International Labour Day 2025: சர்வதேச தொழிலாளர் தினம் கொண்டப்படுவதற்கு பின்னால் உள்ள வரலாறு என்ன தெரியுமா?

International Labour Day 2025: ஒரு நாட்டின் வளர்ச்சிக்கு முதுகெலும்பாக இருப்பது அந்த நாட்டின் தொழிலார்கள்தான். தொழிலாளர்கள் இல்லாமல் எந்த துறையும் சரி, நாடும் சரி வளர்ச்சியை அடைய முடியாது. ஒரு நாடு மூன்று விஷயங்களால் கட்டமைக்கப்படுகிறது, அவை உள்கட்டமைப்பு, பொருளாதாரம் மற்றும் மேம்பாடு. தொழிலாளர்கள் வளர்ச்சியை பூஜ்ஜியத்தில் இருந்து தொடங்கி நாட்டிலும் உலகிலும் நேர்மறையான மாற்றத்தைக் கொண்டுவர முயற்சிக்கிறார்கள், அதனாலதான் அவர்கள் சமூகத்தின் வளர்ச்சிக்கு முதுகெலும்பாகக் கருதப்படுகிறார்கள்.

தொழிலாளர்களின் நல்வாழ்வில் அக்கறை செலுத்துவதற்கும், அவர்களின் பிரச்சினைகளைக் கேட்கபதற்கும் ஒவ்வொரு ஆண்டும் மே 1 ஆம் தேதி, சமூகத்தின் தொழிலாள வர்க்கத்தின் போராட்டங்கள் குறித்த விழிப்புணர்வைப் பரப்புவதற்காக சர்வதேச தொழிலாளர் தினம் கொண்டாடப்படுகிறது. தொழிலாளர்களின் பங்களிப்பிற்கு நன்றி சொல்லும் விதமாகவும் இந்த நாள் கொண்டாடப்படுகிறது.

சர்வதேச தொழிலாளர் தினத்தின் வரலாறு

தொழிலாளர் தினத்தின் வரலாறு 19 ஆம் நூற்றாண்டு அமெரிக்காவிலிருந்து தொடங்குகிறது, அந்த காலகட்டத்தில் தொழிலாளர்கள் தங்கள் உரிமைகளுக்காகப் போராடி வந்தனர். 1886 ஆம் ஆண்டில் ஒரு பெரிய வேலைநிறுத்தம் நடந்தது, அங்கு சுமார் 200,000 அமெரிக்க தொழிலாளர்கள் எட்டு மணிநேர வேலை நேரத்திற்காக போராடி வந்தனர். இருப்பினும், இந்த போராட்டம் பின்னர் சிகாகோவில் வன்முறையாக மாறியது, அது ஹேமார்க்கெட் கலவரம் என்று நினைவுகூரப்பட்டது.

இந்த சம்பவம் சர்வதேச தொழிலாளர் தினத்தின் தொடக்கத்தைக் குறித்தது. 1889 ஆம் ஆண்டில், ஐரோப்பாவில் பல சோசலிசக் கட்சிகள் மே 1-யை சர்வதேச தொழிலாளர் தினமாகக் கொண்டாட ஒன்றிணைந்தன, அப்போதிருந்து ஒவ்வொரு ஆண்டும் அதே நாளில் தொழிலாளர் தினம் கொண்டாடப்படுகிறது.

பல நாடுகளில் உள்ளூர் தொழிலாளர் தினம் சர்வதேச தொழிலாளர் தினத்துடன் இணைக்கப்பட்டுள்ளது. சில நாடுகளில், தொழிலாளர் தினம் வெவ்வேறு தேதிகளில் கொண்டாடப்படுகிறது, பெரும்பாலும் இது அந்த நாட்டின் தொழிலாளர் இயக்கத்தால் தீர்மானிக்கப்படுகிறது. தற்போது 80 நாடுகளில் தொழிலாளர் தினம் மே 1 அன்று கொண்டாடப்படுகிறது.

சர்வதேச தொழிலாளர் தினத்தின் முக்கியத்துவம்

சர்வதேச தொழிலாளர் தினம் என்பது சமூகம் மற்றும் நாட்டின் வளர்ச்சிக்கு தொழிலாளர்கள் மற்றும் தொழிலாள வர்க்கத்தின் பங்களிப்பை அங்கீகரிக்கும் ஒரு வாய்ப்பாகும். இந்த நாள் தொழிலாளர்கள் தங்கள் உரிமைகளைப் பற்றி அறிந்து கொள்ள ஊக்குவிக்கிறது. தொழிலாளர்கள் பல்வேறு வழிகளில் சுரண்டப்படுகிறார்கள், மேலும் அவர்களின் உரிமைகளை அவர்கள் பாதுகாப்பது முக்கியம், மேலும் தங்கள் நாட்டில் தொழிலாளர்களின் வாழ்க்கை நிலைமைகளை மேம்படுத்த மக்கள் ஒன்றுபட வேண்டும் என்று இந்த நாள் வலியுறுத்துகிறது.

தொழிலாளர் தினம் எவ்வாறு கொண்டாடப்படுகிறது?

பெரும்பாலான நாடுகளில், தொழிலாளர் தினம் ஒரு தேசிய விடுமுறையாக உள்ளது. இந்த நாளில், தொழிலாளர்களின் சாதனைகள் மற்றும் பங்களிப்புகளை முன்னிலைப்படுத்த பல நிகழ்ச்சிகள் மற்றும் கருத்தரங்குகள் ஏற்பாடு செய்யப்படுகின்றன. பல இடங்களில், சுவரொட்டிகள் மற்றும் பதாகைகள் மூலம் தொழிலாளர்கள் மற்றும் அவர்களின் உரிமைகள் பற்றிய விழிப்புணர்வை ஏற்படுத்த அரசாங்கமும், தொழிலாளர் இயக்கமும் இந்த வாய்ப்பைப் பயன்படுத்துகின்றன.