KFC சிக்கன் சாப்பிடுவது ஜப்பானின் கிறிஸ்துமஸ் கலாச்சாரமாக ஏன் மாறியது? அதன் சுவாரஸ்ய வரலாறு என்ன தெரியுமா?

உலகம் முழுவதும் கோடிக்கணக்கான மக்கள் ஆவலுடன் எதிர்பார்த்த காத்திருக்கும் கிறிஸ்துமஸ் பண்டிகை வந்துவிட்டது. கிறிஸ்துமஸின் மரபுகள் மாற்றும் கொண்டாட்டங்கள் ஒவ்வொரு பிராந்தியத்திற்கும் ஏற்ப மாறுபடுகிறது. இது ஆண்டின் மிகவும் மேஜிக்கலான காலகட்டமாகும்.

பண்டிகை காலம் என்றாலே அனைவருக்கும் முதலில் நினைவுக்கு வருவது சுவையான உணவுகள்தான். அதனால்தான் உலகெங்கிலும் உள்ள நூற்றுக்கணக்கான மில்லியன் மக்கள் கிறிஸ்துமஸ் நேரத்தில் பண்டிகை கால சிறப்பு உணவு தயாரிப்பில் ஈடுபடுகிறார்கள். கிறிஸ்மஸ் நாளில் மிகவும் பொதுவான உணவு பாரம்பரிய கிறிஸ்துமஸ் இரவு உணவாகும், பொதுவாக வறுத்த வான்கோழி மேற்கு நாடுகளில் பிரதான உணவாக இருக்கும்.

ஆனால் எல்லா இடங்களிலும் இந்த பாரம்பரியம் கடைபிடிக்கப்படுவதில்லை. ஜப்பானில், KFC ஒவ்வொரு ஆண்டும் மில்லியன் கணக்கான குடும்பங்களின் விருப்பமான கிறிஸ்துமஸ் உணவாக மாறியுள்ளது. ஆனால் ஜப்பானில் KFC எப்படி இவ்வளவு பிரபலமாகியது? அதற்கான காரணம் என்னவென்று இந்த பதிவில் தெரிந்து கொள்ளலாம்.

ஜப்பானில் KFC-ன் தொடக்கம்

உலகப்புகழ் பெற்ற KFC பிராண்ட் 1970 இல் ஜப்பானின் நகோயாவில் தனது முதல் கடையைத் திறந்தது. துரதிர்ஷ்டவசமாக, அப்போது அந்த கடைக்கு எதிர்பார்த்த வரவேற்பு கிடைக்கவில்லை.

KFC தொடங்கப்படுவதற்கு முன்பு ஜப்பானில் ஃபிரைடு சிக்கன் ஒரு பழக்கமில்லாத உணவு வகையாக இருந்தது, எனவே அதன் முதல் கடை ஆரம்பத்தில் வாடிக்கையாளர்களை ஈர்ப்பதில் மிகவும் சிரமப்பட்டது. ஜப்பானின் முதல் KFC ஸ்டோரின் மேலாளர், தாகேஷி ஒகாவாரா, கடையை வெற்றிகரமானதாக மாற்ற தனது சொந்த வழிகளைக் கையாண்டார்.

KFC வருகைக்கு முன் ஜப்பானில் கிறிஸ்துமஸ் கொண்டாட்டம்

1960களின் பிற்பகுதியில், ஜப்பானியர்கள் கிறிஸ்துமஸை பருவகால நிகழ்வாக கொண்டாடத் தொடங்கினர், உள்ளூர் சாக்லேட் நிறுவனங்கள் அந்த ஆண்டின் குழந்தைகளுக்கான கேக்குகள் மற்றும் இனிப்புகளை விளம்பரப்படுத்தத் தொடங்கிய பிறகு, வீட்டில் கிறிஸ்துமஸ் விருந்துகளை நடத்தினார்கள். ஆரம்பத்தில், குழந்தைகளை மகிழ்விப்பதற்காக மட்டுமே கொண்டாட்டங்கள் இருந்தன. பின்னர், 1970 களில், KFC ஜப்பானுக்கு வந்து, 1974 இல், KFC கிறிஸ்துமஸ் பிரச்சாரத்தை முதன்முதலில் தொடங்கியது, KFC இன் புகழ்பெற்ற வறுத்த கோழியின் ஒரு பக்கெட்டை மது பாட்டிலுடன் விற்று, அதை கிறிஸ்துமஸ் விழாவிற்குப் பயன்படுத்த பரிந்துரைத்தது. கிறிஸ்துமஸ் குழந்தைகளுக்கு மட்டுமல்ல பெரியவர்களுக்கும் உரியது என்று விளம்பரப்படுத்தியது.

