மணமேடையில் அநாகரீகமாக நடந்துக் கொண்ட ஆணை பளாரென அறைந்த மணமகள் - (வீடியோ)

வைரல் சம்பவம்!

இந்திய திருமண நிகழ்வுகளில் சடங்கு சம்பிரதாயங்களை தாண்டி சில விளையாட்டுகளும் நடக்கும், சிலவன சாதரணமாக இருக்கும், சிலவன நண்பர்கள் உறவினர்கள் சூழ கலகலப்பாக நடக்கும்.

அப்படியான ஒரு விளையாட்டின் போது தான் மணப்பெண் ஒருவர் சமீபத்தில் தனது அனுமதின்றி தூக்கிய ஆணை மணமேடையில் வைத்து ஓங்கி அறைந்த சம்பவம் வீடியோ காட்சியாக வைரலாக பரவி வருகிறது.

சடங்கு!

திருமண நிகழ்வின் போது தாலி கட்டிய பிறகு, மாலை மாற்றும் சடங்கு பரவலாக இந்திய திருமண விழாக்களில் காணப்படும். அப்படியான மாலை மாற்றும் நிகழ்வின் போது வேடிக்கையாக, கலகலப்பாக சிலர் டக்கென மாலை போடாமல், தவிர்ப்பது போல விளையாடி மகிழ்வார்கள். சிலர் மணப்பெண், மணமகனை தூக்கிப்பிடித்து விளையாடுவார்கள்.

ஒரு ஆண் மன மேடையில் இருந்த திருமணமான பெண்ணை, அவரது அனுமதி இன்றி தூக்கி இருக்கிறார். சற்றும் எதிர்பாராத போது இந்த சம்பவம் நடக்கவே, மாலையை மணமகன் குழுத்தில் அணிவித்து கீழே இறங்கிய பெண், தன்னை தூக்கிய அந்த ஆணை பளாரென்று அறைந்திருக்கிறார்.

நடந்த காட்சி!

மணமகனும், மணப்பெண்ணும் மாலை மாற்றிக் கொள்ள வேண்டிய நிகழ்வுக்காக காத்திருக்கிறார்கள். அப்போது அவர்களுக்கு பின்னே புகைப்படம் எடுத்துக் கொண்டிருந்தார் ஒரு உறவினர் (மணப்பெண்ணை தூக்கியவர்).

மாலை மாற்றும் நிகழ்வு ஆரம்பிக்கும் போது, மணமகனின் உறவினர் ஒருவர் அவர் வேண்டாம், வேண்டாம் என்று கூற, கூற அவரை தூக்கிப் பிடிக்கிறார். இப்போது மணமகளை ஒருவர் தூக்கிப்பிடிக்க வேண்டும் என்ற சூழல்.

கோபம்!

யாரிடமும் எதையும் கேட்காமல். பின்புறம் இருந்து தனது மொபைலில் புகைப்படம் எடுத்துக் கொண்டிருந்த உறவினர், மணமகளை அவரிடம் அனுமதி பெறாமலேயே தூக்கிவிட்டார். இருவரும் ஒருவருக்கு ஒருவர் மாலை மாற்றிக் கொண்டனர்.

உடனே, அவரை கீழே இறக்கிவிடும்படி தோளை தட்டிய மணப்பெண்... சற்றும் எதிர்பாராத நேரத்தில், தன்னை தூக்கிய உறவினரை பளார் என்று அறைந்தார். அப்போது அருகே நின்று கொண்டிருந்த அனைவரும் அதிர்ச்சியில் உறைந்துபோய் நின்றனர்.

வேறொரு உறவினர் பெண், அடிவாங்கிய அவரிடம் என்ன ஆனது என்று கேட்க, அடிவாங்கிய கோபத்தில், தன்னை விசாரித்த பெண்ணை ஓங்கி அறைந்துவிட்டு மணமேடையில் இருந்து இறங்கி வேகமாக சென்று விட்டார் அந்த ஆண்.

வீடியோ காட்சி!

ஒருவேளை, அந்த ஆண் வேண்டுமென்றே இந்த காரியத்தை செய்யாமல் இருந்திருக்கலாம். மணமகனை ஒருவர் தூக்கிவிட்டார். மணமகளையும் தூக்கினால் தான் உயரும் சரியாக பொருந்தும் என்று விளையாட்டாக அவர் தூக்கி இருக்கலாம்.

ஆனால், எதுவாக இருந்தாலும், அந்த பெண்ணிடம் அனுமதி வாங்காமல் செய்தது தவறு தான். அல்லது வேறு சில பெண்களை அழைத்து மணமகளை தூக்கிப்பிடிக்க கூட கூறி இருக்கலாம். அனைவரும், எல்லா சூழலிலும் ஒரே மாதிரி இருக்க மாட்டார்கள் என்பதற்கு இந்த நிகழ்வு ஒரு சான்று.

எதுக்கும் மாப்பிளையும் வருங்காலத்துல உஷாரா எல்லாத்துக்கும் பர்மிஷன் வாங்கிக்கிட்டா நல்லா இருக்கும். அடி பலமாவே விழும் போல.