இந்தியா என்றாலே பஞ்சம் தானா? அதுக்குன்னு இதிலையுமா?

சிறுநீரகம்

இந்தியாவில் இரண்டு லட்சத்திற்கும் மேலானவர்கள் சிறுநீரக மாற்று அறுவை சிகிச்சைக்காக காத்திருக்கிறார்கள். ஆனால், வெறும் ஆறாயிரம் சிறுநீரகங்கள் தான் பெறக்கூடிய நிலையில் இருக்கின்றன. அதாவது வெறும் 3% பேரினால் தான் பயனடைய முடியும்.

இதயம்

இந்தியாவில் இதய மாற்று அறுவை சிகிச்சைக்காக ஐம்பதாயிரம் இதயங்கள் தேவை. ஆனால், பெறக்கூடிய நிலையில் இருப்பதோ வெறும் 15, அதாவது 0.03%.

கல்லீரல்

இந்தியாவில் கல்லீரல் நோயால் பாதிக்கப்பட்டு, கல்லீரல் மாற்று அறுவை சிகிச்சைக்காக முப்பதாயிரம் கல்லீரல் தேவைப்படுகிறது. ஆனால், பெறக்கூடிய நிலையில் இருப்பதோ 1,500 தான். அதாவது 5% மட்டுமே.

ஒட்டுமொத்தமாக

ஏறத்தாழ ஒட்டுமொத்தமாக உடலுறுப்பு மாற்று அறுவைசிகிச்சைக்காக தேவைபடுவதோ 2.8 லச்சம் உறுப்புக்கள். ஆனால், 7,000 மட்டுமே பெறக்கூடிய நிலையில் இருக்கின்றன.

அமெரிக்கா

அமெரிக்காவில் உடலுறுப்பு தானத்திற்கு தேவையானவை 1,21,501; பெறக்கூடிய நிலையில் இருப்பவை 30,970. அதாவது 25.5% பேர் பயனடைய முடியும். இது கடந்த ஆண்டு (2015) எடுக்கப்பட்ட கணக்கின் மூலம் தெரிவிக்கப்பட்டுள்ள விகிதம்.

மக்கள் தொகை

உலகிலேயே இரண்டாவது அதிக மக்கள் தொகையுள்ள நாடு என்ற சாதனை மட்டும் தான் கையிருப்பாக வைத்திருக்கிறோம். மண் திங்க போகும் உறுப்பை தானம் செய்ய ஏனோ நமக்கு தோன்றுவதில்லை. இறந்தும் உயிரோடு இருக்க உதவும் இந்த தானத்தை அனைவரும் மறவாது செய்ய வேண்டும்.