Just In
- 59 min ago அடுத்தமுறை சிக்கன் கிரேவியை இந்த ஸ்டைலில் செய்யுங்க.. சும்மா வேற லெவல்-ல இருக்கும்...
- 1 hr ago 200 கோடி சொத்துக்களை தானம் கொடுத்துவிட்டு சமண துறவியாகப் போகும் குஜராத் தம்பதி... காரணம் என்ன தெரியுமா?
- 1 hr ago திரிபலா பற்றி தெரியுமா? உங்கள் உடலுக்கும் அழகுக்கும் சிறந்த மூலிகை..!
- 2 hrs ago ஒற்றைத் தலைவலியால் அவதிப்படுகிறீர்களா? இந்த 5 ஆயுர்வேத வைத்தியத்தை ட்ரை பண்ணுங்க...!
Don't Miss
- News தென்னிந்தியாவில் பாஜக எத்தனை சீட்களில் வெல்லும்! வந்து விழுந்த கேள்வி.. ரேவந்த் ரெட்டி பளிச் பதில்
- Technology ஆஹா.. கொடுத்துவச்சவங்கயா Jio பயனர்கள்.. கிள்ளிக்கொடுக்காம அள்ளிக்கொடுக்கும் அம்பானி.. பெஸ்ட் பிளான்ஸ்..
- Sports சிஎஸ்கே அணியில் 35 வயது வீரருக்கு கல்தா..வாய்ப்பை வீணடித்ததால் முடிவு.. ரூ.8 கோடி வீரருக்கு வாய்ப்பு
- Finance 4.54 பில்லியன் வருட பழைய பொக்கிஷம்.. உள்ளிருந்து வந்த உஸ்ஸ் சத்தம்.. திறந்து பார்த்தவர்களுக்கு ஷாக்
- Movies யுவன் ஷங்கர் ராஜா எடுத்த அதிரடி முடிவு.. ரசிகர்கள் ஷாக்.. அனைத்துக்கும் காரணம் GOAT பாடல்?
- Automobiles நீச்சல் உடையில் வந்து பஸ் பயணிகளை கிறங்கடித்த பெண்... ஓட்டு போட்ற வயசு வந்தவங்க மட்டும் வீடியோவை பாருங்க...
- Travel திருப்பதி பெருமாளை தரிசிக்க வேண்டுமா – ஏப்ரல் 24 ஆம் தேதி டிக்கெட் புக் பண்ண மறந்துடாதீங்க!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
நீங்க பிறந்த மாதத்தை சொல்லுங்க... நீங்க எப்படிப்பட்ட ஆளுன்னு நாங்க சொல்றோம்...
ஒருவர் எந்த மாதம் பிறந்தார் என்பதற்கும், அவரது வாழ்க்கைக்கும் தொழில், கல்வி, காதல் வாழ்க்கை, குணங்கள் ஆகியவற்றுக்கும் தொடர்பு உள்ளது
நீங்கள் பிறந்த மாதம், உங்கள் வாழ்வில் முக்கியமான பங்காற்றுகிறது. இதைக் குறித்த ஆராய்ச்சிகள் இன்னும் நடந்துகொண்டுதான் இருக்கின்றன.
ஆனால், ஆரம்பகட்ட ஆய்வுகள், ஒருவர் எந்த மாதம் பிறந்தார் என்பதற்கும், அவரது வாழ்க்கைக்கும் அதிகமான தொடர்பு உள்ளது என்பதை காட்டுகின்றன.
