ஒரு அகோரி இறந்த பிறகு அவரின் உடலை என்ன செய்வாங்க தெரியுமா? நினைச்சு பாக்கவே பயமா இருக்கே...!

Mahakumbh 2025: இந்தியாவின் மிகவும் முக்கியமான ஆன்மீக விழாவான மகா கும்பமேளா தொடங்கிவிட்டது. 12 ஆண்டுகளுக்கு ஒருமுறை நடைபெறும் பிரமாண்டமான மகா கும்பமேளா, தற்போது பிரயாக்ராஜில் நடைபெற்று வருகிறது, இந்த விழா உலகம் முழுவதிலுமிருந்து லட்சக்கணக்கான பக்தர்களையும், துறவிகளையும் ஈர்க்கிறது.

இது பண்டைய மரபுகள் மற்றும் துறவற நடைமுறைகள் உயிர்ப்பிக்கும் ஒரு ஆன்மீக பயணமாகும். மகாகும்பமேளாவில் மிகவும் சுவாரஸ்யமான மற்றும் மர்மமான அம்சமாக அகோரிகள் மற்றும் நாக சாதுக்கள் உள்ளனர், அவர்கள் யாத்ரீகர்கள் மற்றும் சமூக ஊடகங்களுக்கு ஆர்வமான தலைப்பாக உள்ளனர்.

இந்த துறவிகள் தங்கள் பழங்கால சடங்குகளைச் செய்யும் வீடியோக்கள் இணையத்தில் நிரம்பி வழிகின்றன மற்றும் பொதுமக்களின் ஆர்வத்தைத் தூண்டுகின்றன. இந்த பதிவில் அகோரிகளின் விசித்திரமான உலகத்தைப் பற்றி தெரிந்து கொள்ளலாம்.

அகோரிகள் பண்டைய இந்தியாவைச் சேர்ந்தவர்கள், மேலும் அவர்கள் பெரும்பாலும் கபாலிகர்கள் அல்லது "மண்டை ஓடு தாங்கி" வந்தவர்களின் வாரிசுகளாகக் கருதப்படுகிறார்கள். ரோமானிய வரலாற்றாசிரியர் மிர்சியா எலியாட் 1958 ஆம் ஆண்டு எழுதிய Yoga: Immortality and Freedom புத்தகத்தில் அகோரிகள் சைவ மரபுகளுடன் ஆழமாக இணைக்கப்பட்டுள்ளனர் மற்றும் ஆயிரக்கணக்கான ஆண்டுகளுக்கு முந்தைய நடைமுறைகளைப் பாதுகாத்து வருகின்றனர் என்று குறிப்பிட்டுள்ளார்.

வரலாற்றின் பார்வையில் அகோரிகள் யார்?

"அகோரி" என்ற சொல்லுக்கு "எளிமையானது" என்று அர்த்தம். இருப்பினும், அகோரிகள் பெரும்பாலும் அவர்களின் வழக்கத்திற்கு மாறான செயல்பாடுகள் காரணமாக தவறாகப் புரிந்து கொள்ளப்படுகிறார்கள். 7 ஆம் நூற்றாண்டில், பேரரசர் ஹர்ஷவர்தனின் ஆட்சிக் காலத்தில்,இந்தியாவிற்கு வருகைப் புரிந்த சீனப் பயணி ஹியூன் சாங், எலும்பு மாலைகளை அணிந்து, சாம்பலில் வாழும் நிர்வாண துறவிகளைப் பற்றி எழுதினார். அவர் அவர்களை அகோரிகள் என்று குறிப்பிடவில்லை, ஆனால் அவருடைய இந்த விளக்கங்கள் இன்றைய அவர்களின் நடைமுறைகளை ஒத்திருக்கின்றன.

அகோரியாக மாற என்ன செய்ய வேண்டும்?

ஒரு அகோரியாக மாற, ஒருவர் வாழ்க்கையில் எளிமையைத் தழுவ வேண்டும், வெறுப்பைத் துறக்க வேண்டும், சமூக விதிமுறைகளை மீற வேண்டும். மற்றவர்கள் தூய்மையற்றது அல்லது தடைசெய்யப்பட்டது என்று நினைக்கும் அனைத்து விஷயத்திலும் தெய்வீகத்தைக் காண்பதில் அவர்கள் நம்பிக்கை கொண்டுள்ளனர்.

மரணம் குறித்த பார்வை

அகோரிகளின் சடங்குகளில் மிகவும் சுவாரஸ்யமான அம்சங்களில் ஒன்று, அவர்கள் மரணத்தை எவ்வாறு கையாளுகிறார்கள் என்பதுதான். இறந்தவர்களை தகனம் செய்யும் மற்ற இந்துக்களைப் போலல்லாமல், ஒரு அகோரி துறவியின் உடல் வித்தியாசமாக நடத்தப்படுகிறது. இறந்தவுடன், அகோரியின் உடல் தலைகீழாக வைக்கப்பட்டு, தலை கீழ்நோக்கியும், கால்கள் மேல்நோக்கியும் வைக்கப்படும்.

சடலம் 40 நாட்களுக்கு இதே நிலையில் விடப்படுகிறது, இது இயற்கை அதன் செயல்பாட்டை மேற்கொள்ள அனுமதிக்கிறது. இந்த காலக்கட்டத்திற்குப் பிறகு, உடல் மீண்டும் எடுக்கப்பட்டு, அதன் பாதி புனித கங்கையில் மூழ்கடிக்கப்படுகிறது, அதே நேரத்தில் தலை ஆன்மீக நடைமுறைகளுக்காக பாதுகாக்கப்படுகிறது. இந்த சடங்கு ஆன்மா உடலிலிருந்து பிரிந்து, வாழ்க்கை மற்றும் மரணத்தின் நித்திய சுழற்சியை ஏற்றுக்கொள்வதைக் குறிக்கிறது.

அகோரிகளின் வழிபாட்டு கடவுள்

அகோரிகள் தத்தாத்ரேயரை தங்களுக்கு வழிகாட்டும் தெய்வமாக வணங்குகிறார்கள். தத்தாத்ரேயர் பிரம்மா, விஷ்ணு மற்றும் சிவன் ஆகிய புனித மும்மூர்த்திகளின் அவதாரம் என்று நம்பப்படுகிறது. தந்திரம் மற்றும் மந்திரத்தின் கடவுள் என்று அழைக்கப்படும் அவர் ஞானம், சக்தி மற்றும் துறவறத்தை வெளிப்படுத்துகிறார். தத்தாத்ரேயர் பெரும்பாலும் இந்து கலை மற்றும் வேதங்களில் அமைதியான, ஞானம் பெற்ற நபராக சித்தரிக்கப்படுகிறார் மற்றும் அகோரிகளை அவர்களின் தாந்த்ரீக நடைமுறைகளில் ஊக்குவிக்கிறார்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)