இந்த ஒரு பொருளை தானம் கொடுப்பது உங்களின் வாழ்க்கையையே மாற்றக்கூடும் தெரியுமா?

வேலை தொடர்பான பிரச்சினைகள்

உங்களின் கடுமையான முயற்சிகளுக்கு பின்னரும் வேலை தொடர்பாக உங்களுக்கு ஏதேனும் தடைகள் இருந்தால் புதன் கிழமையில் தேவைப்படும் ஏழை ஒருவருக்கு அரிசியை தானமாக கொடுங்கள். உங்கள் வேலை விரைவில் வெற்றிகரமாக முடியும்.

நிதி நெருக்கடி

வீட்டில் கடுமையான நிதி நெருக்கடி இருந்தால் சிவப்பு சந்தனத்துடன், சில சிவப்பு ரோஜா இதழ்களை 58 ருபாய் வைத்து அதனை ஒரு சிவப்பு துணியில் கட்டுங்கள். இந்த முடிப்பை நீங்கள் பணம் வைக்கும் இடத்தில் வைத்தால் உங்களின் பணப்பிரச்சினை விரைவில் காணாமல் போகும்.

வியாபார வெற்றி

வியாபாரத்தில் வெற்றியை நிலைநாட்ட, ஐந்து எலுமிச்சை பழங்களுடன் சில மிளகு மற்றும் கடுகுகளை சேர்த்து உங்கள் கடை அல்லது பணிசெய்யும் இடத்தில் உள்ள அனைத்து மூலைகளிலும் வைக்கவும். அடுத்தநாள் காலையில் அவற்றை ஒரு துணியில் மொத்தமாக கட்டி ஓடும் தண்ணீரில் விட்டுவிடவும். இது உங்களின் கெட்ட நேரத்தை உங்களை விட்டு போக வைக்கும்.

தம்பதிகளுக்கு இடையேயான சண்டை

தூங்குவதற்கு முன் மனைவியின் பக்கத்தில் சில கற்பூரத்தையும், கணவனின் பக்கத்தில் சிறிது குங்குமத்தையும் வைத்துக்கொண்டு தூங்கவும். இது உங்களுக்குள் இடையே இருக்கும் பிரச்சினைகளை விரைவில் தீர்க்கும் மேலும் அவர்களுக்கு இடையேயான நேசத்தை அதிகரிக்கும். உங்களுக்குள் இருக்கும் சச்சரவுகள் தீரும்வரை இதனை தொடர்ந்து செய்யவும்.

விவாகரத்தை தவிர்க்க

தம்பதிகள் பிரிய முடிவெடுத்து விட்டால் அதனை தவிர்க்க விரும்புபவர்கள் ஒரு ஆலமர இலையை எடுத்துக்கொண்டு அதில் கணவன், மனைவியின் பெயரை சந்தனத்தால் எழுதவும், பின்னர் இதனை புனித நீரில் நனைத்து தம்பதிகள் உறங்கும் அறையில் வைத்துவிடுங்கள். இது அவர்களுக்குள் இருக்கும் விவாகரத்து எண்ணத்தை விரைவில் போக்கும்.

செல்வத்தை பெற

செவ்வாய் கிழமையில் 22 அரசமர இலைகளை எடுத்துக்கொள்ளவும். கிழக்கு திசையில் அமர்ந்து அனைத்து இலைகளிலும் ராமநாமத்தை எழுதவும். பின்னர் இந்த இலைகளை ஆஞ்சநேயர் பாதத்தில் வைத்து வழிபடவும். அதன்பின்னர் உங்கள் வாழ்க்கையில் ஏற்படும் மாற்றங்களை நீங்களே உணர்வீர்கள்.

கடன் பிரச்சினை தீர

உங்களுக்கு அதிக கடன் பிரச்சினை இருந்தால், சுக்ல பக்ஷ தினத்தன்று அரிசி மாவுடன் வெல்லம் கலந்து அதனை அனுமனுக்கு வைத்து வழிபடவும். சில வாரங்களிலேயே உங்கள் கடன் பிரச்சினை தீர்ந்துவிடும், இதில் உங்களின் முயற்சியும் இருக்க வேண்டும். கடவுள் வழிதான் காட்டுவார் நாம்தான் அதனை சரியாக பயன்படுத்திக்கொள்ள வேண்டும்.

குடும்பத்தில் குழப்பம்

உங்கள் குடும்பத்தில் தொடர்ந்து குழப்பங்கள் இருந்தால் நீங்கள் செய்ய வேண்டியது இதுதான், அரிசி மாவுடன் சிறிது கருப்பு எள்ளை சேர்த்து துர்கை அம்மனுக்கு வைத்து வியாழக்கிழமையில் வழிபடுங்கள். இது விரைவில் நீங்கள் இழந்த குடும்பத்தின் மகிழ்ச்சியை மீட்டுத்தரும்.