இந்த சர்வாதிகாரி இறந்த போது மக்கள் 10 நாட்கள் கட்டாயப்படுத்தி அழ வைக்கப்பட்டார்களாம்... இவர் யார் தெரியுமா?

தற்போது உலகில் பூலோக நரகம் என்று அழைக்கப்படும் நாடு வடகொரியாதான். அங்கு மக்களுக்கு விதிக்கப்பட்டுள்ள கட்டுப்பாடுகளும், சின்ன சின்ன குற்றங்களுக்கு வழங்கப்படும் தண்டனைகளுமே அந்த நாட்டிற்கு இந்த பெயரை பெற்றுத்தந்துள்ளது.

வடகொரியாவின் அதிபர் கிம் ஜாங் உன் அனைத்து அதிகாரங்களும் கொண்ட சர்வதிகாரியாக நாட்டை ஆள்கிறார். வடகொரிய மக்களின் இந்த நிலை இப்போதுதான் இப்படி மோசமாக இருக்கிறது என்று நினைத்தால் அது தவறாகும். அவரது தாத்தா காலத்திலிருந்தே இந்த நிலை தொடர்கிறது, வடகொரியா கிட்டதட்ட அவர்களின் குடும்ப சொத்தாக மாறிவிட்டது.

10 நாட்கள் துக்கம்

செப்டம்பர் 9, 1948 இல், கொரியா ஜனநாயக மக்கள் குடியரசு நிறுவப்பட்டது, மேலும் கிம் இல் சுங் தலைவராக தேர்ந்தெடுக்கப்பட்டார். தற்போதைய தலைவரான கிம் ஜாங் உன்னின் தாத்தாவான கிம் இல், 1948 இல் அதிகாரபூர்வமாக அவரது ஆட்சியைத் தொடங்கினார், இருப்பினும் சோவியத் யூனியன் ஏற்கனவே 1945 இல் அவருக்கு முடிசூட்டியது. ஜூலை 8, 1994 இல் அவர் இறந்தபோது, ​​நாடு பத்து நாட்கள் துக்கத்தில் மூழ்கியது. பொது இடங்களில் பொது மக்கள் அழுவது கட்டாயமாக்கப்பட்டது, மேலும் மக்கள் உண்மையிலேயே துக்கப்படுவதை உறுதிசெய்ய பல உளவாளிகளும் பணியமர்த்தப்பட்டனர்.

கிம் இல் சுங் எப்படி பதவிக்கு வந்தார்?

கிம் இல் சுங்கின் பதவி உயர்வு ஸ்டாலினின் முடிவால் சாத்தியமானது. இரண்டாம் உலகப் போர் 1945 இல் முடிவடைந்த பிறகு, ஜப்பான் சரணடைந்தது, கொரியா சுதந்திர நாடாக அறிவிக்கப்பட்டது. ஸ்டாலின் ஆரம்பத்தில் சோ மான்-சிக்கை தலைவராகக் கருதினார், ஆனால் சோ மான்-சிக் சோவியத் நலன்களுக்கு உதவி செய்ய மாட்டார் என்பதை உணர்ந்து, அதற்கு பதிலாக கிம் இல் சுங்கைத் தேர்ந்தெடுத்தார்.

அக்டோபர் 14, 1945 இல் கிம் இல் சுங்கின் முதல் பேச்சு தோல்வியடைந்தது. அவருடைய 33 வயதில், பல ஆண்டுகள் நாடுகடத்தப்பட்டிருந்ததால், அவர் தனது தாய்மொழியான கொரிய மொழியை சரளமாகப் பேச சிரமப்பட்டார், மேலும் அவரது பதட்டம் தெளிவாக இருந்தது. இருந்தபோதிலும், கிம் இல் விரைவில் நாட்டில் தனது அதிகாரத்தை நிலைநிறுத்தி இறுக்கினார், தன்னை ஒரு கடவுளின் அவதாரம் போல மக்களிடம் பிரகடனப்படுத்தினார். 1950 களில், அவர் வட கொரியாவில் முழு ஆதிக்கம் செலுத்தத் தொடங்கினார், மேலும் ஸ்டாலினின் படங்கள் கமாற்றப்பட்ட கிம் இல் படங்கள் மாற்றப்பட்டன.

கிம் இல் ஆட்சி எப்படி இருந்தது?

கிம் இல்லின் ஆட்சியில் மக்கள் தொகை மூன்று வகையாகப் பிரிக்கப்பட்டது. அவரை வழிபட்ட செல்வந்தர்கள் ஏராளமான நன்மைகளைப் பெற்றனர், ஏழைகள் குறைவாகவே பெற்றனர். அவரது சர்வாதிகாரத்தை எதிர்த்தவர்கள் தனிமைப்படுத்தப்பட்டு அடிப்படைத் தேவைகள் கூட கிடைக்காமல் அவதிப்பட்டனர். காதல் பாடல்கள், காதல் படங்கள், காதலை பொதுவெளியில் வெளிப்படுத்துவது போன்றவற்றை தடைசெய்வது உள்ளிட்ட கலாச்சார கட்டுப்பாடுகள் விதிக்கப்பட்டன.

கிம் இல் சுங் 1994 இல் இறந்தபோது, ​​அமைதியின்மையைத் தடுக்க அவரது மரணத்தை அரசாங்கம் 34 மணிநேரம் தாமதப்படுத்தியது. ஒரு தேசிய துக்க காலம் பத்து நாட்கள் நீடித்தது, அந்த நேரத்தில் துக்கத்தை பொதுவெளியில் வெளிப்படுத்துவது கட்டாயமாக இருந்தன. மக்கள் உண்மையாகவே துக்கத்தில் இருப்பதையும், அழுவதையும் உறுதிசெய்ய உளவாளிகள் பொதுமக்களைக் கண்காணித்தனர்.