சாணக்கிய நீதியின் படி, இந்த அறிகுறி எல்லாம் ஒருவருக்கு கெட்ட காலம் தொடங்கப் போகிறது என்பதன் அர்த்தமாம்...

துளசி செடி காய்ந்து போவது

துளசி செடி மிகவும் புனிதமான செடியாக கருப்படுகிறது. அதுவும் இந்த செடியில் மகாலட்சுமி வாசம் செய்வதாக ஓர் நம்பிக்கையும் உள்ளது. இப்படிப்பட்ட துளசி செடி வீட்டில் காய்ந்து போனால், உங்கள் வீட்டில் பண பிரச்சனை ஏற்படப் போகிறது என்பதன் முதன்மை அறிகுறியாகும். மேலும் இது வீட்டில் ஒரு பெரிய தகராறு ஏற்படப் போவதையும், பிரச்சனை ஒன்று தேடி வந்து கொண்டிருப்பதையும் குறிக்கிறது.

வீட்டில் திடீரென்று சண்டை அதிகரிப்பது

சாணக்கியரின் கூற்றுப்படி, வீட்டில் தினமும் சண்டைப் போட்டுக் கொண்டிருந்தால், அந்த வீட்டில் லட்சுமி தேவி வாசம் செய்யமாட்டாள். மேலும் அந்த வீட்டின் மீது லட்சுமி தேவி கோபம் கொள்வார். இதன் விளைவாக அந்த வீட்டில் மகிழ்ச்சியும், செழிப்பும் குறையும். சண்டை அதிகம் போடும் வீட்டில் எதிர்மறை ஆற்றல் அதிகம் நிரம்பியிருக்கும். இதனால் குடும்பத்தின் சந்தோஷம் அழியும் மற்றும் நிதி தட்டுப்பாடும் ஏற்படும்.

வீட்டு பெரியோரை அவமதிப்பது

சாணக்கியரின் கூற்றுப்படி, வீட்டில் உள்ள பெரியவர்களை மரியாதையுடன் நடத்தாமல், எப்போதும் திட்டிக் கொண்டு, அவமானப்படுத்திக் கொண்டு இருந்தால், அந்த வீட்டில் எப்போதும் பிரச்சனை நிலைத்திருக்கும். வீட்டு பெரியவர்கள் மகிழ்ச்சியுடன் இல்லாவிட்டால், அந்த வீட்டில் வறுமை அதிகரிக்கும்.

கண்ணாடி உடைவது

வீட்டில் உள்ள கண்ணாடி உடைவது நல்லதாக கருதப்படுவதில்லை. சாணக்கிய நீதிப்படி, வீட்டில் இருக்கும் கண்ணாடி அடிக்கடி உடைகிறது என்றால், அந்த வீட்டில் பெரிய பண பிரச்சனை ஒன்று வரப்போகிறது என்று அர்த்தம்.

கடவுளை வழிபடாமல் இருப்பது

சாணக்கியரின் கூற்றுப்படி, வீட்டில் கடவுளை வழிபடாமல், ஆன்மீக நடவடிக்கைகளில் ஈடுபடாமல் இருந்தால், அந்த வீட்டில் உள்ளோர் தவறான பாதையில் செல்ல நிறைய வாய்ப்புள்ளது. அதன் காரணமாக அவர்களை நோக்கி பல பிரச்சனைகள் வரக்கூடும்.