பிறந்த மாதம் வாழ்க்கையும்
'பிறந்த மாதத்திற்கேற்ப வாழ்க்கை அமையும்' என்பது கேட்பதற்கு சற்று விசித்திரமாகவே தோன்றும். பிறந்த மாதத்திற்கான கால சூழ்நிலைக்கும் அவரது வாழ்வின் ஆரோக்கியத்திற்கும் தொடர்பு உள்ளது என்பதற்கு ஆதாரங்கள் கிடைத்துள்ளன. இந்தத் தொடர்பு, இது குறித்து ஆராய்ச்சி செய்யும் விஞ்ஞானிகளுக்கு புதிராகவே உள்ளது. சிலர், பிறந்த மாதத்துடன் தொடர்புடைய சுற்றுச்சூழல், வைட்டமின் டி மற்றும் வெப்பநிலையில் ஏற்படும் மாறுதல்கள் ஒருவேளை ஆரோக்கியத்தில் தாக்கத்தை ஏற்படுத்தலாம் என்று கூறுகின்றனர். சரியான காரணங்கள் கண்டுபிடிக்கப்பட்டு அறிவிக்கப்படுவது இருக்கட்டும்; இப்போது உங்கள் பிறந்த மாதம் உங்களைக் குறித்து என்னதான் கூறுகிறது என்று பார்த்து விடுங்களேன்.
ஜனவரி மாதம் பிறந்தவர்களே...
ஜனவரி மாதம் பிறந்தவர்கள் ஒன்றாம் எண்ணின் ஆளுகைக்கு உட்பட்டவர்களாயிருப்பார்கள். ஒன்றாம் எண், நீங்கள் சுதந்திரமானவர், எதையும் ஆராய்ந்து கணக்கிடுபவர் என்று கூறுகிறது. நீங்கள் பிறவியிலேயே தலைமைத்துவ குணம் கொண்டவர். நீங்கள் புதியவற்றை உருவாக்கும் திறன் கொண்டவர் என்றும், காரியங்களை எப்படியாவது நடத்திக் காட்டி விடுபவர் என்றும் உங்களை சுற்றியிருப்பவர்கள் உணர்ந்து கொள்வார்கள்.
வேறு எதைக் குறித்தும் யோசிக்காமல், மற்றவர்கள் உங்கள் தலைமையை ஏற்று பின்பற்றி வருமளவுக்கு நீங்கள் கவர்ச்சிகர ஆளுமையாக விளங்குவீர்கள். இந்த மாதம் பிறந்த ஆண்கள், மற்றவர்கள் வாழ்வில் வெற்றிபெறுவதற்கு தகுந்த வழிகளை காட்டுவார்கள். ஜனவரி மாதம் பிறந்தவர்கள், மற்றவர்களைக் காட்டிலும் பாரம்பரிய வாழ்வில் நாட்டம் கொண்டவர்களாக இருப்பார்கள்.
பிப்ரவரி மாதம் பிறந்தவர்களே...
பிப்ரவரி மாதத்திற்கான எண் இரண்டு. நீங்கள் உணர்வுப்பூர்வமானவர்கள். உண்மையான அன்பை தேடி அலைபவர்கள். அன்பு காட்டும் உறவே உங்கள் உலகம். உங்கள் வாழ்வை வடிவமைப்பதில், குறிப்பாக இளம் வயதில் பெண்களே முக்கிய பங்கு வகிப்பார்கள்.
'காதல்' உங்கள் வாழ்வில் தாக்கத்தை ஏற்படுத்தக்கூடியது. அந்த விசேஷித்த நபரை கண்டுபிடிக்க இயலாத நிலை ஏற்பட்டால், மனமுடைந்து போவீர்கள். தன் காலில் நிற்கக்கூடிய பெலன் படைத்தவராக இல்லையென்றாலும், உங்கள் குழந்தைகளுக்கு நல்ல பெற்றோராய் திகழ்வீர்கள்.
மார்ச் மாதம் பிறந்தவர்களே...
மூன்றாம் எண்ணின் ஆளுகைக்கு உட்பட்ட நீங்கள், சரியான நேரத்தில் சரியான இடத்தில் போய் நிற்பீர்கள். புகழின் உச்சியில் அமரக்கூடிய அதிர்ஷ்டம் உங்களுக்கு உண்டு. பணத்தை ஏராளமாய் சம்பாதிப்பீர்கள்; அதே வேகத்தில் இழந்தும் போவீர்கள். கொஞ்சம் வஞ்சிக்கக்கூடிய தன்மை உங்களுக்கு உண்டு. ஆகவே, ஏதாவது உறவை இறுக்கமாக பற்றிக்கொள்ளுங்கள்.
