டெங்கு கொசுவிடம் இருந்து தப்பிக்க தமிழக அமைச்சர்களின் ஐடியாக்கள் - ஒரு சிறிய கற்பனை!

தர்மாகோல் அமைச்சர்!

ஒவ்வொரு ஊர் எல்லையிலும் பெரிய சைஸ் கொசுவர்த்தி பற்ற வைத்துவிடலாம். அல்லது பாதுகாப்பு வீரர்களை கையில் கொசு பேட் கொடுத்து, டெல்லி கொசுக்கள் தமிழகத்தில் நுழையாமல் அடித்து கொல்ல சொல்லாம்.

சோப்பு நுரை அமைச்சர்!

டெங்குவை பரப்பும் கொசுக்களில் உயிர் வாழும் ஆண் கொசுக்களுக்கு குடும்பக்கட்டுப்பாடு ஆப்ரேஷன் செய்து விடலாம். இதனால் வரும் நாட்களில் அவற்றின் தொகையும் குறைந்துவிடும். டெங்கு பரவலாமல், அதிகரிக்காமல் கட்டுக்குள் கொண்டுவந்துவிடலாம்.

டெல்லி கொசு அமைச்சர்!

தமிழகத்திற்குள் நுழையும் முன்னர் அனைத்து Toll-Gateகளை கடந்து வரும் போக்குவரத்து வாகனங்களிலும் கொசு மருந்து அடித்துவிடலாம். கொசுக்கள் செத்துவிடும். கடுமையாக கட்டுப்படுத்த வேண்டும் எனில், ஒவ்வொரு மாவட்ட Toll-Gateகளிலும் கூட இந்த முறையை செயற்படுத்தலாம்.

முண்டாசுப்பட்டி அமைச்சர்!

உங்கள் தெருக்களில் இருக்கும் எல்லா வீடுகளின் கதவுகளிலும் "திரும்ப போ" என எழுதி ஒரு ஸ்டிக்கர் ஒட்டிவிடுங்கள். அதை படித்து புரிந்துக் கொண்டு கொசுக்கள் வீட்டுக்குள் நுழைந்து கடிக்காமல் திரும்ப போய்விடும். பேய், பிசாசே திரும்ப போகும் போது, தம்மாந்தூண்டு கொசு போகாதா...

வடிவேலு அமைச்சர்!

இது போன்ற அசாத்திய முறைகளை கடந்தும் வீட்டுக்குள் கொசு வந்தால், ஒரு உரலை எடுத்துக் கொள்ளுங்கள், வீட்டுக்குள் நுழையும் கொசுக்களை பிடித்து அதில் போட்டு நன்கு, நன்கு என அடித்து கொல்லுங்கள். இல்லையேல் கத்தி எடுத்து அதன் வயிற்றில் குத்தி கொலையும் செய்யலாம். இந்த கொலைகளுக்கு எந்த தண்டனையும் வழங்கப்படாது.

கொசு கோட்!

மழை பொழியும் போது நனையாமல் இருக்க ரெயின் கோட் மாட்டிக் கொள்கிறோமோ, அதே போல டெங்கு வராமல் தடுக்க கொசு கோட் மாட்டிக் கொள்ளவும். மிக குறைந்த விலையில் கொசு கோர்ட்டை அரசாங்கமே விற்க துவங்கும். மேலும், இது ஜி.எஸ்.டி 28% பிரிவில் அடங்கும் என்பதை நினைவில் கொள்ளவும்.

இது ஃபன்னா...

என்ன ஃபன்னா... அட என்னப்பா கற்பனை, கிற்பனைனுன்னுகிட்டு ஏற்கனவே அவிங்க இதவிட சூப்பரா ஃபன் பண்ணிக்கிட்டு இருக்காங்க இதுல நீங்க வேற நடுவுல... போங்கப்பா அங்கிட்டு என சிலர் மனதுக்குள்ளும், சிலர் வெளிப்படையாகவே கூறலாம்...

இப்போ எங்களோட மைன்ட் வாய்ஸ் என்னன்னா... சூரியின் "நீங்களே கலாய்சுட்டா அப்பறம் நான் எதுக்கு பங்க..."