உங்க வீட்டுல அட்டாச்சுடு பாத்ரூம் இருக்கா? அப்ப வாஸ்துப்படி இந்த தவறுகளை செய்யாதீங்க...

டிப்ஸ் #1

அட்டாச்சுடு பாத்ரூம்மின் நுழைவாயிலானது வடக்கு அல்லது கிழக்கு சுவற்றில் இருக்க வேண்டும். வாஸ்துப்படி, குளியலறையின் கதவானது தென்மேற்கு திசையில் இருக்கக்கூடாது. மேலும் படுக்கையில் குளியலறை இருப்பதால், பயன்படுத்தாத போது குளியலறையை மூடி வைக்க வேண்டும்.

டிப்ஸ் #2

குளியலறை படுக்கையறையுடன் இருந்தால், தூங்கும் போது கால்களை குளியலறையை நோக்கி நீட்டி தூங்கக்கூடாது. இல்லாவிட்டால், அந்த வீட்டில் உள்ளோரிடையே சண்டைகளை அதிகரிக்கும். மேலும் தேவையற்ற செலவுகளும் அதிகரிக்கும்.

டிப்ஸ் #3

தற்போது பெரும்பாலான வீடுகளில் வெஸ்டர்ன் கழிவறை உள்ளது. இந்த கழிவறையை பயன்படுத்திய பின் நிறைய பேர் இருக்கையின் மூடியை மூடுவதில்லை. இப்படி மூடாமல் இருந்தால், அது வீட்டில் எதிர்மறை ஆற்றலை அதிகரிக்கும். மேலும் வீட்டில் நிதி பிரச்சனையை சந்திக்க நேரிடும்.

டிப்ஸ் #4

வாஸ்துப்படி வீட்டின் படுக்கையறையில் உள்ள அட்டாச்சுடு பாத்ரூம் எப்போதும் சுத்தமாக இருக்க வேண்டும். அழுக்காக இருந்தால், அது வீட்டில் வாஸ்து குறைபாட்டை ஏற்படுத்தும். மேலும் வீட்டில் எதிர்மறை ஆற்றல் அதிகரித்து, குடும்ப உறுப்பினர்களிடையே பிரச்சனைகள் அதிகரிக்கும்.

டிப்ஸ் #5

வாஸ்து சாஸ்திரத்தின் படி, படுக்கையறையுடன் கூடிய அட்டாச்சுடு பாத்ரூம்மின் சுவர், கதவு போன்றவை வெளிர் நிறத்தில் இருக்க வேண்டும். மேலும் தரையில் வெளிர் நிற டைல்ஸை தான் பொருத்த வேண்டும். இப்படி செய்வதனால் அந்த வீட்டில் வாஸ்து தோஷம் எதுவும் இருக்காது.