பழக்க வழக்கங்களுக்கு அடிமையாகக்கூடியவர்; மேலும் மேலும் வளரக்கூடிய தன்மை இல்லாதவர். உங்களுக்குள் இருக்கும் குழந்தைதன்மையால் மற்றவர்கள் உங்கள்மீது அன்பு கொள்வார்கள்.
இந்த மாதம் பிறந்தவர்களில் கால்வாசிபேர் வளரிளம் பருவத்தில் லிம்போமா என்னும் இரத்தம் சம்பந்தப்பட்ட புற்றுநோய் (NHL) பாதிப்புக்குள்ளாகக் கூடியவர்களாக இருப்பார்கள் என்று ஆய்வுகள் கூறுகின்றன.
ஏப்ரல் மாதம் பிறந்தவர்களே...
ஏப்ரல் மாதத்திற்கு ஏற்ற எண் நான்காகும். பிடிவாதம், மற்றவர்களுக்கு கட்டளை பிறப்பிக்கும் எஜமான்தன்மை போன்றவை உங்கள் குணங்கள். மிகவும் புத்திக்கூர்மையும், புதியவற்றை உருவாக்கும் கிரியேட்டிவ் திறனும் உங்களுக்கு உண்டு. உங்கள் தலைமை பண்பும், கவர்ச்சிகர ஆளுமையும் வாழ்நாள் முழுவதும் உங்களுக்கு சிஷ்யர்களை பெற்றுத்தரும். ஆனால், ரொம்பவே எஜமான் தோரணை காட்டி மற்றவர்களை விரட்டி விட்டு விடாமல் கவனமாக இருங்கள்.
உங்கள் மேல் உங்களுக்கே நம்பிக்கை பிறந்து விட்டால் போதும், அதன் பிறகு யாரும் உங்களை தடுத்து நிறுத்த இயலாது. இந்த மாதம் பிறக்கும் குழந்தைகளுக்கு நோய் எதிர்ப்பு திறன் குறைவாக இருக்கும். லிம்போமா என்னும் இரத்தம் சம்பந்தப்பட்ட புற்றுநோய் (NHL) பாதிப்புக்குள்ளாகக்கூடிய வாய்ப்பு சற்று கூடுதலாக இருக்கும்.
மே மாதம் பிறந்தவர்களே...
உங்களைப் பற்றி நீங்களே கொடுக்கும் பிம்பம் உங்கள் வாழ்வில் முதன்மையானது. மிகச்சிறந்த இசை வல்லுநராக, தேர்ந்த நடிகராக, புகழ்பெற்ற எழுத்தாளராக நீங்கள் வருவதற்கு வாய்ப்புகள் பிரகாசமாக இருக்கும். திருமணம் உங்களைப் பொறுத்தவரைக்கும் மிகவும் புனிதமான ஒன்று. அதிகாரத்தில் இருப்பவர்களுக்கு மிகவும் மரியாதை கொடுப்பீர்கள். கலகலப்பாக இருக்கும் குணம் உள்ளவர். ஆகவே, எப்போதும் நண்பர்களுடனே இருப்பீர்கள். சில நேரங்களில் தனிமை உங்களுக்கு சற்று மிகைப்படுத்தப்பட்டதாக தோன்றும். இயற்கையை ரசியுங்கள். அது உங்கள் வாழ்க்கை சமச்சீராக கொண்டு செல்ல உதவும்.
இந்த மாதம் பிறக்கும் குழந்தைகள் நோய் எதிர்ப்பு திறனோடு தொடர்புடைய சில விசித்திர குறைபாடுகளை கொண்டிருக்க வாய்ப்புகள் இருப்பதாக ஆய்வுகள் கூறுகின்றன.
ஜூன் மாதம் பிறந்தவர்களே...