கிறிஸ்மஸ் தினத்தன்று டோக்கியோவில் உள்ள KFCக்கு வருகை தந்த ஒரு வெளிநாட்டு வாடிக்கையாளர், "என்னால் ஜப்பானில் வான்கோழியைப் பெற முடியாது, அதனால் எனக்கு Kentucky Fried Chicken உடன் கிறிஸ்மஸ் கொண்டாடுவதைத் தவிர வேறு வழியில்லை" என்று கூறியபோது பிரச்சாரத்திற்கான அசல் யோசனை வந்தது. KFC ஜப்பான் விற்பனைக் குழுவில் உள்ள ஒரு குழு உறுப்பினர் இந்தக் கருத்தைக் கேட்டு, முதல் கிறிஸ்துமஸ் பிரச்சாரத்தையும் அதன் வாசகமாக 'Kentucky for Christ'யை தொடங்க உத்வேகமாகப் பயன்படுத்தினார். இந்த பிரச்சாரம் வெற்றி பெற்றது, மேலும் Kentucky for Christmas விரைவில் ஜப்பான் முழுவதும் ஒரு பாரம்பரியமாக மாறியது, அது இன்றுவரை தொடர்கிறது.

KFC இன் கிறிஸ்துமஸ் மறு கண்டுபிடிப்பு

குழந்தைகள் பள்ளி விருந்துக்கு KFC சிக்கனை டெலிவரி செய்யும் போது கிறிஸ்துமஸ் தாத்தா போல உடையணிந்து வரும்படி வினவிய போது, ஒகாவாராவுக்கு திடீரென்று ஒரு புரிதல் ஏற்பட்டது. ஜப்பானில் KFC-யை பிரபலப்படுத்த அவர் கிறிஸ்துமஸைப் பயன்படுத்தலாம் என்று திட்டம் தீட்டினார். பாரம்பரியமாக, கிறிஸ்துமஸ் அல்லது அதனுடன் தொடர்புடைய கலாச்சார நிகழ்வுகள் அல்லது மரபுகள் ஆகியவற்றில் ஜப்பான் அதிக வெளிப்பாட்டைப் பெறவில்லை. போருக்குப் பிந்தைய ஆண்டுகளில் இந்த வழக்கம் கொஞ்சம் கொஞ்சமாக மாறத் தொடங்கியது, ஆனால் 1970 களின் முற்பகுதியில் பாரம்பரிய கிறிஸ்துமஸ் இரவு உணவிற்கு ஜப்பானிய மாற்று உணவாக எதுவும் இல்லை.

ஒகாவாரா உணவுச் சந்தையில் இந்த வெற்றிடத்தை உணர்ந்து, KFC அமெரிக்கர்களுக்கு மிகவும் பிடித்த கிறிஸ்துமஸ் உணவு வாடிக்கையாளர்களிடம் கூறினார். பின்னர் அவர் KFC 'பார்ட்டி பேரல்' என்ற திட்டத்தை அறிமுகப்படுத்தினார், இது விரைவில் ஜப்பானில் சிறந்த விற்பனையாளராக KFC-யை மாற்றியது.

1974-ல், KFC நிறுவனம் ஜப்பான் முழுவதும் அதன் 'கென்டக்கி கிறிஸ்துமஸ்' விளம்பர பிரச்சாரத்தை தொடங்கியது, அப்போதிருந்து இந்த பிராண்ட் ஜப்பானில் கிறிஸ்துமஸின் ஒரு முக்கிய அங்கமாக இருந்து வருகிறது. KFC இன் 'கிறிஸ்துமஸ் பேக்ஸ்' இப்போது ஜப்பான் முழுவதும் அதன் வருடாந்திர விற்பனையில் மூன்றில் ஒரு பங்கைக் கொண்டுள்ளது.

வெற்றியின் ரகசியம்

கிறிஸ்துமஸ் உடன் எந்த தொடர்பும் இல்லாமலேயே, KFC-ன் உணவுகளை சரியான முறையில் சந்தைப்படுத்துவதன் மூலம், நீண்ட காலம் தொடரும் ஒரு பாரம்பரியத்தை உருவாக்க தகேஷி ஒகாவாராவால் முடிந்தது.

சந்தையில் உள்ள வெற்றிடத்தைக் கண்டறிந்த பிறகு, அவர் ஜப்பானில் KFC-ன் விளம்பரங்களில் குறிப்பாக அவர் ஜப்பானில் பார்த்த விஷயங்களை மட்டுமே பயன்படுத்திக் கொண்டார். அவரது விளம்பரத்திற்க்கு பிறகு முன்னும் பின்னும் விலையில் எந்த மாற்றமும் இல்லை, அவரது வெற்றிக்கான ஒரே வழி அதை சந்தைப்படுத்துவது மட்டுமே.

KFC-ன் முதல் ஜப்பானிய ஸ்டோரில் இந்த விளம்பரம் வெற்றி அடைந்தவுடன், அது நாடு முழுவதும் பரவியது. இது விரைவில் ஜப்பானின் மிகப்பெரிய துரித உணவு சங்கிலியாக KFC ஆனது மற்றும் ஜப்பானை KFC இன் மிகப்பெரிய வெளிநாட்டு சந்தையாக மாற்றியது.