விநாயகருக்கு அவல், பொரி, கரும்பு, மோதகம் படைப்பதன் தத்துவம் தெரியுமா?

கணபதி தத்துவம்

மோட்சம் தரும் கணபதி

கணபதி என்றாலே தன்னை வழிபடுபவர்களுக்கு மோட்சத்தையும் ஞானத்தையும் தருபவர் கணபதி. தான் என்ற அகங்காரத்தை உடைத்தால் கஷ்டங்களையும் கவலைகளையும் சிதறச்செய்வேன் என்று சிதறுகாய் போடும் தத்துவத்தின் மூலம் உணர்த்துகிறார் கணபதி. அதேபோல எளிமையின் சிகரமான கணபதிக்கு எலிதான் வாகனம். அவருக்கு அருகம்புல்லே போதும் அத்தனை கவலைகளையும் தீர்ப்பார் கணபதி.

கொழுக்கட்டை

மோதகம்

விநாயகருக்கு கொழுக்கட்டை நைவேத்தியம் செய்வது பற்றி தத்துவ ரீதியான விளக்கம் சொல்லப்பட்டாலும், பிள்ளையாருக்குக் கொழுக்கட்டை படைப்பதற்குப் பின்னணியில் புராண கதையே உள்ளது. ஞானபாலி என அரசன் கணபதியின் பக்தன். பஞ்சத்தை தீர்க்க யாகம் செய்த போது மேனகையால் மோகத்தில் சிக்கி பாதியில் யாகத்தை நிறுத்தினான். மேனகை எச்சரிக்கவே மீண்டும் வந்து யாகத்தை தொடர்ந்தான். அதை ஏற்காத அஷ்டதிக் பாலகர்கள் சபிக்கவே ஒற்றைக்கண் பூதமாக மாறி அலைந்தான் ஞானபாலி.

கொடிய அரக்கன்

பசியில் துடித்த அரக்கன்

பசியால் தவித்த ஞானபாலி கண்ணில் கண்டவர்களை எல்லாம் சாப்பிட்டான். அதே நேரத்தில் விநாயகர் வழிபாட்டை தொடர்ந்தான். அதனால் ஞானபாலியை யாராலும் கொல்ல முடியவில்லை. பூமாதேவி உடனே கணபதியை வேண்டினார். பக்தனையும் காக்கவேண்டும், பூமாதேவியின் கோரிக்கையையும் நிறைவேற்ற வேண்டும் என்று நினைத்த கணபதி, வேடனாக மாறினார்.

கொழுக்கட்டையாக மாற்றிய கணபதி

முழுமுதற்கடவுள்

கணபதிக்கும் ஞானபாலிக்கும் போர் நீடித்தது. ஆனால் முடிவுக்கு வரவில்லை. பரம பக்தனான ஞானபாலியை கொல்ல மனது வராத கணபதி தன்னுடனேயே வைத்துக்கொள்ள நினைத்தார். விஸ்வரூப வடிவம் எடுத்த கணபதி தனது பக்தனை கைப்பிடிக்குள் அடக்கி மோதகமாக மாற்றினார். ஞானபாலியும் சந்தோசமாக கொழுக்கட்டையாக விநாயகரின் வயிற்றில் ஜம்மென்று அமர்ந்து கொண்டார். இதனைக்கண்ட அனைவரும் ஆனந்தம் கொண்டனர். விநாயகருக்கு கொழுக்கட்டையை நிவேதனம் செய்கின்றனர்.

சரணாகதி தத்துவம்

கணபதியை சரணடையுங்கள்

கணபதியை சரணடைய கஷ்டங்கள் தீரும். விநாயகரை நம்பிக்கையோடு கும்பிட்டால் விக்னங்கள் உடைபடும். தடைகள் உடைபடும். தும்பிக்கையால் நம்பிக்கை தருவார் கணபதி. கொடிய அரக்கனாகவே இருந்தாலும் தன்னை சரணடைந்தால் நன்மை செய்வார் கணபதி என்பதை இதன் மூலம் உணரலாம்.