ஜூன் மாதம் பிறந்தவர்களுக்கான எண் ஆறு. நீங்கள் ரோமியோ, ஜூலியட் போல ரொமண்டிக் பேர்வழியாக இருப்பீர்கள். கொஞ்சம் பொறாமைபிடித்த ஆசாமி நீங்கள். காதலில் அசத்துபவர். ரொம்ப தைரியமானவர். உங்கள் காதல் வாழ்வு கொஞ்சம் சிக்கலாகவே போய்க்கொண்டிருக்கும். 'அந்த காலத்தில எல்லாம்' என்று அவ்வப்போது பழசையே பிடித்து தொங்கிக் கொண்டிருப்பீர்கள். புத்தாக்க திறன் என்னும் கிரியேட்டிவிட்டி உங்களுக்கு கை வந்த கலை. குழந்தைகளை விட, முதியவர்களோடு நேரம் செலவிடவே உங்களுக்கு அதிக பிடிக்கும்.
இந்த மாதம் பிறந்தவர்களுக்கு தற்கொலை எண்ணம் கொஞ்சம் அதிகமாம். ஜாக்கிரதையாக இருங்கள்.
ஜூலை மாதம் பிறந்தவர்களே...
யாராலும் புரிந்து கொள்ள முடியாமல் உங்கள் நடவடிக்கைகள் எல்லாம் இரகசியமாகவே இருக்கும். பொதுவாக அமைதியான சுபாவம் கொண்டவர். ஆனால், சந்தோஷமாகி விட்டால் அல்லது பதற்றப்பட்டு விட்டால் உங்கள் மறுபக்கம் மற்றவர்களுக்கு தெரிந்து விடும். கடின உழைப்பு, நேர்மை இரண்டும் உங்களுக்கு நற்பெயர் ஈட்டித் தரும். மற்றவர்களின் உணர்வுகளை ரொம்பவே மதிப்பீர்கள். ஆகவே, மற்றவர்கள் உங்களை நண்பராய் நினைப்பார்கள். மூடு மாறிக்கொண்டே இருக்கும் ஒரு மனிதர் நீங்கள். எளிதில் காயப்பட்டு விடக்கூடியது உங்கள் மனம். மன்னிப்பது உங்கள் குணம். பழிவாங்கும் குணம் அற்றவர்.
இந்த மாதம் பிறந்தவர்களுக்கு கிட்டப்பார்வை மற்றும் மயோப்பியா போன்ற கண் சம்பந்தமான நோய்கள் வரும் வாய்ப்பு அதிகம்.
ஆகஸ்ட் மாதம் பிறந்தவர்களே...
ஜோக் அடிப்பது உங்களுக்கு கை வந்த கலை. சுற்றியிருப்பவர்களை குறித்து அக்கறை கொண்டவர்கள் நீங்கள். பயம் என்றால் என்ன என்று தெரியாதவர். ஆகவே, உறுதியான முடிவுகளை எடுப்பீர்கள். தலைமைத்துவ பண்புகளை வளர்த்துக்கொள்வீர்கள். மிகவும் உதாரமாக உதவும் குணம் கொண்டவர். மற்றவர்களை ஆறுதல்படுத்துபவர். ஈகோ கொஞ்சம் தூக்கலான ஆள் நீங்கள். துதிபாடிகள் மத்தியில் சந்தோஷமாக இருப்பீர்கள். அவர்களுக்கான வேலைகளை முடித்துக் கொடுப்பீர்கள். பொறாமை, கூர்ந்து நோக்கும் குணம், கவனம் ஆகியவை உங்கள் பண்புகள்.
சுதந்திரமாக யோசிக்கும் திறன், உங்களை தலைவராக மிளிர வைக்கும். உற்சாகம், கவலை இரண்டுக்கும் மாறி பயணப்படுவீர்கள். அது நீங்கள் பிறந்த மாதத்தினால் ஏற்படுவது.
அடிக்கடி மூடு மாறும் சைக்ளோதிமிக் என்ற குறைபாடு உங்களுக்கு இருக்க வாய்ப்பு உண்டு.
செப்டம்பர் மாதம் பிறந்தவர்களே...
