காய்கறி நறுக்கப் பயன்படும் கத்தியை, இப்படியும் யூஸ் பண்ணலாமா!!!

அனைவரது வீட்டிலுமே காய்கறி நறுக்கும் கத்தி இருக்கும். அத்தகைய கத்தி, காய்கறிகளை நறுக்குவதற்கு மட்டும் தான் பயன்படுகிறது என்று நினைக்க வேண்டாம். அது பல புதுமையான வழிகளிலும் பயன்படுகிறது. மேலும் வீட்டில் செய்யப்படும் வேறுபல காரியங்களுக்கும் கத்தியானது பயன்படுகிறது. அத்தகைய வழிகள் என்னவென்று பட்டியலிட்டுள்ளோம். அதைப் படித்து பார்த்து, கத்தியை சமையலறைக்கு மட்டும் பயன்படுத்தாமல், இதர வேலைகளுக்கும் பயன்படுத்துங்கள்.

கத்தியை பயன்படுத்தும் சில புதுமையான வழிகள்:

* நிறைய வீடுகளில் ஸ்க்ரூ ட்ரைவர் நிச்சயம் இருக்கும். ஆனால் அது இருக்கும் இடம் தான் பலருக்கு தெரியாது. அவ்வாறு தெரியாத போது, சமையலறையில் உள்ள கத்தியை ஸ்க்ரூ ட்ரைவர் போன்று பயன்படுத்தலாம்.

* குழந்தைகளது பென்சிலை கூர்மையாக்கும் கருவி அவசரத்திற்கு காணாமல் போய்விட்டால், அப்போது கத்தியைக் கொண்டு எளிதில் கூர்மையக்கலாம். அக்காலத்தில் எல்லாம் பென்சிலை கூர்மையாக்குவதற்கு ப்ளேடு தான் பயன்படுத்தினார்கள். அப்போது எப்படி ப்ளேடோ, அதேப் போல் இப்போது கத்தி உதவியாக உள்ளது. ஆனால் குழந்தைகளை, இந்த செயலை செய்யவிடாமல் பார்த்துக் கொள்ளுங்கள். இல்லாவிட்டால், அவர்கள் கைகளை கிழித்துக் கொள்வார்கள்.

* உணவுப் பொருட்கள் இருக்கும் பாக்கெட்டுகளை வீட்டிற்கு வாங்கி வந்த பின்னர், அதனை திறக்கப் பயன்படுத்தும் கத்தரிக்கோலை காணவில்லையா? அப்படியெனில் வீட்டில் இருக்கும் கத்தியைப் பயன்படுத்தி எளிதில் திறக்கலாம்.

* பொதுவாக டேப்பை வெட்டுவதற்கு, கத்தரிக்கோல் தான் பயன்படுத்துவோம். ஆனால் அது இல்லாத பட்சத்தில், கத்தியைப் பயன்படுத்தலாம். அதுமட்டுமின்றி, கத்தரிக்கோலை விட, கத்தி இன்னும் விரைவில் வெட்டும்.

* வீட்டில் பாட்டிலைத் திறக்கப் பயன்படும் கருவி இல்லாவிட்டால், அப்போது கத்தியைக் கொண்டு எளிதில் திறக்கலாம்.

* நீண்ட நாட்களாக ஜன்னல் மூடியிருந்தால், அது திறக்க முடியாதவாறு இருக்கும். அப்போது நன்கு ஒட்டிக் கொண்டிருக்கும் அதனை திறப்பதற்கு, நன்கு கூர்மையான கத்தியை முனைகளில் விட்டு திறந்தால், எளிதில் திறந்துவிட்லாம்.

* தோட்டத்திலோ அல்லது தொட்டியிலோ செடிகளை வைக்க நினைத்தால், அப்போது மண்ணை தோண்டுவதற்கு, கத்தியைப் பயன்படுத்தலாம்.

இவையே காய்கறி நறுக்கும் கத்தியை வேறுவிதமாக பயன்படுத்தும் புதுமையான வழிகள். இவ்வாறு நீங்கள் காய்கறி நறுக்குவதைத் தவிர, வேறு எப்படியெல்லாம் கத்தியை பயன்படுத்தியிருக்கிறீர்கள்?