குரு பெயர்ச்சி 2019 - 20: மீனம் லக்னத்திற்கு பணம் பொருளை தரும் குருபகவான்

உழைப்பு உயர்வு தரும்

பூரட்டாதி 4ஆம் பாதம், உத்திரட்டாதி நான்கு பாதங்கள் ரேவதி 4பாதங்கள் என மீன லக்னத்தில் உள்ளன. மீன லக்னகாரர்கள் லக்னாதிபதி கர்ம ஸ்தானத்தில் ஆட்சி பெறுகிறார். பத்தாம் வீடு பொதுவாகவே கர்ம ஸ்தானம். இந்த வீட்டில் பாவ கிரகங்கள் இருப்பது நல்லது. லக்னாதிபதி கரும ஸ்தானத்தில் ஆட்சி பெறுவதால் கடமைகளை செய்ய வேண்டும். தொழில் ஸ்தானம். நம்முடைய வேலையை நாம நல்லா வேலை செய்யணும் கொஞ்சம் கூட ரெஸ்ட் எடுக்கவே முடியாது. நீங்க செய்ய வேண்டிய கடமைகள் நிறைய இருக்கின்றன. தாய் தகப்பனுக்கு செய்ய வேண்டிய கடமைகள் நிறைய இருக்கின்றன.

தொழில் ஸ்தான குரு

குரு இப்போது ஒன்பதாம் வீட்டில் இருக்கிறார். பத்தாம் வீடான தொழில் ஸ்தானத்தில் அமரப்போகும் குரு புதிய பதவியை கௌரவத்தை தேடித்தருவார். குருபகவான் பார்வை தன ஸ்தானம், சுக ஸ்தானம், ருண ரோக சத்ரு ஸ்தானத்தின் மீது விழுகிறது. பத்தில் குரு வந்தால் பதவி பறிபோகும் என்பார்கள் இந்த குரு பதவியை கொடுப்பார். நிறைய சொத்துக்களை வாங்குவீர்கள். தொழில் வருமானம் பெருகும். சொத்துக்களை விற்றும் பணம் வரும். சிலருக்கு நெருங்கிய உறவினர்களால் பிரச்சினையும் பிரிவும் ஏற்படும்.

காதல் திருமணம்

சிலருக்கு காதல் திருமணம் நடைபெறும். குழந்தை பாக்கியம் கிடைக்கும். அம்மாவின் உடல் நலனில் அக்கறை தேவை. வம்பு வழக்குகள் தீரும். தொழில் வியாபாரத்தில் கவனம் தேவை. என்னதால் வேலை கிடைக்கும் என்றாலும் எந்த வேலையையும் அவசரப்பட்டு விட வேண்டாம். சிலருக்கு வெளிநாடு யோகம் வாய்ப்பு வருது. திருமணம், குழந்தைகளால் சுப செலவு ஏற்படும்.

எச்சரிக்கை தரும் குரு

பூராட்டாதி நட்சத்திரத்தை கொண்ட மீன லக்னகாரர்களுக்கு உங்க லக்னாதிபதி குரு உயிர் கொடுத்தவர். குரு குடும்ப ஸ்தானத்தை பார்க்கிறார். அப்பாவிற்கோ அம்மாவிற்கோ கடைசி காரியங்களை செய்ய வேண்டியிருக்கும். உத்திரட்டாதி நட்சத்திரத்தில் பிறந்த மீன லக்னகாரர்கள் எதையும் பணமாக்கி விடுவீர்கள். பழங்கள், காய்கறிகள், மீன் போன்றவற்றை ஏற்றுமதி இறக்குமதி செய்வீர்கள். உங்களுக்கு வெளிநாட்டு வாய்ப்பு மூலம் பணம் வரும். ரேவதி நட்சத்திரத்தில் பிறந்த மீன லக்னகாரர்களுக்கு இந்த குரு பெயர்ச்சி நிறைய விழிப்புணர்வை ஏற்படுத்துவார். ரேவதி புதனின் நட்சத்திரம். புதன் குருவிற்கு பகையானவர். சில கெடுபலன்கள் வரும். என்றாலும் கவலை வேண்டாம்

உடல் நலத்தில் கவனம்

இந்த ஒரு வருஷமும் உழைப்பை மட்டுமே நிறைய நம்பி இருக்கணும். கடமையை நல்லா செய்யுங்க பலன் தானா வரும். எவ்வளவு சம்பாதித்தாலும் கையில நிக்கலையே என்று கவலை பட வேண்டாம். ஜனவரிக்குப் பிறகு கவனம் தேவை. உடல் நலத்தில் சின்ன பிரச்சினை வந்தாலும் கவனம் நீரிழிவு, இதயநோய் பிரச்சினை உள்ளவர்கள் உடம்பில கவனம். மீன லக்னகாரர்கள் இந்த குரு பெயர்ச்சிக்கு ஆலய தரிசனம் செய்வதோடு மகான்கள், சித்தர்களை தரிசனம் செய்வது நல்லது. குழந்தைகள் மீது அன்பும் பசமும் தேவை. ஏழ்மை நிலையில் உள்ள குழந்தைகளுக்கு பொருட்களை வாங்கி கொடுங்கள் பாதிப்புகள் குறைந்து நன்மைகள் நடைபெறும். வியாழக்கிழமைகளில் குருவை வணங்க நன்மைகள் நடக்கும்.