மூட்டைப்பூச்சிகளை விரட்டுவதற்கான சில எளிய வீட்டுக்குறிப்புகள்!!!

வெற்றிடப் பம்புகளின் மூலம் உறிஞ்சுதல்

வேக்யூம் க்ளீனரைக் கொண்டு, வீட்டிலுள்ள அனைத்து பொருட்களையும் உறிஞ்சி சுத்தப்படுத்துங்கள். அனைத்து பூச்சிகளையும் இதன்மூலம் அகற்ற முடியாது. எனினும், ஒரு சிலவாவது பிடிபடும். அதிலும் அவற்றைக் கொண்டு, மெத்தைகள், குஷன் வைத்த சோபா, நாற்காலிகள், தலையணைகள், தலையணை உறைகள், படுக்கை விரிப்புகள், திரைச்சீலைகள், தரைவிரிப்புகள் ஆகியவற்றை, சுத்தப்படுத்துங்கள்.

கழுவுதல்

தண்ணீர் கொண்டு கழுவக் கூடியவற்றை தண்ணீர் கொண்டு கழுவுங்கள். படுக்கை விரிப்புகள், குஷன்கள், பொம்மைகள் ஆகியவற்றை நேரடியாகக் கொதிக்கும் தண்ணீரில், போட்டு எடுத்து அதன் பின் அலசுங்கள். படுக்கை விரிப்புகள் போன்ற பெரிய பொருட்களுக்கு இம்முறை ஒத்துவராது. எனவே அடுத்த குறிப்பினைப் பின்பற்றுங்கள்.

சூரிய ஒளியில் காய வைத்தல்

நேரடியான சூரிய ஒளி மூலம் இவற்றை விரட்டமுடியும். மூட்டைப்பூச்சிகள் வெப்பத்தைத் தாங்க வல்லவை. எனவே மிகவும் அதிகமான சூட்டைத் தரக்கூடிய நல்ல சூரிய வெளிச்சமே பயன் தரத்தக்கது. 60 முதல் 80 டிகிரி வெப்பத்தில் இவை சாகக்கூடும். எனவே நல்ல வெயில் படும்படியான நேரத்தில், உங்கள் வீட்டு மொட்டை மாடியில் படுக்கை விரிப்புகள், தலையணைகள் மற்றும் நாற்காலிகளைப் போட்டுக் காய வையுங்கள்.

டிரையர் கொண்டு உலர்த்துதல்

மேற்சொன்ன முறைகள் அனைத்தையும் செய்து பார்த்தாலும் மூட்டைப்பூச்சிகள் ஒழியவில்லையா? துணிகள் அனைத்தையும் டிரையரில் போட்டு உலர்த்துங்கள். டிரையரிலிருந்து வரும் வெப்பம் கண்டிப்பாக அவற்றைக் கொன்றுவிடும்.

இயற்கையான பூச்சிக்கொல்லி

குழந்தைகளுக்கும், வீட்டு செல்லப் பிராணிகளுக்கும் பாதுகாப்பான இயற்கையான பூச்சிக்கொல்லிகளைப் பயன்படுத்துங்கள். இயற்கையான மூட்டைப்பூச்சிக்கொல்லி ஸ்ப்ரேக்களும், பவுடர்களும் மார்க்கெட்டில் ஏராளமாகக் கிடைக்கின்றன. DDT பவுடரைப் பயன்படுத்த வேண்டாம். இதன் மூலம் புற்றுநோய் உண்டாகும் வாய்ப்பு உள்ளதாம். மேலும் மூட்டைப்பூச்சி விஷயத்தில் இதன் செயலாற்றல் கொஞ்சம் குறைவுதான்.

இலவங்க எண்ணெய்

இலவங்க எண்ணெய் மூட்டைப்பூச்சிகளைக் கொல்லும் தன்மை படைத்தவை. இந்த எண்ணெய் பட்டதுமே மூட்டைப் பூச்சிகள் வெடித்து இறந்துவிடும். எனவே, இலவங்க எண்ணெயினை ஸ்ப்ரே செய்யுங்கள். மூட்டைப்பூச்சிகள் மடிந்துவிடும்.

லவெண்டர் எண்ணெய்

லவெண்டர் எண்ணெய் கூட மூட்டைப்பூச்சிகளுக்கு சிறந்த எதிரியாகும். இதன் மணத்தை மூட்டைப்பூச்சிகள் விரும்புவதில்லை. எனவே லவெண்டர் எண்ணெய் கொண்டு ஸ்ப்ரே செய்தாலும் அது சிறந்த பலனைத் தரும். அதே நேரம் லவெண்டர் எண்ணெய் நமக்கு சிறந்த நறுமணத்தைக் கொடுக்கும். ஒரே கல்லில் இரண்டு மாங்காய். ஆம். மூட்டைப்பூச்சிகள் ஒழிவதோடு, வீடு முழுதும் நறுமணம் கமழும்.