ட்ரெட்மில்லில் உடற்பயிற்சி செய்வது நல்லதா? கெட்டதா?

இது ஒரு ஏரோபிக் பயிற்சி

ட்ரெட்மில்லில் நடப்பது ஒரு சிறந்த ஏரோபிக் பயிற்சியாகும். சமீபத்தில் நடத்திய ஆய்வில் தினமும் 40 நிமிடம் ட்ரெட்மில்லில் நடப்பது ஆரோக்கிய அதிகரிக்கும் சிறந்த வழியாக இருக்கிறது என மருத்துவர்கள் கூறுகிறார்கள். இது இரத்த அழுத்தத்தை குறைத்து, இதய ஆரோக்கியத்தை மேம்படுத்துகிறது. மேலும் எடை இழப்பு, தசைகளின் வலிமை போன்ற நன்மைகளையும் வழங்குகிறது.

மனஆரோக்கியம்

உடல் ரீதியாக சுறுசுறுப்பாக இருப்பது உங்கள் உடல் தகுதியை மட்டும் மேம்படுத்துவதில்லை, அது உங்களின் மனஆரோக்கியத்தையும் மேம்படுத்துகிறது. மாலை நேரங்களில் ட்ரெட்மில்லில் நடப்பது உங்களை அன்றைய நாளின் சோர்வுகளில் இருந்து மீட்பதோடு, இரவு நல்ல தூக்கத்தையும் கொடுக்கிறது.

வேடிக்கையானது

ஜிம்மில் சென்று நீங்கள் உடற்பயிற்சி செய்யும்போது உங்களை போன்றே எண்ணம் கொண்ட பலரை நீங்கள் பார்க்க வாய்ப்புள்ளது. ஆனால் வீட்டில் ட்ரெட்மில்லில் பயிற்சி செய்யும்போது அதன் வேகம், பயிற்சி செய்யும் முறை என அனைத்தையும் உங்கள் வசதிக்கேற்ப மாற்றிக்கொள்ளலாம், இது ஒரு விளையாட்டு போலவே இருக்கும். வீட்டில் ட்ரெட்மில் பயிற்சி எடுக்கும்போது உங்களுக்கு பிடித்த நிகழ்ச்சிகளை பார்க்கலாம், உங்கள் குடும்பத்தினருடன் பேசலாம். இவையெல்லாம் உங்களுக்கு சோர்வு ஏற்படாமல் பார்த்துக்கொள்ளும்.

எடை இழப்பு

ட்ரெட்மில்லில் நடக்கும் போதோ அல்லது ஓடும்போதோ உங்கள் கலோரிகள் எரிக்கப்படுகிறது. இது உங்களின் எடை இழப்பிற்கு உதவியாக இருக்கும். மிதமான வேகத்தில் இதில் அரைமணி நேரம் நடப்பது உங்களின் 150 கலோரிகளை குறைக்கும். அதுவே சற்று வேகமாக இதில் நடக்கும்போது இது 200 கலோரிகள் வரை குறைக்க உதவியாக இருக்கும்.

பக்கவாதம்

பக்கவாதத்தால் பாதிக்கப்பட்டவர்களிடையே நடத்தப்பட்ட ஆய்வில் வெளியில் சென்று உடற்பயிற்சி செய்பவர்களை காட்டிலும் வீட்டில் ட்ரெட்மில்லில் நடப்பவர்களுக்கு குணமாகும் வாய்ப்பு அதிகமாக உள்ளது கண்டறியப்பட்ட்டது.

மூட்டுகள் பலப்படுத்தப்படுகிறது

ட்ரெட்மில்லில் நடப்பது உங்கள் மூட்டுகளின் பலத்தை அதிகரிக்க உதவுகிறது. ட்ரெட்மில்லில் நடப்பது மூட்டுகள் தேய்மானம் அடைவதை குறைக்கிறது. நீங்கள் வெளிப்புறங்களில் நடக்கும்போது ஏற்படும் மூட்டுகளின் தேய்மானத்தை காட்டிலும் ட்ரெட்மில்லில் நடக்கும்போது ஏற்படும் தேய்மானம் குறைவுதான்.

காயங்கள் ஏற்படும் வாய்ப்பு குறைவு

ஒவ்வொரு நூறு மணி நேர வெளிப்புற உடற்பயிற்சிக்கும் நீங்கள் சில காயங்களை உணருவீர்கள். வெளிப்புறத்தில் உடற்பயிற்சி செய்பவர்களில் 65 சதவீதத்தினர். இந்த சூழ்நிலையில் நீங்கள் ட்ரெட்மில்லில் நடக்கும்போது காயங்கள் ஏற்படும் வாய்ப்பு மிகக்குறைவு.

ஜிம்மில் இருக்கும் ட்ரெட்மில்

உங்களுக்கு வெளியே சென்றுதான் உடற்பயிற்சி செய்யவேண்டும் என்று விரும்பினால் ஜிம்மில் உள்ள ட்ரெட்மில் அதற்கு சிறந்த தீர்வாகும். ஒருவேளை நீங்கள் எடை அதிகமானவராக இருந்தால் ஜிம்மில் உள்ள ட்ரெட்மில்தான் நீங்கள் உடற்பயிற்சி செய்ய சரியாக இருக்கும். ஏனெனில் வீட்டில் இருக்கும் ட்ரெட்மில் குறைவான எடைக்கு ஏற்றாற்போல செய்யப்பட்டதாய் இருக்கும்.