நீங்க பேச்சுலரா? அப்ப உங்க அறையை அழகா வெச்சுக்க சுலபமான சில யோசனைகள்!!!

உபயோகத்தை முடிவு செய்யுங்க

உங்கள் ரூம் அல்லது அபார்ட்மெண்டிற்கு என்ன தேவை என்பதை முடிவு செய்யுங்கள். அது ஒரு பொழுதுபோக்கு இடமாக இருக்க வேண்டுமா அல்லது ஹாயாக ஓய்வு எடுக்கும் இடமாக இருக்க வேண்டுமா என்பதை யோசிச்சு அதன் படி செய்யுங்கள்.

விளக்குகள்

பழைய வெள்ளை மஞ்சள் பல்புகள் தற்போது ஓரம் கட்டப்பட்டுவிட்டன. டியூப் லைட்டுகளும் பழைய சமாச்சாரமாக ஆகிவிட்டன. ஆகவே பல வண்ண விளக்குகளால் அலங்கரித்து அறையில் ஒரு புதிய சூழலை உருவாக்க முயற்சி பண்ணிப் பாருங்கள். அதே சமயம் ஏதாவது ஒரு பெரிய விளக்கு அத்தியாவசியத்திற்காக உடனே போடுவது போல் வையுங்கள்.

மாத்துங்க.. தரம் உயர்த்துங்க..

பெட்ஷீட்டுகளை துவைப்பதோ அல்லது சலவைக்குப் போடுவதோ ஆண்மகனுக்கு அழகல்ல என்பது புரிகிறது. ஆனால் சில ஜோடி பெட்ஷீட்டுகளை வாங்கி வைத்துக் கொண்டால், சில நாட்களுக்கொருமுறை மாற்றி சலவைக்குப் போடலாம். மாற்றுவதற்கு ஒன்று மட்டுமே உள்ள நிலையில் நீங்கள் உஷாராகி சலவைக்குப் போடுவீர்கள். முக்கியமாக பெட்ஷீட் வண்ணம் சற்று அடர்த்தியானதாக (டார்க்) இருக்கட்டும். ஏனென்றால் இள வண்ணங்கள் உடனடியாக அழுக்கேருவதுடன் அபார்ட்மெண்டிற்கு ஏற்றதாக இருக்காது. இது கைத்துணிகளுக்கும், டவல்களுக்கும் கூட பொருந்தும்.

இசைக்கு இடம் கொடுங்க..

ஒரு மியூசிக் சிஸ்டம் வாங்கி வைத்துக் கொள்வது எப்போதும் நல்லது தான். நீங்கள் ஓய்வேடுக்கும் போதோ அல்லது விசேஷத்தின் போதோ ஒரு நல்ல மியூசிக் சிஸ்டம் தேவைப்படக்கூடிய ஒன்று.

கண்ணாடிப் பொருட்கள்

முகம் பார்க்கும் கண்ணாடி மட்டுமல்ல, ஆனால் நல்ல கண்ணாடி டம்ளர்களும் தேவை தான். டிஸ்போசபிள் கப்பில் ஊற்றிக் கொடுப்பது சரி தான். ஆனால் அதுப்போன்ற கண்ணாடி டம்ளர் பார்டிக்கு தனி அழகைத் தரும்.

வேறு ஏதாவது?

அறைக்குத் தேவையான திரைச்சீலைகளை வாங்குங்கள். சில சுவர் ஓவியங்களையும் கூட வாங்கலாம். அவை உண்மையானவைகளாக இருக்க வேண்டும் என்பது அவசியம் இல்லை. குப்பைக் கூடையை அவ்வப்போது சுத்தம் செய்யுங்கள். ஒரு புத்தக அலமாரியை வைப்பதும் நல்ல விஷயம் தான். இன்னும் சுவாரஸ்யம் உள்ளவர் என்றால், கவர்ச்சிமிகு வண்ணங்களை அறைச் சுவற்றில் பூசுங்கள். அதிலும் சிவப்பு மற்றும் ஆரஞ்சு வண்ணங்கள் உகந்தவை.