கொரோனா தடுப்பூசியின் சில விசித்திரமான பக்கவிளைவுகள்!

உதடுகளில் வீக்கம்

உலகெங்கிலும் பல வகையான தடுப்பூசிகள் கண்டுபிடிக்கப்பட்டுள்ளன. அதில் மாடர்னா தடுப்பூசியைப் பெற்ற சிலர் உதடு வீக்கம் மற்றும் கொப்புளங்களை சந்தித்து வருகின்றனர். அதுவும் லிப் ஃபில்லர்களைக் கொண்டவர்களுக்கு இந்த தடுப்பூசி ஒருவித ஒவ்வாமையை உருவாக்கலாம் என்று பரிந்துரைக்கும் சில கோட்பாடுகள் இருந்தாலும், உண்மையில் இது ஒரு அரிய மற்றும் அசாதாரண எதிர்வினையாக வகைப்படுத்தப்பட்டுள்ளது. எனவே இம்மாதிரியான அலர்ஜி பிரச்சனை உள்ள மக்கள் தடுப்பூசி போட்டால் வலிமிக்க கொப்புளம், அசௌகரியம் மற்றும் வாய் வறட்சியையும் உணரக்கூடும் என்று கூறியுள்ளனர். உதடு வீக்கம் ஒரு பாதிப்பில்லாத எதிர்வினை என்றாலும், இது தடுப்பூசியின் தாமதமான எதிர்வினையின் ஒரு வடிவமாக இருக்கலாம்.

கோவிட் ஆர்ம்

கொரோனா தடுப்பூசியால் தாமதமாக கண்டுபிடிக்கப்பட்ட மற்றொரு புதிய பக்கவிளைவு தான் கோவிட்-ஆர்ம். இது ஒரு விசித்திரமான பக்கவிளைவாக இருப்பதோடு, ஊசி போட்ட இடத்தை சிவந்து போகச் செய்து, நீடித்த விறைப்பு மற்றும் வலியை அனுபவிக்க வைக்கும். கோவிட் ஆர்ம் பிரச்சனையை சந்தித்த சிலர், கடுமையான வலி மற்றும் அரிப்பை அனுபவித்ததாக தெரிவித்தனர். இந்த பக்கவிளைவு மற்றவர்களை விட வித்தியாசமான மாற்றுவது என்னவெனில், சில சமயங்களில் இது தடுப்பூசி போட்ட 7-9 நாட்களுக்கு பின் ஏற்படலாம். ஒரு நற்செய்தி என்னவெனில், இது பாதிப்பில்லாத எதிர்வினை மற்றும் இரண்டாவது ஷாட் பெறுவதற்கு தடையாக இது இருக்கக்கூடாது.

வீங்கிய நிணநீர்

கோவிட்-19 தடுப்பூசிகளின் வித்தியாசமான பக்கவிளைவுகளின் பட்டியலில், நிணநீர் முடிச்சுக்கள் வீங்கி காணப்படுவது ஒன்று. ஆனால் இம்மாதிரியான வீக்கம் பலருக்கும் புற்றுநோய் கட்டி என்று தவறாக நினைக்க வைக்கும். கொரோனா தடுப்பூசி பெற்ற பலரும் இம்மாதிரியான எதிர்வினைகளை அனுபவிப்பதை மருத்துவர்கள் காண்பதாக கூறுகின்றனர். அதோடு இந்த எதிர்வினை தடுப்பூசி போடப்பட்ட அதே கையில் ஏற்படலாம் என்று நிபுணர்கள் கூறுகின்றனர். இந்த பக்கவிளைவு நேரடியாக தீங்கு விளைவிப்பதில்லை என்றாலும், இந்த பக்கவிளைவை சந்திக்கும் நோயாளிகளுக்கு கவலையைத் தூண்டுவதாக நிபுணர்கள் கருதுகின்றனர். ஏனெனில் இது புற்றுநோயின் அறிகுறியை ஒத்திருக்கிறது. எனவே கொரோனா தடுப்பூசியைப் பெறும் ஒவ்வொருவரும் இந்த பக்கவிளைவு குறித்து அவசியம் தெரிந்து வைத்திருக்க வேண்டும்.

இரத்த உறைவு

ஆக்ஸ்போர்டு-அஸ்ட்ராஜெனெகா தடுப்பூசி சில நாடுகளில் பயன்படுத்த தற்காலிகமாக நிறுத்தி வைக்கப்பட்டுள்ளது. ஏனெனில் இந்த தடுப்பூசியைப் பெற்ற சுகாதாரப் பணியாளர்களுக்கு கடுமையான இரத்தக் கட்டிகளை உருவாவதோடு, பிளேட்லெட்டுகளின் எண்ணிக்கையும் குறைந்து காணப்பட்டது. இந்த பக்கவிளைவு கொரோனா தடுப்பூசியால் நேரடியாக ஏற்பட்டதா என்பது தெரியவில்லை என்றாலும், மருத்துவர்கள் இந்த பக்கவிளைவு எச்சரிக்கையாக இருக்க வேண்டிய ஒரு அரிய நிகழ்வாக நம்புகிறார்கள். சில சந்தர்ப்பங்களில், தடுப்பூசியால் ஏற்படும் இரத்த உறைவானது வலிமிக்க கொப்புளங்கள், தடிப்புகள் மற்றும் காயங்களையும் ஏற்படுத்தும்.

மங்கலான பார்வை

கொரோனா தடுப்பூசியின் மற்றொரு விசித்திரமான பக்கவிளைவு என்பது சிலரின் பார்வையை பலவீனப்படுத்துவதாகும். சில வழக்கு ஆய்வுகளின் படி, தடுப்பூசி போடுவதால் சிலருக்கு சில நாட்கள் மங்கலான பார்வை இருக்கும். அமெரிக்காவில், சுகாதார பணியாளர் ஒருவர் தடுப்பூசி போட்ட பின்னர் கண் வீக்கத்தை அனுபவித்தார். இந்த பக்கவிளைவு ஒரு அசாதாரண மற்றும் சற்று கவலை அளிக்கக்கூடியதாக இருந்தாலும், மற்ற தடுப்பூசிகளிலும் பார்வை பிரச்சனை பொதுவாக அனுபவிக்கக்கூடிய ஒன்று என்று நிபுணர்கள் குறிப்பிடுவதால், இந்த ஒரு காரணத்தால் கோவிட் தடுப்பூசிகளின் செயல்திறன் அல்லது பாதுகாப்பை சந்தேகிக்கக்கூடாது.