உடலில் டாட்டூ குத்துவதனால் ஏற்படும் பக்க விளைவுகள்!!!

நோய் தொற்று

டாட்டூ குத்தும் போது ஒருமுறை பயன்படுத்திய ஊசியை மறுமுறை உபயோகிக்கும் போது நோய் தொற்றுகள் ஏற்பட வாய்ப்புகள் இருக்கிறது. இதன் மூலமாக ஒரு சிலருக்கு எச்.ஐ.வி நோய்த்தொற்று கூட பரவியிருக்கிறது என்பது குறிப்பிடத்தக்கது.

சரும அழற்சி

பல வண்ணங்களில் டாட்டூக்கள் குத்திக்கொள்ள இரசாயன சாயங்கள் உபயோகிக்கப்படுகின்றன இதன் காரணத்தினால் சரும அழற்சிகள் ஏற்படுகிறது. முக்கியமாக டாட்டூ குத்திக்கொண்ட இடத்தில் சூரிய ஒளிப்படும் போது தான் அழற்சி அதிகமாகிறது.

வடுக்கள்

டாட்டூக்கள் குத்துவதனால் தோலில் வடுக்கள் வருகிறது. பெரும்பாலானோருக்கு டாட்டூவிற்கு உபயோகப்படுத்தப்படும் அந்த இரசாயன சாயத்தினை அழிக்கும் போது தான் வடுக்கள் ஏற்படுகிறது.

சரும தொற்றுகள்

டாட்டூ குத்த பயன்படுத்தப்பட்ட ஸ்டெர்லைட் ஊசியில் தங்கியிருக்கும் பாக்டீரியாக்கள் மூலமாக சரும தொற்று நோய்கள் ஏற்படும் அபாயம் இருக்கிறது. தோல் வீக்கம், வலி, சிவந்து தடித்தல் போன்றவை நோய் தொற்றுக்கு அறிகுறிகளாக இருக்கும். இந்த அறிகுறிகள் தோன்றுவதற்கே இரண்டு அல்லது மூன்று வாரங்கள் ஆகும் என்பது குறிப்பிடத்தக்கது.

எம்.ஆர்.ஐ எடுக்கும் போது தொல்லைகள்

ஏதாவது காரணத்திற்க்காக நீங்கள் எம்.ஆர்.ஐ ஸ்கேன்னிங் செய்யும் பட்சத்தில் உங்களுக்கு டாட்டூ குத்திய இடத்தில வீக்கமும், எரிச்சலும் ஏற்படும்.

தோலின் நிறம் மாறுதல்

நீங்கள் டாட்டூ குத்திய இடத்தில் நிரந்தரமாக சரும நிறம் மாறிடும் வாய்ப்பிருக்கிறது. நிறைய வருடங்களுக்கு பிறகு இந்த நிறம் மாற்றம் குறையலாம் எனினும், டாட்டூ குத்திவதற்கு முன் இதை எல்லாம் மனதில் வைத்துக் கொள்வது அவசியம்.

இரத்த தானம்

பச்சைக் குத்தியவர்கள் ஒரு வாரத்திற்கு இரத்த தானம் செய்யக்கூடாது. நோய் தொற்றுகள் ஏற்படும் அபாயம் இருப்பதனால் இது தவிர்க்கப்படுவதாய் மருத்துவர்கள் கூறுகின்றனர்.

இரத்தத்தின் அடர்த்தி மெலிகிறது

டாட்டூ குத்துவதனால் உங்களது இரத்தத்தின் தன்மை மெலிவடைவதாக கூறப்படுகிறது. இரத்தம் மீண்டும் அதன் பழைய தன்மையை பெற நீண்ட நாட்கள் ஆகுமாம்.

இரத்தக்கட்டி

டாட்டூ குத்தும் போது இரத்த நாளங்களில் இரத்தக்கட்டிகள் உருவாக வாய்ப்பிருக்கிறது.

நிணநீர் அமைப்பு சுமை

நிணநீர் அமைப்பில் வீக்கம் அல்லது கட்டிகள் ஏற்படலாம், இதன் மூலம் அப்பகுதியில் பளு அதிகரிக்கும்.