ஒன்பதாம் எண்ணின் ஆளுகையில் உள்ளவர் நீங்கள். உங்கள் புத்திக்கூர்மையும், விட்டுக்கொடுக்கும் திறனும் வாழ்வில் அதிகப்படியான முக்கியத்துவத்தை அளிக்கும். அறிவும் ஆன்மீகமும் உங்கள் வாழ்வை சரியான விதத்தில் அமைக்க உதவும். எதிரான சூழ்நிலைகளை தனிப்பட்ட விதத்தில் எடுத்துக்கொள்ளும் ஆபத்து உங்களிடம் உண்டு.
எப்போதும் வெற்றி தேவதையின் அரவணைப்பில் இருப்பவர் நீங்கள். ஆனாலும், உங்களையே குற்றப்படுத்திக் கொள்ளும் மனப்பான்மையை கொஞ்சம் அடக்கி வையுங்கள். எல்லாவற்றையும் அளவுக்கு அதிகமாக யோசிப்பது பிரச்னைகளில் சிக்க வைக்கும்.
செப்டம்பர் மாதம் பிறக்கும் குழந்தைகள் வைட்டமின் டி குறைபாடு கொண்டிருப்பார்கள்.
அக்டோபர் மாதம் பிறந்தவர்களே...
அக்டோபர் மாதம் பிறந்தவர்களுக்கான எண் பத்து. அதில் உள்ள ஒன்று என்ற எண்ணின் அதிர்வே உங்கள் வாழ்வை ஆக்ரமிக்கும். அதிர்ஷ்ட தேவதை உங்கள் பக்கம் இருப்பாள். ஒன்றை அடையவேண்டும் என்று நினைத்துவிட்டால், அடைந்தே தீருவீர்கள். வாக்குவாதத்தில் ஈடுபடுவது உங்களது பெருங்குறை. பழி தீர்ப்பது, வஞ்சிப்பது உங்களோடு பிறந்த குணங்கள். உங்கள் துறையில் புகழ்பெற்ற தலைவராக வாய்ப்பு அதிகம்.
அக்டோபர் மாதம் பிறந்தவர்கள், ஆஸ்துமா தொல்லையினால் அவதிப்படுவார்கள் என்று ஆய்வுகள் காட்டுகின்றன.
நவம்பர் மாதம் பிறந்தவர்களே...
நவம்பர் மாதத்திற்கான எண் 11. ஆகவே, இரண்டாம் எண்ணுக்கான அதிர்வு உங்கள் வாழ்க்கையை கட்டுப்படுத்தும். ஆம், நீங்கள் உணர்வுப்பூர்வமானவர். நேர்மறை சிந்தனையுடைய மனிதராக விளங்குவீர்கள்.
உணர்ச்சிகரமே உங்களை ஆரோக்கிய பிரச்னையில் சிக்க வைக்கும். மன ரீதியான பிரச்னைகளை எதிர்கொள்ள வாய்ப்பு உண்டு. ஆனால், அவற்றை கடந்து வந்துவிட்டால், மற்றவர்களை ஊக்குவித்து தூண்டி உயர்த்தக்கூடிய நல்ல ஆசானாக திகழ்வீர்கள்.
டிசம்பர் மாதம் பிறந்தவர்களே...
டிசம்பர் மாதம் பிறந்தவர்களுக்கான எண் 12. மூன்றாம் எண்ணே உங்கள் வாழ்க்கையில் தாக்கத்தை ஏற்படுத்தும். யதார்த்தமாக யோசிக்கும் தத்துவவாதி. நிலையான வாழ்க்கை முறையில் நம்பிக்கை கொண்டவர் நீங்கள். ஆஸ்தியும் அன்பும் எப்போதும் உங்களை தொடர்ந்து வரக்கூடிய அளவுக்கு பேரதிர்ஷ்டம் கொண்டவர்.
சில நேரங்களில் பொறுப்புகளை குறித்து போதிய கவனமில்லாமல் இருப்பீர்கள். உங்களை சுற்றியிருக்கும் அதிர்ஷ்டத்தின் காரணமாக அளவுக்கு அதிகமான தன்னம்பிக்கையில் சில நேரங்களில் ரிஸ்க் எடுக்கவும் துணியக் கூடிய நபர் நீங்கள்.