50 ஆண்டுகளாக ஒற்றை கையை தூக்கிய வைத்திருக்கும் யோகி... இதற்கு பின்னால் இருக்கும் உன்னத காரணம் என்ன தெரியுமா?

அமர் பாரதி என்ற இந்தியத் துறவி (சாது) ஏறக்குறைய ஐம்பது ஆண்டுகளாக உலக அமைதிக்காக தனது வலது கையை கீழே இறக்காமல் மேலே உயர்த்தியே வைத்திருப்பதற்காக அறியப்பட்டவராக இருக்கிறார்.

ஒரு சாது என்பபவர் அனைத்து உலக ஆசைகளையும் நிராகரித்தவராவார். பொதுவாக துறவிகள் இந்து மதம் மட்டுமின்றி பௌத்தம் மற்றும் ஜைன மதம் என பல்வேறு மதங்களில் காணப்படுகிறார்கள்.

1970 ஆம் ஆண்டு வரை புதுதில்லியில் எழுத்தராகப் பணிபுரிந்த அமர் பாரதி திருமணமாகி மூன்று குழந்தைகளுடன் இருந்தார், அவர் தனது வேலையை விட்டுவிட்டு, தனது குடும்பத்தினரையும் நண்பர்களையும் விட்டுவிட்டு, இந்து மதத்தின் முக்கிய தெய்வங்களில் ஒருவரான சிவனுக்காக தனது வாழ்க்கையை அர்ப்பணித்து ஆதி யோகியாக மாறினார்.

அவர் 1973 இல் தனது பக்தியின் அடையாளமாகவும், "போர்களுக்கு எதிராக போராடுவதற்கும் உலக அமைதியை ஆதரிப்பதற்கும்" தனது வலது கையை உயர்த்தினார். இதைச் செய்ததன் மூலம், அவர் தனது வாழ்நாளில் இரண்டு ஆண்டுகள் கடுமையான வலியை அனுபவித்தார், ஆனால் இறுதியில் அவரது கை அனைத்து உணர்வையும் இழந்தது மற்றும் அவரது கையில் உள்ள தசைகள் சிதைந்தன.

இந்திய சாதுக்கள் பெரும்பாலும் மிகவும் கடுமையான தவம் செய்கிறார்கள், விடுதலை மற்றும் ஞானம் அல்லது மோட்சத்தை அடைவதற்காக தீவிர சுய ஒழுக்கத்துடன் அவர்கள் இதனை மேற்கொள்கிறார்கள். பிரபல நாளிதழுக்கு அவர் அளித்த பேட்டியில், நான் அதிகம் கேட்கவில்லை. நாம் ஏன் நம் மகன்களுடனும், நமக்குள்ளும் சண்டையிட்டுக் கொள்கிறோம்? நமக்குள் ஏன் இவ்வளவு வெறுப்பும் பகைமையும்? அனைத்து இந்தியர்களும், முழு உலகமும் பரஸ்பரம் நிம்மதியாக வாழ வேண்டும் என்று நான் விரும்புகிறேன்" என்று அவர் கூறினார்.

பாரதியால் இப்போது கையை வளைக்க முடியாது, ஏனெனில் அது இப்போது வெறும் எலும்பு அமைப்பாகவும், அவரது நகங்கள் சுழல் நகங்களாகவும் மாறிவிட்டன. அவர் எவ்வளவு வலியை அனுபவித்திருப்பார் என்பதை எ\நம்மால் கற்பனை கூட செய்து பார்க்க முடியாது. இத்தகைய தீவிரமான வலியை அனுபவிக்கக்கூடிய செயல்பாடுகள் மற்றும் இந்த செயல்களுக்குப் பின்னால் உள்ள உந்துதல் ஆகியவை இந்து துறவறத்தை இந்தியர் அல்லாதவர்களுக்கு மிகவும் ஆர்வமுள்ள தலைப்பாக மாற்றியுள்ளன.

உலக அமைதி என்பது இந்து ஆன்மீகம் மற்றும் புனித நூல்கள் காலங்காலமாக கவனம் செலுத்தும் ஒரு விஷயமாகும். அதனால்தான் இந்தியர்கள் வரலாற்றுரீதியாக மிகவும் அமைதியான காலகட்டத்தைக் கொண்டிருந்தனர் என்று கூறப்படுகிறது. பண்டைய இந்தியர்கள் தங்கள் நிலத்திற்கு அமைதியாக வந்த புலம்பெயர்ந்தோர் அனைவரையும் அரவணைத்து ஒருங்கிணைத்தனர். பண்டைய இந்தியாவின் இந்து மத நூல்கள் முழுவதும் அமைதி மற்றும் ஒற்றுமைப் பற்றி குறிப்பிடப்பட்டுள்ளது.

அமர் பாரதி இப்போதும் தன் கையை உயரமாகப் பிடித்திருக்கிறார், அவருக்கு கையை கீழே இறக்கும் எண்ணமே இல்லை. அவர் கையை கீழே இறக்கினாலும், அவரது தசைகள் கடுமையாக சிதைந்துவிடும், மேலும் பெரும்பாலும் அவரது கையை கீழே இறக்கினால், கையில் நிரந்தர நரம்பு சேதம் ஏற்படலாம், எனவே அவர் தனது வாழ்நாள் முழுவதும் கையை உயர்த்தி வைத்திருப்பது நல்லது. ஆன்மீக காரணங்களுக்காக மட்டுமின்றி ஆரோக்கிய காரணங்களுக்காகவும் அவர் கையை உயர்த்தி வைப்பதே நல்லது.