க நேரிடும். குடும்பத்தில் சண்டை சச்சரவுகள் ஏற்பட வாய்ப்புள்ளதால், இக்காலத்தில் பேசும் போதும், உங்கள் நடத்தையிலும் சற்று நிதானத்தைக் கடைப்பிடிக்க அறிவுறுத்தப்படுகிறது.

கடகம்

சூரியன் மீன ராசிக்கு செல்வதால், கடக ராசிக்காரர்களுக்கு இக்காலம் சவால் நிறைந்ததாக இருக்கும். குழந்தைகளின் ஆரோக்கியத்தைக் கவனித்துக் கொள்ளுங்கள். வியாபாரத்தில் பிரச்சனைகள் அதிகரிக்கும். முக்கிய முடிவுகளை எடுப்பதில் சிரமத்தை சந்திக்கலாம். மாணவர்கள் படிப்பில் சில தடைகளை சந்திக்கக்கூடும். கடின உழைப்பு இக்காலத்தில் நல்ல பலனைத் தராது. எங்கேனும் பயணம் செய்ய திட்டமிட்டிருந்தால், அதை சற்று ஒத்தி வையுங்கள்.

சிம்மம்

சிம்ம ராசியின் அதிபதியான சூரியன் மீன ராசிக்கு செல்வதால், இக்காலம் உங்களுக்கு சாதகமாக இருக்காது. குடும்ப உறுப்பினர்களுடனான உறவு மோசமடையக்கூடும். குறிப்பாக பெரியவர்களுடனான உறவு மோசமாகும். ஏனெனில் இக்காலத்தில் நீங்கள் மிகவும் கோபமாக இருப்பீர்கள். உங்கள் ஆரோக்கியத்தையும், குடும்பத்தின் ஆரோக்கியத்தையும் கவனித்துக் கொள்ளுங்கள். வயிறு தொடர்பான பிரச்சனைகளை சந்திப்பீர்கள். நிதி நிலையை கவனித்துக் கொள்ளுங்கள். இல்லாவிட்டால், நிதி பிரச்சனையை சந்திப்பீர்கள். பணிபுரிபவர்கள் தங்கள் வேலையில் சிறப்பு கவனத்தை செலுத்த வேண்டும். இல்லாவிட்டால் சிக்கல்களை சந்திக்க நேரிடும்.

தனுசு

இந்த சூரிய பெயர்ச்சி தனுசு ராசிக்காரர்களுக்கு அவ்வளவு நன்றாக இல்லை. பங்குச் சந்தை மற்றும் ஊக சந்தைகளுடன் தொடர்புடையவர்கள் இக்காலத்தில் பண இழப்பை சந்திக்க வாய்ப்புள்ளது. எனவே முதலீடு செய்யும் போது அல்லது எந்த ஒரு பரிவர்த்தனை செய்யும் போதும் கவனமாக இருங்கள். இந்த காலகட்டத்தில், தனிப்பட்ட வாழ்க்கையில் சில திடீர் பிரச்சினைகளை சந்திக்கலாம். பணிபுரிபவர்கள் இக்காலத்தில் பாதுகாப்பற்றதாக உணர்வார்கள். அதற்காக வேலையை மாற்ற இக்காலம் சரியானது அல்ல.

கும்பம்

சூரியன் மீன ராசிக்கு செல்வதால், கும்ப ராசிக்காரர்களுக்கு இக்காலம் சற்று வேதனை நிறைந்ததாக இருக்கும். உங்கள் செலவுகள் அதிகரிப்பதால் வருமானத்தைப் பற்றி கவலைப்படுவீர்கள். எனவே செலவுகளைக் கட்டுப்பாட்டில் வைத்திருப்பது நல்லது. குறுக்குவழியில் சம்பாதிக்க முயற்சிக்காதீர்கள். ஆரோக்கியத்தைப் பொறுத்தவரை, இக்காலம் சாதகமாக இல்லை. திடீரென்று சோர்வாகவும், பலவீனமாகவும் உணர்வீர்கள். இதனால் எந்த வேலையையும் செய்ய இது கடினமாக இருக்கும். அதே வேளையில் இதுவரை பாதிக்கப்பட்ட நோய்களால் மீண்டும் பாதிக்கப்படலாம். இதனால் உங்கள் நம்பிக்கை சற்று குறைய ஆரம்பிக்கும்.